གནས་ཚུལ་འདི་ལ་ཡིད་གཟབ་བྱེད་དགོས།
གནད་དོན་འདི་ཅི་ཕྱིར་བོད་ཀྱི་ནང་པ་དང་ཁ་ཆེ་བར་གྱིས་རྩོད་རྙོག་ཞིག་བསྒྱུར་པ་རེད།
གྲོགས་པོ་ཚོ་བསམ་བློ་བཏང་དགོས། ། རིག་པ་བསྒྲིམ། འཚོལ་ཞིབ་བྱེད་དགོས།ཉེ་འཆར་ཨ་སམ་སོགས་སུ་ཁ་ཆེ་དང་ནང་པའི་བར་དུ་རྩོད་རྙོག་ ཞིག་བྱུང་པ་མངོན་ཡོད་རེད། ཡིན་ཡང་གནད་དོན་འདི་བོད་ཀྱི་ནང་པ་དང་ཁ་ཆེ་བར་གྱིས་རྩོད་རྙོག་ག་འདྲ་བྱས་ནས་ བསྒྱུར་བ་རེད། གལ་ཏེ་ཨ་སམ་དང་འབར་མ་ཕྱོགས་སུ་འཐབ་འཁྲུག་བྱས་པས་ཁ་ཆེ་རྣམས་ཀྱི་རང་གི་རྒྱབ་ སྐྱོར་འཚོལ་གྱིན་ཡོད་ན་ཨ་སམ་དང་འབར་མའི་ཕྱོཊ་ཀྱི་ནང་པ་ཚོས་ཁ་ཆེ་ལ་ཐུབ་ཚོད་ བཏང་པའི་རྣམ་པ་སྟོན་དགོས་པ་ལས་བོད་ཀྱི་ནང་པའི་ཁ་ཆེ་ལ་ཐུབ་ཚོད་བཏང་པའི་རྣམ་ པ་རྫུན་བསྒྲིགས་བྱས་དགོས་དོན་མེད་པ་རེད།
གནད་དོན་འདི་ལ་རྒྱབ་ལྗོངས་གཞན་ཞིག་ ཡོད་ངེས་རེད། སྔོན་མ་རྒྱལ་ས་ལྷ་སའི་ཞི་རྒོལ་ཆེན་མོའི་སྐབས་སུ་ཁ་ཆེ་ལྷ་ཁང་ལ་འབར་རྫས་ གཡུགས་པའི་གནད་དོན་ཡང་བྱུང་པརེད།བོད་ཀྱི་ནང་པ་དང་ཁ་ཆེ་བར་གྱི་གནས་ཚུལ་འདི་ བྱུང་མ་ཐག་རྒྱ་ནག་ནང་དུ་སྐད་ཆཞིག་བྱུང་པ་རེད། དེང་སང་གྲྭ་བ་དེ་ཚོ་ག་བར་ཕྱིན་རུང་རྙོག་གྲ་རྐྱང་རྐྱང་བཟོ་ཀྱིན་ཡོད་རེད།
ད་ཡང་ཁ་ཆེ་དང་ནང་པའི་བར་ལ་རྙོག་གྲ་བཟོ་ཀྱིན་ཡོད་ཚུལ་སོཊ་ཤོད་བཞིན་ཡོད་པ་ རེད། འདི་ཡང་གནད་དོན་ཞིག་ཡོད་པས་ཡིད་གཟབ་བྱེད་དགོས།བོད་ཀྱི་ནང་པ་ལ་མཚོན་ན་དབུ་ འཁྲིད་མཐོ་ཤོས་དེ་༧གོང་ས་མཆོག་རེད་ཁོང་གིས་ཆོས་ལུཊ་ཀུན་ལ་གུས་རྩིས་བྱེད་ ཀྱིན་ཡོད་པ་མ་ཟད་ཁ་ཆེ་ཆོས་དཔོན་ཚོ་ལ་དད་གུས་ཆེན་པོ་བྱེད་ཀྱིན་ཡོད།་་ཁ་ཆེ་ བླ་དཔོན་ཚོས་ཡང་༧གོང་ས་མཆོག་ལ་དད་གུས་བྱེད་ཀྱིནཡོད་པ་མ་ཟད་༧གོང་ས་མཆོག་ནི་ རིས་མེད་ཆོས་ལུཊ་ཀུན་གྱི་མཐུན་ལམ་གྱི་གཞི་རྩ་ཡིན་པ་ངོས་འཛིན་བྱེད་ཀྱིན་ཡོད་ པ་རེད།བོད་ཀྱི་ནང་པ་ཚོས་ཡིད་གཟབ་བྱེད་རྒྱུ་དང་གནས་ཚུལ་ངོ་མ་འབྱུང་རྐྱེན་ འཚོལ་དགོས་པ་གལ་ཆེན་པོ་རེད།རྒྱ་གར་གྱི་གསལ་ལམ་ཁག་དུ་གནས་ཚུལ་འབྱུང་རྐྱེན་ སྐོར་གསུངས་ཡོད་ཀྱང་རྒྱབ་ལྗོངས་ད་དུང་འཚོལ་དགོས་པ་རེད།།