མི་ཟེར་བའི་རང་དབང་ལ་ཚད་ཅིག་དགོས་སམ་ཅི།

ངས་དེ་ལ་ཞིབ་དུ་བསམ་བློ་གཏོང་དུས
གནའ་བོའི་མི་རིགས་ཤིག་གི་རྟགས་བརྟན་གྱི་རང་གཤིས་ཤིག
འཇག་དུ་མེད་པའི་དབྱངས་རྟ་ཞིག་གི་ཁྲོད་དུ
ལྷིང་འཇག་གིས་བཞུར་བ་རྟོགས
ཡིན་ཡང་ ཁ་སང་དེ་རིང་
གཏམ་རྒྱུད་གསར་བར་དུངས་མཁན་དག་གིས
དེ་དག་ནི གནའ་སྔ་མོའི་སྒྲུང་རེད་ཟེར
བདག་གིས་དེ་ལྟར་འདོད་མི་ཐུབ

གནའ་སྔ་མོ བཤད་རྒྱུན་ཞིག་ལ
བློ་མི་ལ་དྲིས   ཐག་རང་གིས་གཅོད་ཟེར
དེ་ནི་གནས་ལུགས་ཤིག་གི་སྐྱ་ཐིགས་ཤིག

དོན་དངོས་ཐོག ཁ་སང་དེ་རིང་གི་མི་ལ
ཐག་གཅོད་བྱེད་པའི་རྣམ་རིག་དེ་ཡོད་མེད་ཐད་དུ
ངས་ཞིབ་མོ་བློ་ཡིས་ཡང་ཡང་བརྟག་ཁུལ་བྱས
གཞན་ལ་མང་བོ་མང་བོ་ཞིག་འདྲི་ཁུལ་བྱས་ཀྱང་
མཐར་ཐུག་ནི རང་སེམས་སུ་མི་གཡོ་བའི་གནའ་མི་དག་གི
གསུབ་དུ་མེད་པའི་རང་གཤིས་དེ་ལས
བཅོས་ཟློས་ཀྱི་མི་གཟུགས་ང་ཚོ་ནི་རྩྭ་རྐང་གཅིག་ལས་མ་སྣང་
འདི་ནི་བདེན་པ་ཞིག་མིན་ཤས་ཆེ་ཡང་
གང་ལྟར ངས་སྣང་ངོ་ན་འདི་དག་གསལ་ལེར་མངོན