༼སྐར་ཚོམ་ལ་ཡིད་སྨོན་ཤོར་བ༽
སྨག་ནག་གི་ལོ་ཟླ་འདི་ཡི་བར་གསེང་ན
ཁྲ་ལམ་ལམ་དུ་འཚེར་བཞིན་པའི་སྐར་ཚོམ
གྲང་རླུང་དང་བུ་ཡུག་གི་ཁྲོད་ན
ཤུགས་ཀྱིས་འགུལ་གྱིན་པའི་སྐར་ཚོམ་དེ་ཚོ་ནི
ཅི་འདྲའི་སེམས་ལ་མཛེས་ཨང
མ་གཞི་ནས
སྐར་ཚོམ་དེ་ཚོར
མུན་ནག་གི་ལོ་ཟླ་འདི
འཇུག་སྡུད་བྱེད་པའི་སྙིང་སྟོབས་ཡོད་ལ
ཞོགས་པའི་སྐྱ་རེངས་ལ་བསུ་བ་བྱེད་པའི་སྟ་གོན་ཀྱང་ཡོད་པས
ངས་ནམ་ཡང་ཡིད་སྨོན་བྱེད་ཀྱིན་ཡོད
སྐར་ཚོམ་དེ་ཚོ་ནི
ངའི་རྨི་ལམ་གྱི་རོལ་དབྱངས་ལ
རམ་འདེགས་བྱེད་མཁན་དེ་ཡིན་པས
ངས་སྐར་ཚོམ་དེ་ཚོ་དང་ལྷན་ཏུ
དུས་ཚིགས་ཀྱི་དབྱེ་བ་མེད་པའི
ལྷ་ཡུལ་ལྟ་བུའི་དབྱར་གཞུང་དེ
བསུ་བར་འདོད