དབུགས་རྟ་རྔ་ཙམ།
དབུགས་རྟ་རྔ་ཙམ།
བདེ་སྐྱིད་དང་ཉི་འོད་ཀྱིས་དབེན་ཞིང་།
མེ་རླབས་དང་དངངས་སྐྲག་གི་འཚོ་བའི།
ང་རང་ཚོ།
དབུགས་རྟ་རྔ་ཙམ།
བདེ་སྐྱིད་ཀྱི་དོན་དུ་བྱིན་ཡ།
རང་དབང་དང་ཞུ་མར་གྱིས་དབེན་ཞིང་།
འདྲེ་ཤིག་དང་དུག་སྦྲང་གི་འཚོ་བའི།
ང་རང་ཚོ།
དབུགས་རྟ་རྔ་ཙམ།
རང་དབང་གི་དོན་དུ་བྱིན་ཡ།
ཤེས་ཡོན་དང་རང་སྐྱོང་གི་གོ་སྐབས་དབེན་ཞིང་།
གཉའ་གནོན་དང་ཚེ་གཡོག་གི་མི་ཚེ་འཚོ་བའི།
ང་ཚོ་བོད་པ་ཚོ།
དབུགས་རྟ་རྔ་ཙམ་ལས་མེད་ཀྱང་།
མི་རིགས་དང་རང་དབང་གི་དོན་དུ་བྱིན་དགོས་ཡ།