བསམ་ཚད་གླུ་རུ་ལེན་པ་གསོག་སྒར་གཤིས།།
རྒྱལ་རབས་ལོ་རྒྱུས་མེ་སྲེག་གཏོང་དགོས་ཞེས།།
བསམ་ཚད་གླུ་རུ་ལེན་པ་གསོག་སྒར་གཤིས།།
ཆོས་སྲིད་དཔལ་ཡོན་གཏོར་བའི་མུ་ཏོ་བ།།
མི་བཞིའི་རོ་ལང་སློང་པ་གསོག་སྒར་གཤིས།།
སྔོན་གྱི་བག་ཆག་བཟང་པོ་དགྲ་རུ་ལོག།
དེང་རབས་ཁ་རུ་གྱེར་བ་གསོག་སྒར་གཤིས།
དེང་གི་གསར་སྐྱེས་མི་འགྲོ་ལུང་པར་འགྲོ།།
མི་དགོས་སྲོལ་ངན་སློང་བ་གསོག་སྒར་གཤིས།།
དུས་རབས་རེ་ལ་སྤྱོད་པ་སོ་མ་རེ།།
བར་མཚམས་རེ་ལ་སྐད་རིགས་ཁ་ཁ་རེ།།
དབྱར་དགུན་རེ་ལ་འགྱུར་བ་སྣ་ཚོགས་རེ།།
འགྱུར་བའི་རི་མོ་མི་གཅིག་སྣ་ཚོགས་རེ།།
ང་དང་ཨ་མའི་ལས་དབང་གཏོར་མི་རུང༌།།
ཁྱོད་དང་ཨ་ཕའི་ཁྲིམས་ཁ་བརྗེད་མི་རུང༌།།
སུམ་གཉིས་དབང་བསྒྱུར་རི་མོ་བསུབ་མི་རུང༌།།
ཡུལ་སྲོལ་གོམས་གཤིས་བཟང་པོ་བརླགས་མི་རུང༌།།
རྩག་བུ།
