༄༅།། ཁྱིམ་གཞིས་ལ་རླུང་བུས་ན་ཟུག་བསླངས།
༄༅།། ཁྱིམ་གཞིས་ལ་རླུང་བུས་ན་ཟུག་བསླངས།
གཙང་གཞུང་གི་རྣམ་ཤེས་ཁྲི་ཕྲག་མང་པོའི་ཁྱེད་ཀྱིས་
ཆེད་དུ་སྤྱན་ཆབ་བསིལ། གྲོག་ཆུའི་གཙང་འགྲམ་གྱི་ཕ་བོང་ལ་ཡོད་ཚོད་
གསང་བ་སྦས།
མགོ་སྟེང་གི་སྐར་ཚོགས་བཞུར་བའི་ཤུལ་ལམ་ན་
མིག་ཆུ་ལྐོག་མིད་ཤོར། རུས་རྐང་གི་གསེབ་ན་བཞུར་བའི་སྐྱོ་སྣང་གི་
དུང་བ་རེ་རེ་ཁ་རུ་ལུད། མུན་ཁྲོད་ན་འུག་ཚོགས་ཀྱིས་ཅག་སྒྲ་སྔར་ལས་གཟན། ཡིད་གདུང་གི་ཚོར་བ་སྐྱུར་མོ་རེ་རེ།
བྲང་གཞུང་ནས་ཁྲག་རྩའི་གསེབ་ལ་ཁད་ཀྱིས་འཐིམས།
སེམས་ཀྱི་སྐྱོ་སྣང་དང་སུན་སྣང་གི་ལོ་ཟླ་གཉིས་མཉམ་དུ་བསྡེབས་བཞིན།
ཁྱིམ་གཞིས་ལ་རླུང་བུས་ན་ཟུག་བསླངས།
ཁ་བའི་རྣམ་ཤེས་དང་འབྱུང་འགྱུར་ལོ་རྒྱུས་སོགས་
སྨག་རུམ་གྱི་ཀློང་དུ་བསྡུས་་་་་་་་་་་་་ད་དུང་་་་་་་་་་་་་་་་་་་་
གསེར་རྟ་བསོད་ནམས་ཕུན་ཚོགས་སམ་དཔལ་ཤུལ་འབྲོང་སྲས་སུ་
འབོད་པས་སུག་བྲིས་སོ། ༢༡༠༢ ༤ ༢༡