༄༅།།གྲོས་ཆོད་དོན་ཚན་བཅུ་བདུན་།
སྤྱི་ལོ་༢༩༥༢ཟླ་༥ཚེས་༢༣ཉིན་རྒྱ་ནག་གཞུང་གི་འཐུས་མི་དབང་ཆ་ཙང་མ་ཡོད་པ་སླིའི་འུས་ཧན་དང་། ཀྲང་ཅིང་ཨུ་། ཀྲང་གོ་ཧྭ་། སུང་ཀྲི་ཡོན་དང་།
བོད་ཀྱི་འཐུས་མི་དབང་ཚད་ཆ་ཚང་ཡོད་པ་ང་ཕོད་དང་། བསོད་ནམས་དབང་འདུད་།
ཐུབ་བསྟན་བསྟན་དར་། ཐུབ་བསྲན་ལེགས་སྨོན་། བསམ་ཕོ་བསྟན་འཛིན་དོན་གྲུབ།
བཅས་ཀྱིས་གྲོས་ཆོད་དོན་ཚན་བཅུ་བདུན་འདི་བཞག་པ་རེད་།
༡༽བོད་ཀྱི་མི་དམངས་རྣམས་མཐུན་བསྒྲིལ་བྱས་ཏེ་ཕྱི་རྒྱལ་བཙན་དབང་རྒྱལ་ཁབ་ཀྱི་བཙན་ཤུགས་བོད་ནས་མཐར་སྐྲོད་གཏོང་དགོས་། བོད་ཀྱི་མི་དམངས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མེས་པོའི་རྒྱལ་ཁབ་ཁྱིམ་ཚང་ཆེན་པོའི་ནང་ལོག་དགོས་།
༢༽མི་དམངས་བཅེངས་བཀྲོལ་དམག་བོད་དུ་བསྐྱོད་དེ་རྒྱལ་ཁབ་བརྟན་པོ་སྲུང་རྒྱུ་ལ་བོད་ཀྱི་ས་གནས་སྲིད་གཞུང་ནས་རོགས་རམ་ལྷུར་ལེན་བྱེད་རྒྱུ་།
༣༽ཀྲུང་གོའི་མི་དམངས་ཆབ་སྲིད་གྲོས་ཚོགས་ཀྱི་གུང་ཐུང་ཀང་ལིང་གི་མི་རིགས་སྲིད་ཇུས་སྟེ་།
ཀྲུང་དབྱང་མི་དམངས་སྲིད་གཞུང་ནས་གཅིག་བསྒྲེལ་གྱི་འགོ་འཁྲིད་འོག་བོད་ཀྱི་མི་དམངས་ལ་མི་རོགས་ཀྱི་ས་གནས་རང་སྐྱོང་ལག་ལེན་བྱེད་རྒྱུའི་དབང་ཆ་ཡོད་།
༤༽བོད་ཀྱི་ཆབ་སྲིད་ལམ་སུགས་ད་མུས་ལ་ཀྲུང་དབྱང་གིས་བསྒྱུར་བཅོད་མི་བྱེད་པར་།
ཏྭ་ལའི་བླ་མའི་སྔ་ཡོད་གོ་གནས་དང་དབང་ཆ་ཡང་ཀྲུང་དབྱང་ནས་བསྒྱུར་བཅོད་མི་བྱེད་།
དཔོན་རིགས་མཐོ་དམན་རྣམས་ཀྱང་སྔར་བཞིན་གནས་རྒྱུ་།
༥༽དཔན་ཆེན་ཨེར་ཏེ་ནེའི་སྔར་ཡོད་གོ་གནས་དང་དབང་ཆ་རང་འཇགས་གནང་དགོས་།
༦༽ཏྭ་ལའི་བླམ་དང་། པན་ཆེན་ཨེར་ཏེ་ནིའི་སྔར་ཡོད་གོ་གནས་དང་དབང་ཆ་ཞེས་པ་། ཏྭ་ལའི་བླ་མ་སྐུ་འཕྲེང་བཅུ་གསུམ་པ་དང་། པན་ཆེན་ཨེར་ཏེ་ནི་སྐུ་འཕྲེང་དགུ་པ་མཐུན་པའི་སྐབས་ཀྱི་གོ་གནས་དང་དབང་ཆ་།
