མདོ་ཁམས་ཆུ་སྒང་དབུས་རྒྱུན་འོས་འདེམས་སྐོར།
མདོ་ཁམས་ཆུ་སྒང་སྐབས་བཅུ་དགུ་པའི་དབུས་རྒྱུན་གསར་འདེམས་ཀྱི་
འོས་བསྡུའི་ལས་རིམ་དང༌། ལམ་སྟོན་ཁག
༡༽ མདོ་ཁམས་ཆུ་སྒང་སྐབས་བཅུ་དགུ་པའི་དབུས་རྒྱུན་གྱི་སྔོན་འགྲོའི་འོས་འདེམས་ཕྱི་ལོ་ ༢༠༡༡ ཟླ་ ༢ ཚེས་ ༡༣ ཉིན་བྱ་རྒྱུ།
༢༽ ས་གནས་སོ་སོའི་མདོ་སྟོད་མི་མང་ཕོ་མོ་ཁྱད་མེད་རང་ལོ་ ༡༨ སོན་པ་ཡོངས་ལ་འོས་འཕེན་རྒྱུའི་ཐོབ་ཐང་ཡོད་པས་མིང་གཞུང་ཐོ་འགོད་ཀྱིས་ས་གནས་སུ་ཉར་ཚགས་དགོས་པ་དང་གྲངས་ཐོ་དབུས་སུ་འབུལ་དགོས།
༣༽ ཆུ་སྒང་སྒྲིག་གཞིའི་དགོངས་དོན་གཞིར་བཟུང་གཤམ་གསལ་ཆ་རྐྱེན་ཚང་རིགས་ནས་འོས་གཞིར་ཞུགས་པའི་ཐོབ་ཐང་ཡོད།
ཀ༽ མདོ་སྟོད་ཆོལ་ཁའི་མངའ་ཁོངས་སུ་གཏོགས་ཤིང་རང་ལོ་ ༢༥ ཧྲིལ་པོ་ལོན་པ།
ཁ༽ ཁྲིམས་ཁང་ངམ་སྨན་པ་ཚད་ལྡན་ནས་རིག་འཚོ་མ་ཟིན་པ་གསལ་བསྒྲགས་བྱས་པ་མ་ཡིན་པ།
ག༽ དང་བླང་དཔྱ་དངུལ་ལག་དེབ་དང༌། ཆུ་སྒང་ཚོགས་པའི་ངོ་སྤྲོད་ལག་དེབ་ཡོད་པ།
ང༽ བུ་ལོན་སྒྲུབ་འཇལ་མ་ཐུབ་པ་མ་ཡིན་པ།
ཅ༽ བཙན་བྱོལ་བོད་མིའི་བཅའ་ཁྲིམས་ཀྱི་དོན་ཚན་ ༣༨ ནང་གསེས་ ༧ ནང་གསལ་ལྟར་བོད་མིའི་ཁེ་ཕན་ལ་གནོད་འགལ་བྱས་རིགས་དང༌། མདོ་ཁམས་ཆུ་བཞི་སྒང་དྲུག་གི་ཚོགས་པའི་ཁེ་ཕན་ལ་གནོད་འགལ་བྱེད་མཁན་གྱི་ཚོགས་སྡེ་ཁག་དང་དགྲ་བོ་རྒྱ་དམར་ལ་དངོས་ཤུགས་བརྒྱུད་གསུམ་ནས་འབྲེལ་བ་ཡོད་པ་ཁུངས་སྐྱེལ་ར་འཕྲོད་བྱུང་བ་མ་ཡིན་པ།
ཆ༽ ཆུ་སྒང་དབུས་རྒྱུན་གྱི་ལས་ཁུར་ཐེངས་གཉིས་ཞུ་བཞིན་པ་མ་ཡིན་པ།
༤༽ རྒྱལ་ཡོངས་མདོ་སྟོད་མི་མང་གི་འོས་བསྡུ་ཆེན་མོ་འདི་བཞིན་དྲང་བདེན་ཚགས་ཚུད་ཡོང་ཆེད་ས་གནས་འོས་བསྡུ་ཚོགས་ཆུང་ནས་འདེམས་བྱེད་མི་མང་གི་བསྐྱར་སྐོར་ཡང་སྐོར་དང༌། མི་གཅིག་གིས་མི་མང་པོའི་འོས་ཤོག་ལྡབ་ལེན་བྱས་པ་བཅས་མི་ཡོང་ཆེད། འོས་ཤོག་རྩིས་སྤྲོད་བྱེད་རིམ་བཞིན་སྡོད་གནས་སུ་མིང་འགོད་མཚན་རྟགས་འགོད་པར་བལྟ་སྐུལ་ནན་པོ་བྱ་དགོས།
༦༽ སྔོན་འགྲོའི་འོས་འཕངས་ཟིན་མ་ཐག་ས་གནས་སོ་སོའི་འོས་བསྡུའི་ཚོགས་མི་དང་ཟུར་དཔང་མཉམ་ཞུགས་ཀྱིས་འོས་ཤོག་གྲངས་བཤེར་ཟིན་མཚམས་འོས་གཞི་མི་འགྲོའི་་མིང་དང་ཁྱད་མིང༌། སྡོད་གནས་དང་ལས་གནས། འོས་ཐོབ་ཀྱི་གྲངས་སོགས་ཁ་གསལ་བཀོད་པའི་བསྡོམས་ཐོར་འོས་བསྡུའི་ཚོགས་མི་དང་ཟུར་དཔང་བཅས་ནས་མཚན་རྟགས་བཀོད་དེ་མདོ་ཁམས་ཆུ་སྒང་འགན་འཛིན་ལྷན་ཚོགས་ཐེངས་ ༤༡ པའི་ཚོགས་བཅར་སྐབས་ངེས་བསྣམ་མམ། ཡང་ན་རས་ཐུམ་དམ་སྦྱར་གྱིས་འཕྲལ་དུ་སྦྲག་བརྒྱུད་ཆུ་སྒང་འགན་ལྷན་ཐེངས་ ༤༡ པའི་ཐོག་ངེས་པར་འབྱོར་ཐུབ་པ་དགོས་པ་ལས་གློག་འཕྲིན་དང་མགྱོགས་འཕྲིན་བརྒྱུད་གཏོང་ན་མི་འགྲིག་པ་བཅས་དེ་དོན་དགོངས་འཇགས་འཚལ།
མདོ་ཁམས་ཆུ་སྒང་དབུས་འོས་བསྡུ་ཚོགས་ཆུང་སྐབས་བཞི་པས་ ༢༠༡༡ ཟླ་ ༡ ཚེས་ ༦ ལ།།