གཏེར་ཁ་སྔོག་འདོན་མཚམས་འཇོག་དགོས།
ཟླ་འདིའི་ཚེས་༢༣ ཉིན་དྷ་ས་རྟེན་གཞི་བྱས་པའི་བོད་རང་དབང་སློབ་ཕྲུག་ཚོགས་པའི་ངོས་ནས་མི་མང་བསྡུ་བསྐོང་གིས་བོད་ནང་གི་གཏེར་ཁ་སྔོག་འདོན་མཚམས་འཇོག་དགོས་པའི་ངོ་རྒོལ་ལས་འགུལ་སྤེལ་ཡོད་པ་རེད། བོད་ནང་ནས་ས་གནས་མི་མང་གིས་གཏེར་ཁ་སྔོག་འདོན་བཀག་འགོག་བྱས་པར་བརྟེན། རྒྱ་ནག་གི་ལས་བཟོ་བ་དང་མི་མང་བར་འཁྲུག་རྩོད་ཤོར་ཏེ། མི་མང་ལ་རྨས་སྐྱོན་བྱུང་བ་དང། རྒྱ་ནག་གཞུང་གིས་མི་མང་ལ་ངོ་རྒོལ་མཚམས་འཇོག་དགོས་པའི་ཉེན་བརྡ་བཏང་ཡོད་པ་རེད།།