༧༽ཀྲུང་གོའི་མི་དམངས་ཆབ་སྲིད་གྲོས་ཚོགས་ཀྱི་གུང་ཐུང་ཀང་ལིང་ནང་ཐག་བཅད་པའི་ཆོས་ལུགས་ལ་དད་པ་རང་མོས་བྱས་ཆོག་པའི་སྲིད་བྱས་ལག་ལེན་བྱས་ཏེ་། བོད་ཀྱི་མི་དམངས་ཀྱི་ཆོས་ལུགས་ལ་དད་པ་དང་ཡུལ་གྱི་གོམས་པའི་གཤེས་ལུགས་སོགས་ལ་བརྩེ་འཛིན་བྱེད་རྒྱུ་དང་།
དགོན་པ་གྲྭ་ཚང་ལ་སྲུང་སྐྱོབ་བྱེད་རྒྱུ་། དགོན་པ་གྲྭ་ཚང་གི་ཡོང་སྒོར་ཀྲུང་དབྱང་ནས་བསྒྱུར་བཅོད་མི་བྱེད་།
༨༽བོད་ཀྱི་དམག་སྒར་རིམ་གྱིས་བཅེངས་བཀྲོལ་དམག་ལ་ཚུར་བརྒྱུར་ནས་ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་སྲུང་བའི་དྲག་ཤུགས་ཁག་གཅིག་ཏུ་བསྒྲུབ་རྒྱུ་།
༩༽བོད་ཀྱི་གནས་ཚུལ་དངོས་ཡོད་གཞིར་བཟུང་སྟེ། རིམ་གྱིས་བོད་རིགས་ཀྱི་སྐད་ཆ་དང་།
ཡི་གེ་། སློབ་གྲའི་སློབ་སྦྱོང་བཅས་གོང་འཕེལ་གཏོང་རྒྱུ་།
༡༠༽བོད་ཀྱི་གནས་ཚུལ་དངོས་ཡོད་གཞིར་བཟུང་སྟེ་། རིམ་གྱིད་བོད་ཀྱི་ོ་ནམ་དང་། འབྲོག་ལས་། བཟོ་ལས་། ཚོང་ལས་རྣམས་གོང་འཕེལ་དུ་བཏང་ནས་མི་དམངས་ཀྱི་ལྟོ་གོས་སོགས་ཇེ་ལེགས་སུ་གཏོང་རྒྱུ་།
༡༡༽བོད་ཀྱི་ལས་ལུགས་སྣ་ཚོགས་ལེགས་བཅོས་བྱེད་རྒྱུའི་སྐོར་ལ་ཀྲུང་དབྱང་ནས་བཙན་བཤེད་ཀྱིས་མི་བྱེད་པར་། བོད་ཀྱི་ས་གནས་སྲིད་གཞུང་རང་ནས་ལེགས་བཅོས་བྱེད་རྒྱུ་དང་། མི་དམངས་ནས་ལེགས་བཅོས་བྱེད་དགོས་ཞུ་དུས་། བོད་ཀྱི་འགོ་བྱེད་རྣམས་དང་གྲོས་བསྡུར་གྱིས་ཐབས་ཤེས་ལ་བརྟེན་ནས་ཐག་གཅོད་རྒྱུ་།
༡༢༽སྔར་ཕན་ཕྱི་རྒྱལ་བཙན་དབང་རྒྱལ་ཁབ་དང་། མོ་མིན་ཏང་ལ་ཉེ་འབྲེལ་བྱེད་པའི་དཔོན་རིགས་ནས་། ཕྱི་རྒྱལ་བཙན་དབང་རྒྱལ་ཁབ་དང་། གོ་ནིན་ཏང་ལ་འབྲེལ་ཐག་མཐར་པྱིན་པ་བཅད་དེ་། ད་ཕྱིན་ངོ་ལོག སྐྱོན་གནོད་མ་བྱས་ན་ལས་ཚན་རང་འཇགས་བྱེད་ཆོག་པར་སྔར་བྱས་ལ་རྩད་གཅོད་མི་བྱེད་།
༡༣༽བོད་བསྐྱོད་མི་དམངས་བཅེངས་བཀྲོལ་དམག་གིས་གོང་གསལ་དོན་ཚེན་རྣམས་ཀྱི་སྲིད་བྱུས་ལ་སྲུང་བརྩེ་བྱེེད་རྒྱུ་མ་ཟད་། ཉོ་ཚོང་དྲག་བཞག་། མི་དམངས་ཀྱི་ཁབ་སྐུད་པ་ཙམ་ཡང་གང་བྱུང་མི་ལེན་།
