ངུ་སྒྲྲ
རྣམ་རྟོག་ཆག་གྲུམ་གསེབ་ནས་ཟླ་བ་ཡི།།
འོད་དཀར་རྒྱུ་འབྲས་ཕྲ་མོ་བསྒྲུབས་འཚམས་ལས།།
སྔ་ཕྱིའི་འཆམ་གོས་མི་མཚུངས་གར་སྟབས་ཀྱི།།
གཟུགས་སུ་མི་འགྱུར་རྟག་ཏུ་ཉི་གཞོན་སྒུག།
མི་སྙན་དབྱིངས་སུ་ཤོར་བའི་ངུ་སྒྲ་ལས།།
སྡུག་བསྔལ་རང་དབང་ངོམས་པའི་ཆུ་ཐིགས་འཁྲིགས།།
མི་རྟག་འགྲོས་ཀྱི་ཟླ་བོར་མ་གཏད་ཞེས།།
འདུ་བྱེད་འཕྲོ་འདུར་རྒོལ་བར་ཁོང་དགོད་འཆོར།།
ཁྱེད་ཀྱི་འོད་སྣང་ཆ་ཡི་གཟུགས་སྨིན་པའི།།
འབྱུང་རྔུབ་འཐབ་མོ་ཁྲོད་དུ་རིན་ཐང་འཚོལ།།
སོར་རྩེ་ཁྱར་ཁྱོར་བསྐྱོད་པའི་རྗེས་ཤུལ་ལས།།
ཁྱེད་ཀྱི་འོད་སྣང་མཚོན་པར་རྡུལ་ཕྲན་གྱུར།།