རིག་པའི་སེངྒེ་དབང་ཕྱུག
མཁའ་ལ་འཕགས་པའི་ཐུགས་རྗེའི་འོད་རླབས་ཀྱིས།།
འགྲོ་བའི་སྒྲིབ་གཉིས་རྨོངས་པ་ལས་སད་ཕྱིར།།
ངོ་མཚར་འབུམ་ཕྲག་དང་བཅས་སྲིད་པ་འདིར།།
འཕྲོ་བའི་ཉི་གཞོན་ཤར་གྱི་རྩེ་ན་མཛེས།།
རབ་འབྱམས་སྨྲ་བའི་སེངྒེ་སྟོང་འདུས་དབུས།།
ལུང་རིགས་གཏན་ཚིག་སྒྲོག་པའི་དཔའ་སྒྲ་ཡིས།།
ཀླད་མེད་ཝ་སྐྱེས་ཕལ་རྒོད་ཟིལ་སྣོད་པ།།
རིག་པའི་རྒྱལ་པོ་ཕྱོགས་ལས་རྣམ་པར་གྲོལ།།
ཤྰཀྱའི་རིག་ལུང་སྤང་མཐོ་ཏི་སེའི་ངོས།།
གདམས་པ་ཆུ་བོ་བཞི་ཡི་རྒྱུད་འབབ་པའི།།
གངས་ཅན་མཁས་པའི་ཁྲོད་ན་མངོན་གྱུར་པ།།
ཞྭ་སེར་བསྟན་པའི་སྲོལ་འཛིན་ཁྱོད་མིན་སུ།།
མདོ་སྔགས་གཞུང་ལུགས་ཆུ་གཏེར་ཆེན་པོ་ལས།།
དཔྱད་གསུམ་གདམས་པ་སྐྱ་བས་རབ་ཕྱེས་ཏེ།།
བདེན་གཉིས་སྤྲོས་དང་བྲལ་བའི་ཕ་རོལ་ན།།
གདུལ་བྱ་མ་ལུས་འདྲེན་པར་གཤིས་གྱུར་ཅིག།
