ཤ་གསེང་རུས་གསེང་ནས་ཤོར།
ལྟ་ལོག་ལྟས་ངན་ཟེར་ནས་དམོད་ན་ཡང་།།
ཤུལ་དུ་ལུས་པའི་བུ་མོའི་སེམས་འཁྲལ་དང་།།
གཞུག་ན་ལུས་པའི་ཚེ་གཅིག་ཆུང་མ་གཉིས།།
གཉོར་སྐྱོང་བྲལ་བའི་ཕ་མ་རྒན་རྒོན་སོགས།།
བློས་གཏོང་འཕོད་པའི་སྙིང་སྟོབས་ཅིས་མི་འཚར།།
ཁྱིམ་ལས་མི་རིགས་འདམས་པའི་དཔྱོད་ཤེས་དང་།།
རང་ལས་གཞན་གཅེས་བསམ་པའི་ཀུན་གྲོལ་དང་།།
མི་ལ་རང་དབང་འཁོ་བའི་བསྒྲགས་གཏམ་གྱིས།།
ཚེ་སྨད་རྒྱ་ནག་དམར་པོའི་ཁྲིམས་ཁར་འཚུད།།
ཕྱི་ནང་གང་ཡིན་བརྩོད་ནས་བསྡོད་མཁན་ཚོ།།
དད་པ་ཡོད་མེད་གླེང་དེ་དམོད་མཁན་ཚོ།།
ལ་རྒྱ་ཞེན་ཁོག་བརྩད་དེ་སྨྲ་མཁན་ཚོ།།
རང་གི་ལུས་སེམས་གཉིས་ལ་དྲི་བ་གཏོང་།།
སྒེར་གྱི་ཆོས་ལ་དད་མིན་རང་དབང་རེད།།
ཆོས་ལུགས་ཅི་ཞིག་འདོད་མིན་རང་འཐད་རེད།།
མི་རིགས་བོད་ལ་སྐྱེ་བའི་ངེས་ཤེས་ཀྱིས།།
བོད་ཀྱི་སྤྱི་དོན་གླེང་མཁན་ཁོ་བོར་བསྟོད།།
གནམ་སའི་བར་ནས་རྒྱ་བོད་ཐིགས་ཤིག་བརྒྱབས།།
གནམ་སའི་བར་ནས་ཁྲིད་དེ་སོང་ཤུལ་དུ།།
གནམ་ས་མགོ་མཇུག་ལོག་པའི་མནར་གཅོད་དེར།།
བསམ་ཤེས་ཅུང་ཙམ་བྱོས་ཤིག་རིགས་གཅིག་ཚོ།།
ན་ནིང་དོ་ཚིག་གཉིས་ཀ་བོད་ནང་ནས།།
སྨྱུག་ཐོག་སྤུན་ཟླ་བོད་ཀྱི་ཤེས་ལྡན་ཚོར།།
རྒྱ་འདྲེ་ལག་པ་བརྐྱོངས་པའི་འབེན་དུ་གྱུར།།
དེ་ལ་བསམ་ནས་ང་ཚོས་འདང་ཞིག་རྒྱོབས།།
