འབྲས་སྤུངས་་་་ཚགས་པར་གྱི་ཁྲོམ་ར་ཆེ་ཤོས།
བོད་དུང་ཐུབ་བསྟན་བཀྲ་ཤིས་ཀྱི་ཨུ་ཚུགས།
སྔོན་མར་ཚགས་པར་ ཚགས་པར་ ཟེར་བའི་སྐད་ངག་ཞིག་ཐོས་མ་ཐག་ལམ་སེང་ཚགས་པར་གྱི་རྗེས་སུ་མ་འགྲོ་ན་བདུན་ཕྲག་ གཅིག་རིང་གི་ཚགས་པར་ཀློག་སྐལ་ཆད་རྐྱང་རེད། འོན་ཀྱང་བོད་དུང་འདི་ས་གནས་འདིར་བསླེབས་ནས་བཟུང་གྲྭ་བ་ཚོར་ཚགས་པར་སྐལ་བ་ཆད་མ་མྱོང་།གྲྭ་ བ་ཚོའི་དུས་ཚོད་ནི་ཁྲིམས་ལ་སྟབས་བསྟུན་ཡིན་པས་སྐབས་མང་ཤོས་དགུང་མོའི་ཆུ་ ཚོད་༡༢ནས་༡བར་ཆོས་ར་མི་གྲོལ་ན་ཡང་།ཁོང་གིས་ད་དུང་ཚགས་པར་ལག་ཏུ་ཐོགས་ནས་ཚགས་ པར་།ཚགས་པར་ཞེས་འབོད་པའི་སྐད་ངག་དེ་ཆད་མི་བཅུག་ལ། ཆར་པ་དང་ཚ་བ་སོགས་ཕྱི་ཡི་ཁོར་ཡུག་གི་རྣམ་འགྱུར་ཇི་ལྟར་བསྟན་ཡང་ཁོས་ཚགས་པར་ ཚགས་པར་ཞེས་འབོད་པ་ཆད་མ་མྱོང་ལ། བདུན་རེའི་གསར་གནས་དག་ང་ཚོའི་རྣ་ཁ་ན་གཏན་་ནས་ཆད་མྱོང་མེད།ད་དུང་ཁོང་ལ་ཉི་མ་ བརྒྱ་ལྟར་གྱི་རང་གཤིས་བརྟན་པོ་ཞིག་དང་དྲང་ཚུགས་ཀྱི་ལྟ་བ་རྣམ་དག་གཅིག་ཡོད་ པས་གྲྭ་བ་ཚོས་ཁོང་ལ་དགའ་མོས་ཆེན་པོ་བྱེད་བཞིན་ཡོད། ཁོང་གི་ཨུ་ཚུགས་འདིས་བདུན་ཕྲག་རེར་ས་གནས་འདིར་ཚགས་པར་གྲངས་༢༠༠༠ལྷག་འགྲེམས་ སྤེལ་བྱེད་བཞིན་འདུག་ལ།བཙན་བྱོལ་བའི་ཚགས་པར་བྱིངས་ལྟར་སྲང་ལམ་གྱི་གཡས་གཡོན་ ན་ཐལ་རྡུལ་གྱིས་གོན་པ་གྱོན་བཞིན་པ་གཅིག་ཀྱང་མ་མཐོང་།
བང་ཆེན་ཚགས་པར་གྱི་དྲང་ཚུགས།
ཚགས་པར་འདིས་ང་ཚོའི་ས་གནས་སུ་གནས་ཚུལ་མགྱོགས་ཤོས་འཁྱེར་ཡོང་མཁན་དེ་ཡིན། གནས་ཚུལ་ཡོད་ཚད་དྲང་ཚུགས་དང་གསར་འགྱུར་ཆ་སྙོམས་།ད་དུང་བོད་ཁྱོན་ཡོངས་ཀྱི་ གནས་ཚུལ་གང་ཡོད་ཕྱོགས་ལྷུང་དང་འཐེན་ཁྱེར་མེད་པར་ཀློག་པ་པོ་ཡི་མིག་སྔར་དང་ རྣ་སྔར་བསྐྱལ་བས་མི་ཚོས་ཀྱང་གསེར་སྲང་སྟོང་གི་རིན་ཐང་སྤྲོད་བཞིན་ཡོད། ད་དུང་མི་མི་ཉུང་བ་ཞིག་བོད་ཀྱི་རིག་གནས་གླིང་དུ་ཁྲིད་བཞིན་ཡོད་པ་སྟེ།ལོ་ འགའ་སྔོན་དུ་གླིང་འདིར་ཚགས་པར་ཀློག་མཁན་ཧ་ཅང་ཉུང་ཉུང་རེད།དཔེར་ན་ཕྲན་གྱི་ ཁམས་ཚན་ན་མི་གྲངས་༢༠༠ལྷག་ཡོད་ཀྱང་ཚགས་པར་ཀློག་མཁན་མི་༣ལས་མེད། འོན་ཀྱང་དེང་སྐབས་ཚགས་པར་མི་ཀློག་མཁན་ཧ་ལམ་མེད་ཟེར་ན་ཡང་ཆོག དེ་དག་ནི་བོད་ཀྱི་བང་ཆེན་གྱི་ཞབས་རྗེས་རེད།
ཚགས་པར་གྱི་དྲང་ཐིགས་དང་འགྲེམས་སྤེལ་བའི་ཨུ་ཚུགས་གཉིས་ཀྱིས་དམངས་སེམས་ལ་ གསེར་སྲང་སྟོང་གིས་མི་ཁུག་པའི་རིན་ཐང་ཅན་གྱི་ལྟ་ཚུལ་ཞིག་འཁྲུངས། དེའི་དབང་གིས་བང་ཆེན་འདི་ཡིས་འབྲས་སྤུངས་དབང་དུ་བསྡུས་སོང་ལ། ཤོག་བུ་ཁྲོམ་ར་ཆེན་པོ་ཞིག་དང་།དུས་རབས་ཉེར་གཅིག་པའི་གྲ་བའིདཔུང་ཁག་ཅིག་ བསྐྱེད་བསྲིངས་ཀྱི་ལམ་སྣེ་བསྟན་སོང་།
མདོར་ན་བང་ཆེན་ནི་དོན་དངོས་ཀྱི་བང་ཆེན་རེད།
གསར་པ་འགོད་ནི་གསར་འགོད་པ་རང་རེད།
འགྲེམས་སྤེལ་བ་ཡང་འགྲེམས་སྤེལ་བ་དངོས་མ་རེད།
མཆན།
ཐུབ་བསྟན་བཀྲིས། མོན་གྷོ་བང་ཆེན་གསར་འགོད་པ་དང་འགྲེམས་སྤེལ་བ་གཅིག་ལྕོགས།
བོད་ཀྱི་བང་ཆེན། བཙན་བྱོལ་ནང་གི་རང་དབང་གི་བདུན་རེའི་ཚགས་པར།
ཚགས་ པར་ཚོང་སར་ལྟ་བཞིན་སེམས་ནང་སྨྲ་མི་ཤེས་ཚོར་བ་ཞིག་གིས་རྐྱེན་བྱས་ཏེ།དེ་མ་ཐག་ ཤག་ན་ཡོང་ནས་དགུང་མོ་ཆུ་ཚོད་༡༢ སྐར་མ་༡༧ཐོག་ཞུ་དག་ཙམ་ཡང་བྱས་ཁོམ་མེད་པར་ཐད་ཀར་སྤེལ་པའོ།
