ཧི་མ་ལ་ཡའི་དགེ་འདུན་པས་གསེར་ཁྲིར་མངའ་གསོལ་བའི་མཛད་སྒོ་
དཔལྡན་འབྲས་སྤུངས་ཚོགས་ཆེན་ནང་དུ་བོད་ཀྱི་ཆོས་སྡེ་རྣམས་སུ་ཐོས་བསམ་ མཛད་བཞིན་པའི་ཧི་མ་ལ་ཡའི་དགེ་འདུན་པས་དགའ་ལྡན་ཁྲི་ཐོག་བརྒྱ་དང་གཉིས་པ་རི་ རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག་དགའ་ལྡན་གསེར་ཁྲིར་མངའ་གསོལ་བའི་མཛད་པར་ཆེས་བསྟོད་མཛད་སྒོ་ཞིག་ཚོགས་གནང་སོང་བས་། སྐབས་དེའི་མཛད་རིམ་ཁག་གིས་ཐོག་མར་དགའ་ལྡན་ཁྲི་རིན་པོ་ཆེ་མཆོག་ནས་མཛད་སྒོའི་ སྣང་གསལ་ཞལ་དབྱེ་མཛད་ནས་ཁྲི་ལ་མངའ་གསོལ་བ་དང་ཆོས་སྡེ་སོ་སོའི་ཧི་མ་ལ་ཡའི་ འཐུས་མི་རྣམས་ནས་སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་ལ་མཇལ་དར་དང་མཎྡལ་ འབུལ་བ་སོགས་མཛད་སྒོ་ཁག་རིམ་གྱི་སྐྱོང་གནང་སོང་། འདི་ན་ཕེབས་པའི་སྐུ་མགྲོན་གཙོ་བོ་ ཤར་རྩེ་ཆོས་རྗེ་རིན་པོ་ཆེ་མཆོག་གིས་གཙོའི་གྲ་ཚང་ཁག་གི་མཁན་ལས་ཟུར་རྣམས་པ་དང་། རྒྱ་གར་དབུས་གྲོས་ཚོགས་འཐུས་མི་ཚེ་རིང་བསམ་འཕེལ་མཆོག་དང་། ལ་དགས་དགོན་པ་ཡོངས་ཀྱི་ཚོགས་གཙོ་ཆོས་རྗེ་སྟོབས་ལྡན་རིན་པོ་ཆེ་མཆོག་། ལ་དགས་ནང་པའི་ཚོགས་གཙོ་སྐུ་ཞབས་བློ་བཟང་རིན་ཆེན། གཞན་ཡང་ས་གནས་རྒྱ་གར་གྱི་དཔོན་རིགས་ ;sri sri sri swami nirbhayananda saraswathi president ramakrishna-vivekanand a shrama.ལ་སོགས་དཔོན་རིགས་རྣམས་དང་རང་གཞུང་ས་གནས་གཞི་མགོ་སྐུ་ངོ་དཔལྡན་ དོན་འགྲུབ་ལགས་དང་སྡེ་ཚན་ཁག་གི་ཚོགས་གཙོ་བཅས་སྐྱ་སེར་སྟོང་ཕྲག་བརྒལ་བ་ཞིག་ཚོགས་ཕེབས་གནང་འདུག། སྐབས་དེར་རྒན་ཆོས་འཕེལ་བཟོད་པ་མཆོག་ནས་ཆེས་བསྟོད་མཛད་སྒོའི་ཚོགས་འདུས་ངོ་སྤྲོད་གནང་བ་ དང་བཀྲེས་ལྷུན་པོའི་མཁན་རིན་པོ་ཆེ་མཆོག་ནས་གསུང་བཤད་གནང་བ་སོགས་གོང་འཁོད་ དཔོན་རིགས་ཚང་མས་༧གོང་ས་མཆོག་དང་བོད་གཞུང་དཔའ་ལྡན་ཕོ་བྲང་ནི་ཧི་མ་ལ་ཡའི་རིགས་རྒྱུད་ཡོངས་ལ་ བཀའ་དྲིན་ཆེན་པོ་ཡིན་ཚུལ་དང་མ་འོངས་པར་ཡིན་ནའང་བཙན་བྱོལ་བོད་མི་རྣམས་དང་ང་ཚོ་ སྐྱེད་སྡུག་གཉམ་མྱོང་ཐོག་བོད་ཀྱི་ཆོས་དང་རིག་གཞུང་འཐད་ལ་ནུས་ཤུགས་རྒྱབ་ དགོས་ཚུལ་། དེ་ཡང་བོད་ཀྱི་བསོ་བ་རིགས་པ་དེར་རྒྱ་གར་དབུས་གཞུང་གི་ངོས་འཛིན་ལྡན་པའི་ལྟ་ སྐྱོང་འོག་གནས་ཐུབ་སོང་ལ་མ་འོངས་བོད་ཀྱི་སྐད་ཡིག་ཡིན་ནའང་དེ་བཞིན་ཆགས་ཐུབ་པའི་རེ་བ་བྱས་བཞིན་ཡོད་ཅེས་གསུང་གནང་སོང་། དེ་བཞིན་ས་གནས་རྒྱ་གར་གྱི་དཔོན་རིགས་རྣམས་ནས་རྒྱ་གར་ས་འཚམས་ལ་དགས་ནས་ཡིན་ པའི་མགོན་པོ་གང་ཉིད་སྐུ་ཚེ་བརྟན་པ་དང་མཛད་འཕྲིན་རྒྱས་པ་སོགས་སྨོན་ལམ་རྒྱབ་ བཞིན་ཧི་རྡུས་དང་ཀ་ན་ཊ་ཀའི་སྐད་ཐོག་གསུང་བཤད་གནང་སོང་། ༧དགའ་ལྡན་ཁྲི་རིན་པོ་ཆེ་མཆོག་ནས་གསུངས་དོན་ང་ཚོ་བོད་ཀྱི་ཆོས་འདི་མདོ་སྔགས་ ཟུང་འབྲེལ་གྱི་བསྟན་པ་ཞིག་རེད་དེ་ཡང་ཐོག་མར་བོད་གངས་ཅན་གྱི་མཁས་པ་གོང་མ་རྣམས་ཀྱིས་རྒྱ་གར་རང་གི་མཁས་པས་གསུང་ལ་བརྟན་ ནས་སྦྱང་བརྩོན་གནང་ཡོད་པས་དཔལ་ཎ་ལན་ཌའི་ཆོས་རྒྱུད་འཛིན་མཁན་ཟེར་ན་ཆོག། ལྷག་དོན་ཧ་མ་ལ་ཡའི་་རིགས་རྒྱུད་ནི་བོད་ཀྱི་ཆོས་དང་རིགས་གཞུང་ཙམ་མ་ཚད་༧རྒྱ་བ་རིན་པོ་ཆེ་དང་པཎ་ཆེན་རིན་པོ་རྣམས་གཉིས་ལ་དམིགས་གསལ་འབྲེལ་བ་ཡོད་ལ་ཕྱོགས་གང་ཅིའི་འཐད་ལ་རིན་པོ་ཆེ་རྣམས་གཉིས་ཀྱིས་གཙོས་རིས་མེད་སྐྱེ་ཆེན་དམ་པ་རྣམས་བཀའ་དྲིན་ཆེན་པོ་རེད་དེས་ན་བོད་ཀྱི་ནང་པ་སངས་རྒྱས་པའི་བསྟན་པ་དྲི་མ་མེད་དེར་སྐྱ་སེར་དབྱེར་བ་མེད་པར་ཚང་མས་སྤྱང་བརྩོན་གནང་དགོས་ཀྱི་འདུག་ལ་་མི་རིགས་གཞན་གྱི་སྐད་ཡིག་ནང་མེད་པར་རང་གི་ཕ་མེས་ཀྱི་སྐད་ནང་ཡོད་པ་ཤེས་ནས་བོད་ཡིག་ཡག་པོ་སྦྱང་དགོས། དམིགས་གསལ་ངོས་ལ་དེ་རིང་བཤད་རྒྱུ་མེད་༧་རྒྱལ་བ་རིན་པོ་ཆེ་མཆོག་ལ་དད་པ་ཡོད་ན་ཁོང་གིས་བཀའ་སློབ་གང་གནང་བ་རྣམས་སེམས་ལ་བཞག་ནས་ལག་ལེན་གནང་དགོས་ཅེས་བཀའ་གནང་སོང་།