མཚང་འབྱིན་སྟོང་བའི་གླུ།

སྡུག་པའི་ཚེ་ན་མཐོང་ཡང་སྐྱུག་མེར་བླངས།།

དགའ་སྐྱོ་དབྱངས་ལ་འཐིམ་པའི་འགྲོ་བ་མི།།

གཅིག་རྗེས་གཅིག་ལ་མཐུད་དེ་འཆི་བར་སྙེགས།།

དྲན་པའི་སྐབས་སུ་མིག་ཆུ་ཆར་བཞིན་འབབ།།

སྐྱོ་བའི་ཚེ་ན་སེམས་ཡང་ལྷོག་ལྷོག་ལྡིང་།།

ཚོར་བ་ཉི་ཚེ་ཞིག་གི་འདུ་རྒོད་ཁྲོད།།

མི་བརྟན་ཚང་ལ་འཐམ་ནས་འདུར་བཞིན་རྒྱུགས།།

དྲན་དུ་དགོས་པའི་ལེགས་ཉེས་མ་བཤིག་གོང་།།

དོར་དུ་འོས་པའི་ཆགས་སེམས་མ་སྐྱུར་ན།།

མདོར་ན་གང་དུ་སྤྱོད་ལམ་ཅི་བྱས་ཀྱང་།།

འཁོར་བའི་གྲུབ་ནག་འདི་དང་འབྲལ་དུ་མེད།།