སེམས་ཀྱི་འབོད་སྒྲ་ཞིག།
བློ་སེང་ལགས། །
ཁྱེད་ནི་མི་རབས་གསར་པའི་དབུ་ཁྲིད་ཡིན་ཟེར་ལ། རེ་བའང་ཐམས་ཅད་ཁྱེད་ལ་བཅོལ་ཟེར། དེ་ནི་མི་རབས་གསར་པའི་འབོད་སྒྲ་དང་པོ་དེ་རེད་ལ། མི་རབས་གསར་པའི་རེ་བའང་དང་པོ་དེ་རེད།
གལ་སྲིད་ཁྱེད་ལ་བཀའ་ཁྲི་ཡི་ལས་འགན་དེ་ཐོབ་སོང་ན། མི་རབས་གསར་པའི་དབུ་ཁྲིད་དང་པོ་དེ་ཡིན་པའི་དཀའ་ངལ་དང་དུ་ལེན། བློ་རྩ་བྲག་ལྟར་བརྟན། དྲང་ཚུགས་མདའ་ལྟར་བྱོས། ཁྱེད་ཀྱིས་མི་རབས་གསར་པའི་སེམས་པ་ཤི་འཇུག་མི་ཉན་ལ་ཡི་ཐང་ཡང་ཆད་འཇུག་མི་ཉན། དེ་ལྟར་བྱུང་སོང་ན་མ་འོངས་པར་མི་རབས་གསར་པའི་སུ་ལ་ཡང་རེ་བ་དང་ཡི་ཆེས་མེད་པ་ཆགས་སྲིད་པའི་ཁྱེད་ཀྱི་ཐུགས་གཟབ་གནང་དགོས། གོ་ཨེ་ཐལ་བློ་སེང་ལགས། དེ་ནི་ངས་སེམས་གཏིང་གིས་འབོད་སྒྲ་ཞིག་སྟེ། གུས་པའི་དུས་བབས་དྲ་ཚིགས་སུ་ན་གཞོན་རྣམས་ཀྱིས་(མི་ཚང་དཀྱུས་མ་ནས་སྐྱེས་པའི་བཀའ་ཁྲི་ཞིག་དགོས་)ཞེས་པའི་བགྲོ་གླེང་དེ་ལ་བལྟས་ནས་སེམས་ཚོར་ཆེ་བའི་ངང་འདི་ལྟར་ཞིག་བྲིས།