ན་ནིང་དོ་ཚིགས་འདི་གཉིས་བོད་ཡུལ་ན།

ན་ནིང་དོ་ཚིགས་འདི་གཉིས་བོད་ཡུལ་ན།།
འབྱུང་བཞིའི་རྐྱེན་ངན་རབ་དང་རིམ་པ་ཡིས།།
ཡུལ་ཤུལ་འགུལ་ནས་དྭ་ཕྲུག་གྲངས་མེད་བཟོས།།
འབྲུག་ཆུ་རྙིད་དེ་མི་ཤི་ཁྱིམ་སྟོང་གྱུར།།
ཤི་གསོན་གྲངས་མེད་ཅིག་ལ་མྱ་ངན་བཞག།

ན་ནིང་དོ་ཚིགས་འདི་གཉིས་བོད་ཡུལ་ན།།
སེར་མོ་དགོན་སྡེ་ཁྲོད་དུ་འདུག་དབང་མེད།།
སྐྱ་བོ་རི་བོའི་གྲོང་ན་ངལ་གསོ་མེད།།
སྐྱ་སེར་གཉིས་ཀ་རིགས་ཀྱི་ན་ཟུག་གིས།།
དགྱ་ནག་གཞུང་གི་མེ་མདའི་ར་བར་ལུས།།

ན་ནིང་དོ་ཚིགས་འདི་གཉིས་བོད་ཡུལ་ན།།
བྱིས་པའི་ཀ་ཁའི་དབྱངས་རྟར་སེར་ཁ་ཞུགས།།
གཞོན་པའི་གནའ་བོའི་གླུ་དབྱངས་རླུང་ལ་འཐིམ།།
གནས་འགྲོ་བུ་མོའི་སེམས་པ་སྒོར་གྱིས་བསླུས།།
ཡོད་ཚད་ཡིད་ཆེས་མེད་པའི་ཚང་དུ་བརྫངས།།