༡༤༽ཀྲུང་དབྱང་མི་དམངས་སྲིད་གཞུང་ནས་བོད་ཀྱི་ས་གནས་སུ་བྱུང་བའི་ཕྱི་འབྲེལ་གྱི་ལས་དོན་མཐའ་དག་གཅིག་འབྲེལ་གྱི་སྒོ་ནས་བྱེད་རྒྱུ་དང་། འདྲ་མཉམ་གཉིས་ཕན་ཕན་ཚུན་གྱི་མངའ་ཁུལ་དང་། རང་བཙནགྱིི་དབང་ཆ་ལ་བརྩིས་འཇོག་ཐོག། ཉེ་འདབ་རྒྱལ་ཁབ་དང་ཞི་མཐུན་གནས་རྒྱུ་མ་ཟད་། དྲང་འབྲེལ་གྱི་ཚོང་ལས་འཛུགས་རྒྱུ་དང་། གོང་འཕེལ་གཏོང་རྒྱུ་།
༡༥༽གྲོས་མཐུན་འདི་ཉིད་ལག་ལེན་དུ་བསྟར་བའི་འགན་ལེན་། ཀྲུང་དབྱང་མི་དམངས་སྲིད་གཞུང་ནས་བོད་ལ་དམག་སྲིད་ཨུ་ཡོན་ལྷན་ཁང་དང་། ས་གནས་དམག་སྒར་གྱི་དམག་སྤྱི་འཛུགས་རྒྱུ་དང་། ཀྲུང་དབྱང་ནས་བཏང་བའི་ལས་བྱེད་མ་ཚད་། བོད་ཀུལ་གྱི་ལས་བྱེད་པ་ཡང་གང་མང་རུག་སྟེ་ལས་ཀ་བྱ་རྒྱུ་། དམག་སྲིད་ཨུ་ཡོན་ལྷན་ཁང་ནང་འགྲོ་མཁན་རྣམས་བོད་ཀྱི་ས་གནས་སྲིད་གཞུང་དང་། ཡུལ་ཕྱོགས་སོ་སོ་། དགོན་པ་གཅོ་ཆེ་བཅས་ནས་རྒྱལ་ཁབ་ལ་ཤ་ཞེན་ཡོད་ཀྲུང་དབྱང་མི་དམངས་སྲིད་གཞུང་ནས་བསྐོས་པའི་འཐུས་མི་དང་། གནད་ཡོད་ཀྱི་ཕྱོགས་ཚང་མ་མཉམ་གྲོས་ཐོག་ནས་མིང་ཐོ་ཕུལ་ཏེ་ཀྲུང་དབྱང་མི་དམང་སྲིད་གཞུང་ལ་བསྐོ་གཞག་གནང་བ་ཞུ་རྒྱུ་།
༡༦༽དམག་སྲིད་ཨུ་ཡོན་ལྷན་ཁང་དང་། ས་གནས་དམག་སྤྱི་ཁང་། བོད་བསྐྱོད་མི་དམངས་བཅེངས་བཀྲོལ་དམག་བཅས་ཀྱི་འགྲོ་སོང་ཀྲུང་དབྱང་མི་དམངས་སྲིད་གཞུང་ནས་གཏོང་རྒྱུ་། བོད་ཀྱི་ས་གནས་སྲིད་གཞུང་ནས་མི་དམངས་བཅིངས་བཀྲོལ་དམགས་ལ་འབྲུ་དང་།
གཞན་ཡང་ཉེ་མཁཔ་བསྒྲུབ་རྒྱུ་། སྐྱེལ་འདྲེན་བཅས་ལ་སོགས་རམ་བྱེད་རྒྱུ་།
༡༧༽གྲོས་མཐུན་འདི་ཉིད་མིང་རྟགས་བཀོད་འཕྲལ་རྩ་བར་བཟུང་སྟེ་ལག་ལེན་བྱེད་རྒྱུ་།། །།
བཅས་གསུང་ཡོད་པ་འདི་དང་༧གོང་ས་མཆོག་གིས་གསུང་པའི་དབུ་མའི་ལམ་གཉིས་ལ་ཁྱད་པར་ཅི་ཞིག་ཡོད་མེད་ལ་དྲྭ་གྲོགས་ཚོས་དགོངས་འཆར་གསུང་རོགས་།