རྒྱལ་སྤྱིའི་དོ་སྣང་སྒེར་བདག་བྱེད་བཞིན་པའི་བློ་བཟང་སེང་གེ
དེར་ཁོང་གི་སྐུ་པར་གྱི་གོང་གི་ཡིག་ཆེན་མགོ་བརྗོད་དུ་དེ་རིང་ནི་བོད་མིས་གཙོ་འཛིན་འདེམས་བསྐོ་ཆེན་མོ་རེད་ཅེས་བྲིས་འདུག
ཚགས་པར་དེ་ནི་ཐའེ་ཝན་གྱི་སྐད་གྲགས་ཆེ་བའི་ཀུ་ཤུ་ཉིན་རེའི་ཚགས་པར་གྱི་ཉིན་དེའི་ཚགས་པར་རེད།
དེ་བཞིན་ཚེས་༢༡ཉིན་གྱི་ཐའེ་ཝན་གྱི་གྲགས་ཅན་གསར་ཤོག་རང་དབང་གི་དུས་བབ་ཅེས་པའི་ཉིན་ཚགས་སུ་ཡང་འདི་ལྟར་བཀོད་ཡོད།
དེར་བཙན་བྱོལ་བོད་མིའི་གཙོ་འཛིན་གསར་བ་འདེམས་པ་ཞེས་དང་། ད་དུང་བློ་བཟང་སེང་གེར་འབོད་སྒྲ་མཐོ་ཞེས་པའི་ཡིག་ཆེན་
མགོ་བརྗོད་དང་། དཔར་རིས་གསར་འགྱུར་གྱི་ཁྲོད་ནས་ཀྱང་བློ་བཟང་སེང་གེ་དམིགས་སུ་བཟུང་ནས་མངོན་གསལ་དོད་པོས་བཀོད་ཡོད་པ་དང་།
ཚགས་པར་དཀྱུས་སུ་ཡང་བློ་བཟང་སེང་གེས་ཐའེ་ཝན་དབུས་གསར་ཁང་གི་གསར་འགོད་པའི་ཆེད་གཅར་དང་ལེན་གནང་བའི་བཀའ་ལན་ཞིག་ཀྱང་བཀོད་འདུག
གནས་ཚུལ་ཧྲིལ་པོས་ཤོག་ངོས་ཤིག་གི་སྟོད་ཆ་ཟིན་འདུག
ད་དུང་སྲིད་བློན་གྱི་འོས་དམིགས་གསུམ་གྱི་ནང་ནས་བློ་བཟང་སེང་གེ་ནི་ལྟ་ཕྱོགས་ལེགས་ཤོས་ཡིན་ཞེས་ཀྱང་བཀོད་འདུག
འོན་ཀྱང་བཀའ་ཁྲིའི་འོས་དམིགས་གཞན་གཉིས་ཀྱི་མིང་ཙམ་ཡང་བཀའ་ཁྲི་གསུམ་གྱི་མཚན་དང་ལས་གནས་ཀྱི་རེ་མིག་
ཆུང་ཆུང་ཞིག་གི་མཐར་བཀོད་ཡོད་པ་ཙམ་ལས་གཞན་མི་འདུག
དེར་ཡང་བློ་བཟང་སེང་གེ་དང་པོ་དང་བསྟན་འཛིན་རྣམ་རྒྱལ་གཉིས་པ་བྱས་འདུག
ཞིབ་རྒྱས་གུས་པས་དཔར་པའི་ཚགས་པར་གྱི་པར་རིས་ཁག་ལས་གཟིགས་རོགས།
ཆེ་ཙམ་བྱས་ནས་གཟིགས་འདོད་ན་
tseringtashiཞེས་པའི་facebookརུ་གཟིགས་ཤིག
འདིར་ངས་རྒྱབ་སྐྱོར་ལྟ་བུའི་དམིགས་ཡུལ་གཙོ་བོ་མིན། བྱ་བ་ཚང་མ་སོང་ཟིན་པ་རེད།
འོན་ཀྱང་ང་རང་གིས་གང་མཐོང་བའི་རྒྱལ་སྤྱིའི་གླེང་ཕྱོགས་དེ་གྲོགས་པོ་ཚོར་བཤད་པ་ཙམ་ཡིན།