ཆང་འཐུང་གི་དུར་འབོད།
འདྲིས་ཤིང་གཤིབ་ན་སྙིང་ཡང་འཁྱེར་འགྲོ་བ།།
བྲལ་བའི་ཚེ་ན་ཚོར་བ་སྟོང་འགྲོ་བ།།
རེག་པའི་སྐབས་སུ་སེམས་རྩ་བཟི་འཇུག་པ།།
ལུས་ཀྱི་ཕྱི་ནང་འཁུར་བའི་གཟུགས་དེ་སུ།།
རྗེས་ན་ཡོད་དུ་ལྟ་བའི་འདུ་ཤེས་ཤིག།
སྔོན་ན་བསུ་མཁན་ཡོད་པའི་སྣང་བ་ཞིག།
བར་ནས་འཕྲོག་པར་འདོད་པའི་དོགས་གནས་ཅན།།
སྣང་བའི་སྨུག་སྤྲིན་འདྲེན་པའི་བང་ཆེན་སུ།།
དུས་ཀྱི་ལང་ཚོ་རྫོགས་པའི་གསར་བརྗེ་བ།།
ནད་ཀྱི་མལ་སར་ལྷུང་བའི་རྙིང་ཞེན་པ།།
མ་འོངས་ཟུང་འབྲེལ་བྱེད་མཁས་བར་དོ་བ།།
སྔ་གཞུག་བར་གསུམ་སྒྱུར་མཁན་བདག་མེད་སུ།།
མཚོ་ དམར་པོའི་འགྲམ་དུ་བསྡོད་པའི་བོད་ཀྱི་བུ་ཞིག་ནས། ཆང་འཐུང་གི་དུར་འབོད་ལ་ཉན། ཉན་སྟངས་དེ་ཡང་ཁྱད་མཚར་ཞིག ཉན་ནས་ཐོས་པ་དེ་ཡང་མི་གཞན་གྱིས་གོ་མིན་སུས་ཤེས། གང་ལྟར། བྲིས་ནི་བྲིས་ཟིན། ད་ནི་སྤུན་ཟླ་ཚོའི་མིག་ངོར་འགྲེམ་ཡ་་ ༢།༩།༡༠