༄༅།། འདི་སྣང་གི་འཆར་ཡན་དམར་རྗེན་མ།
༄༅།། འདི་སྣང་གི་འཆར་ཡན་དམར་རྗེན་མ།
དེ་རིང་གི་འཆར་ཡན་དམར་པོ།།
བྲང་གཞུང་གི་ངོ་ཁ་འདི་ན།།
སྟོན་སྤྲིན་བཞིན་བར་མེད་འཕྱུར་སོང་།།
འདི་སྣང་གི་སྐྱོ་བའི་ན་བུན།།
སེམས་གཏིང་གི་སུན་སྣང་ནག་པོ།།
སྙིང་ཁོང་ལ་ལྡང་བའི་སྐྱོ་སོང་།།
གནམ་འོག་གི་འཚོ་གནས་འདི་ལ།།
ཞེན་འཛིན་གྱི་བག་ཆགས་འཐུག་ཡང་།།
མིང་རིང་བར་ཁད་ཀྱིས་ཡལ་འགྲོ།།
འདི་སྣང་གི་སྒྱུ་མའི་ན་བུན།།
སེམས་སྡུག་གི་སྣོད་མ་མ་གཏོག།།
ཕུགས་བསམ་ལ་འཛུམ་མདང་མི་བསུ།།
འདོད་ཞེན་གྱི་གྲུ་ཁ་འདི་ནས།།
ཆགས་སོགས་ཀྱི་རྦ་རླབས་ལྡང་སྐབས།།
ན་ཟུག་གི་སེམས་པ་བཅུམས་སོང་།།
འདི་སྣང་གི་གཡོ་འཕྲུལ་རེ་རེ།།
ཕུགས་བསམ་ལ་ཁྲག་ཡིག་རེ་རེ།།
སེམས་གཏིང་ལ་ཟུག་པའི་སྐྱོ་སོང་།། གསེར་རྟ་བསོད་ནམས་ཕུན་ཚོགས་སམ་དཔལ་ཤུལ་འབྲོང་སྲས་སུ་འབོད་པས་ རྡ་རམ་ས་ནས་་བྲིས་སོ།། ༢༠༡༢ ༩ ༥