དོ་ནུབ་ངས་རང་ཉིད་རིག་དུས།
སྒྱུ་མའི་ལུས་ལ་འཁྲུལ་བ་རྣམ་ཤེས་ཀྱིས།།
ངེས་བརྟན་མེད་པའི་སྲེད་པའི་གཡབ་མོ་ཞིག།
གཡབ་མོའི་འོག་དུ་བླངས་པའི་སྐྱེ་བ་འདི།།
ཕོ་གསར་ཚུགས་མེད་ཅིག་གི་རོ་ཐོ་རེད།།
ཤི་འདས་ལན་ཆགས་གོར་མོ་བརྗེད་དུ་གྱུར།།
ནང་གི་བསམ་བྱ་སྐད་ཅིག་ཉིད་དུ་བོར།།
སྟོང་བའི་མྱོང་བ་སྐྱུར་མོའི་འཁྲབ་གཞུང་གིས།།
སྙི་མོའི་སེམས་འདི་འཐག་པ་རྩིས་ལོངས་མེད།།
མེ་ལ་སྒྲོན་པའི་སེམས་པ་དམར་པོ་ཞིག།
ཆུ་ལ་དཔྱངས་པའི་དན་རྟགས་མེད་པོ་ཡིས།།
ཟོལ་དུ་གྱུར་བའི་སྔ་གཞུག་འཚོ་བ་དངོས།།
དགོས་མེད་དོན་མེད་ཅིག་གི་གཏམ་རྒྱུད་རེད།།