མེ་མཆོད་པ་ཞིག་གི་སྐད།
མེ་མཆོད་པ་ཞིག་གི་སྐད
__ སྒྲོལ་དཀར་མཚོ་ལ་མྱ་ངན་ཞུ__
མཛའ་དུང་གིས་སྦྲེལ་བའི་གཉེན་བཤེས་སོགས
ཁྱེད་ཚོས་ང་ལ་མྱ་ངན་མ་བྱེད་དང
ང་ཡི་ལུས་སྟེང་ན་འབར་བའི་དམར་ལམ་མེར་གྱི་ཁ་མདོག་འདི་ནི
བདེན་སྣང་གི་འོད་གསལ་ཡིན་ཞིང
འོད་གསལ་དེས མུན་ཁུད་ན་བདོག་པའི་མེལ་ཚེ་བ་དག་གི
གཡོ་འཕྲུལ་སྲེག་བཞིན་ཡོད་ཅིང
ངེད་ཚང་ལ་དབང་བའི་ཁྱིམ་གཞིས་དེའང
འོད་མདངས་ཀྱིས་ག་ལེར་གསལ་ནས་འོང
བྱམས་དུང་དུང་གི་གཅེས་ཕྲུག་དག
ཁྱེད་ཚོས་ཨ་མ་ལ་འཁང་ར་མ་བྱེད་རོགས
ང་ལ་ངེད་ཚང་གི་བརྩེ་མདངས་འཁོལ་བའི་ཁྱིམ་གཞིས་མི་མཁོ་བ་མིན་ལ
དེ་ལས་ཀྱང ཡིད་འོང་གི་འཛུམ་རིས་འཕྱུར་བའི་ཁྱེད་ཅག་མི་འདོད་པ་ག་ལ་ཡིན
ངས་རང་གི་རྩ་ཆེན་གྱི་ལུས་ལ་མེ་བསྒོས་དོན་ནི
ངེད་ཚང་གི་འཚོ་གནས་ཀྱི་ཁ་མདོག་ལ
འདི་ལས་ལྷག་པའི་དཔེར་གཟུགས་འཚམ་པ་ཞིག་མ་རྙེད་པས་ཡིན
བདག་གིས་གདམས་ཀ་འདིའི་བརྒྱུད་ནས་ཁ་ཆེམས་ཀྱང་བཞག་ཡོད
རིགས་མཐུན་གྱི་སྤུན་གྲོགས་ཚོ
ཞེ་མཐུན་གྱི་ལག་རྡང་སྦྲེལ་ནས་མུ་མཐུད་དེ་བཞུད་དང
གཅིག་སྒྲིལ་གྱི་སྟོབས་ཤེད་ཀྱིས
ང་ཚོས་བྲིས་པའི་ཁྲག་ཐིགས་ཀྱི་ལོ་རྒྱུས་ནི
ནམ་ཡང་བདེན་པ་ཡིན་པ་ར་སྤྲོད་དགོས་ལ
བདེན་པ་མཚོན་བྱེད་ཀྱི་རྣམ་འགྱུར་དེ་དག་ཀྱང
ནམ་ཡང སྙིང་རྗེ་ཡིན་པ་བསྟན་དགོས
ནམ་ཞིག་ང་ཚོས་ཀྱང་རི་བོ་པོ་ཏ་ལའི་མདུན་ཐང་ནས
རང་ལ་དབང་བའི་རྒྱལ་ཁབ་ཅིག་གི་དར་ཆ་བསྒྲེང་ཆོག
2012/810