མཁས་དབང་ཚ་བ་མདའ་སྨྱུག་མཆོག་གི་འདྲ་དཔར།།

དེང་རབས་ཉེར་གཅིག་པའི་མཁས་དབང་ཚ་བ་མདའ་སྨྱུག་མཆོག་གི་འདྲ་དཔར་ཞིག

༄༅།།ཚ་བ་མདའ་སྨྱུག་མཆོག་གི་མི་གཞི་དྲང་གི་མདའ་མོའི་རྩེ་ལ་སྙིང་སྟོབས་གསེར་གྱི་སྤུ་གྲི་ལ་ཡིད་སྨོན་ཞིག་ཤོར་བ།

དེང་རབས་ཉེར་གཅིག་ནང་གི་མཁས་དབང་ཞིག

མི་རབས་གསར་པའི་ནང་གི་སྙིང་སྟོབས་ཤིག

རྙིང་དོར་གསར་ལེན་ཐུབ་པའི་དཔའ་བོ་ཞིག

མདོ་ཁམས་ཡུལ་དུ་ཕེབས་པར་ངོ་མཚར་ཆེ།།

སྒེར་གཅོད་ཆོས་ལུགས་འོག་གི་མི་རིགས་ལ།

དཔང་རོགས་སྙིང་སྟོབས་མདའ་མོའི་ངར་སྐད་འདི།

རྨོངས་དད་བྲང་ལ་གཏོད་པའི་སྤོབས་པ་ཞིག

ཚ་བའི་སྒང་དུ་འཁྲུངས་པར་ངོ་མཚར་ཆེ།།

རྟོག་གེ་རིག་པའི་དྲང་གི་མདའ་མོ་དེ།

རྨོངས་པའི་མུན་ནག་དཀྱིལ་གྱི་སྒེར་གཅོད་ལ།

འཕེན་པའི་སྙིང་སྟོབས་ཅན་གྱི་མཁས་དབང་ཞིག

སྒང་དྲུག་ཡུལ་དུ་ཕེབས་པར་ངོ་མཚར་ཆེ།།

མཁས་དབང་དགེ་ཆོས་སྒེར་གཅོད་འོག་ཏུ་ཤི།

ཚ་བ་མདའ་སྨྱག་སྒེར་གཅོད་འོག་ནས་བོར།

རྨོངས་པའི་མུན་ནག་ནང་གི་མི་རིགས་ལ།

སྒྲོན་མེ་འབར་དབང་མེད་པར་ཡིད་རེ་སྐྱོ།།