བློ་སེང།
ལམ་ལུགས་ས་ཁྲའི་མཁན་པོར་གྱུར་པས་གསུང་བཤད་འདོད་དགུ་འཇོ་བ་ལས།།
ཕྱི་ནང་དུ་མའི་ལམ་ལུགས་བདེ་བས་ཡིད་དབང་འཕྲོགས་པའི་གསར་གཏོད་སྦྱིན།།
དར་སྐུད་རིང་པོའི་མཐའ་ལ་བཟུང་བའི་སྐུ་ངོའི་བརྫི་ཁུལ་ཕར་སྐྱེལ་ནས།།
སྐྱ་བའི་གསེབ་ནས་ལྷད་མེད་འཆང་བའི་གཞོན་ནུའི་གསར་པའི་གདོང་ལེན་བསུས།།
ཡོད་མེད་མི་ཤེས་སྐར་ཆུང་རྡོག་པོ་ཧཱ་ཝཱ་གཙུག་ལག་ཐིམ་པ་ལས།།
འཛམ་གླིང་གསལ་བའི་ཟླ་བར་གྱུར་པ་ཀུན་གྱིས་འཛུམ་མདངས་འོད་ཟེར་འཐུལ།།
དམ་བཅའ་གསུམ་པོ་རྒྱན་དུ་འདོགས་པའི་གངས་ཅན་གཞོན་ནུ་གསར་པ་དེས།།
ཚོར་འདུ་ཉོབ་པའི་ན་གཞོན་རྣམས་ཀྱང་འཛམ་གླིང་སྟེགས་སུ་དྲངས་ངེས་སོ།།