ཚེ་རིང་སྐྱིད་ལ་བསྔགས་པ
ཚེ་རིང་སྐྱིད་ལ་བསྔགས་པ
༅༅།།གཙང་ཞིང་དྭངས་བའི་ཞལ་རས་དཀར།།
གསེར་མིག་འོད་འཚེར་མིག་ཟུང་མཛེས།།
པདྨའི་ལོ་འདབ་མཆུ་སྒྲོག་དམར།།
མུ་ཏིག་དུང་སོ་རབ་དཀར་སྒྲིག།
ནག་པོའི་སྐྲ་ལོ་རྒྱབ་དུ་འཆོང་།།
འཇོལ་མོའི་སྙན་དབྱངས་ངག་ལ་འཁྱིལ།།
ཐོས་པའི་ཕོ་གཞོན་ཡིད་དབང་འཕྲོག།
རྐེད་པ་ཕྲ་མོ་རྡོ་རྗེ་དེ།།
ལང་ཚོ་རླུང་གིས་འཁྱུག་སེ་འཁྱུག།
ཁྲོ་མེད་ཞལ་རས་འཛུམ་དམུལ་དམུལ།།
ལས་ལ་བརྩོན་ཞིང་ཡོན་ཏན་ཕྱུག།
རླུང་གི་བསྐྱེད་འདྲའི་གོམ་བགྲེད་ཡངས།།
དཔལ་གྱི་ལང་ཚོ་རབ་རྒྱས་བའི།།
ལོ་ན་བརྒྱད་བཅུའི་རྒད་པོས་ཀྱང་།།
ཁྱེད་ལ་ཡང་ཡང་བསྔགས་པ་བྱེད།།