ཀ་མད་སུམ་ཅུའི་ཀི་རིང་། །
ཀ་མད་སུམ་ཅུའི་གླུ་དབྱངས་ཁ་ལ་གྱེར་ནས་ག་དུས་ཡིན་ཡང་ང་ཚོའི་བོད་སྐད་གཙང་མ་ཤོད།
ཅ་ཅོ་རིགས་ངན་མདོ་མེད་ཆ་ལུགས་བཅོས་ནས་ཇ་འོ་ཇི་བཞིན་ཉ་རྒྱས་རིག་གཞུང་དམ་པ་སྤེལ།
ཏ་ལའི་འདབ་མ་རླུང་ཁྱེར་ཐ་མལ་སྒྱུ་ལུས་ད་ལྟ་་ངེས་མེད་ན་རྒ་སྐྱེ་འཇིག་སྙིང་པོ་ལོངས།
པ་ཏྲ་རྡོ་བརྐོས་རི་མོ་ཕ་མེས་རིག་གཞུང་བ་མཆོག་འོ་ལྟར་མ་ལུས་རང་རྐང་རིག་གཅིག་སྐྱོངས།
ཙ་ཀའི་ཞིང་བཀོད་ཉོན་མོངས་ཚ་གདུང་སྐྱོབས་ཕྱིར་ཛ་ཡའི་གསུང་ལྟར་ཝ་ལེར་ཡིད་ལ་ཡང་ཡང་སྒོམས།
ཞྭ་བཞིན་དམ་པ་རྣམས་ལ་ཟ་ལྟོའི་ཆེད་མིན་འ་ཅག་ཀུན་གྱིས་ཡ་རབས་བཟང་པོའི་སྒོ་ནས་བཀུར།
ར་ཛའི་སྤྱོད་ངན་གོམས་པའི་ལྭ་དམར་བླ་དཔོན་ཤ་ཚ་མེད་པས་ས་སྟོང་མི་མགོ་བསྐོར་རྣམས་རྒོལ།
ཧ་ཧོའི་ཀུ་རེ་བརྩེས་མིན་ཨ་ཇོ་བོད་འབངས་ཧ་བཟང་བུ་རྣམས་ཨ་ལན་སློགས་ནས་རང་བཙན་རྩོད། །
