བོད་ནང་ཞིང་སྒྲུབ་ཆེན་མོ་བཀག་འགོག
དེ་ནི་ད་བར་རྒྱ་གཞུང་གིས་བོད་ནང་དུ་ཆོས་དད་རང་དབང་ཡོད་སྐོར་སོགས་གྱི་རྫུན་རྐྱང་རྐྱང་བཤད་ནས་འཛམ་བུ་གླིང་མགོ་སྐོར་གཏོང་བཞིན་ཡོད་པ་རེད་མ་གཏོགས། དོན་དངོས་ལ་བཙན་གནོན་དང་འཇིགས་སྐུལ་འོག་བོད་མི་ཚོ་གནས་དགོས་ཀྱི་ཡོད་པ་དང། ལྷག་པར་འགྲོ་བ་མིའི་རང་དབང་དང་ཐོབ་ཐང་སོགས་རྩིས་མེད་རྡོག་རོལ་གཏོང་བཞིན་ཡོད་པ་འདི་རེད། དེ་ཡང་བདེ་ཆེན་ཞིང་སྒྲུབ་ཆེན་མོ་ནི་གསེར་རྟ་བླ་རུང་ཆོས་སྒར་ཆེན་མོར་ལོ་རྟག་པར་ཚོགས་ཀྱི་ཡོད་པ་ཞིག་ཡིན་པ་མ་ཟད། མདོ་དབུས་ཁམས་གསུམ་གྱི་དད་ལྡན་ཕོ་མོ་ཡོངས་མཉམ་ཕེབས་ཀྱིས་ཆེས་དགའ་བསུ་བྱེད་སའི་ཆོས་ཀྱི་བྱེད་སྒོ་ཆེན་པོ་ཞིག་རེད། ད་ལོ་ཡང་བོད་ཀྱི་རྒྱལ་ས་ལྷ་ས་སོགས་ཕྱོགས་ཡོངས་ནས་མི་མང་ཕེབས་ཀྱི་ཡོད་ཀྱང་རྒྱ་གཞུང་གིས་དམ་དྲག་འོག་འཚོག་བཅུག་ཡོད་པ་མ་རེད་ཅེས་འགྲེལ་བརྗོད་བྱས་སོང།། མོན་གྷོ་གསར་འགོད་པས།
