ཐའེ་ཝན་བོད་བརྒྱུད་དྲ་བརྙན་དངོས་སུ་དབུ་བརྙེས་པ།
ས་ག་ཟླ་བའི་ཚེས་བདུན་ཏེ། ཕྱི་ལོ་༢༠༡༣ ལོའི་ཟླ་༥ ཚེས་༡༧ ཉིན་གྱི་དགུང་མོ་རྒྱལ་ས་ཐའེ་པེའི་ཐའེ་ཝན་སློབ་ཆེན་གྱི་ཚོགས་ཁང་དུ་སྟོན་པའི་འཁྲུངས་སྐར་བདེ་ལེགས་ཀྱི་ཤིས་ཚིག་དང་། རྒྱལ་བསྟན་འཛམ་གླིང་ཡོངས་ལ་ཁྱབ་གྱུར་ཅིག་ཅེས་པའི་སྨོན་ཚིག་གི་ཁྲོད་ནས་ཐའེ་ཝན་བོད་བརྒྱུད་དྲ་བརྙན་དངོས་སུ་ཤར་གཏོང་མགོ་འཛུགས་བྱས།
ཚོགས་འདུའི་ཐོག་བོད་ཀྱི་ཆོས་བརྒྱུད་ཁག་གི་མཁན་སྤྲུལ་དགེ་བཤེས་ཁག་གིས་གསུང་བཤད་དང་དྲ་བརྙན་སྤྱི་ཁྱབ་པས་ཐའེ་ཝན་བོད་བརྒྱུད་དྲ་བརྙན་གྱི་ལས་རིམ་སྤྱི་དང་བྱེ་བྲག་གི་གི་སྐོར། ཁྱད་པར་དུ་འབྱུང་འགྱུར་གྱི་ལས་རིམ་སོགས་དང་འབྲེལ་བའི་གལ་ཆེའི་སྙན་ཞུའི་གཏམ་བཤད། དེ་བཞིན་ཉི་ཧོང་གི་གླུ་མ་གྲགས་ཅན་ཐའེ་ལན་ཏིང་དབྱང་གིས་མཆོད་སྤྲིན་གྱི་གླུ་དབྱངས་སོགས་གྲུབ་མཚམས། ནང་ཆོས་ཀྱི་བྱུང་བ་དང་འབྲེལ་བའི་མགུལ་རིས་གྱི་གློག་བརྙན་གཟིགས་འབུལ་དང་། མཁན་པོ་ཆོས་ཉིད་དོན་རྟོགས་ནས་དྲ་བརྙན་ཚོགས་པའི་ཚབ་བྱས་ཏེ། དྲ་བརྙན་དབུ་འབྱེད་ཀྱི་དྲན་རྟེན་གྱི་ཕྱག་རྟགས་གནང་ཤིང་། ཞིབ་འཇུག་ཚོགས་པའི་ཚོགས་གཙོ་མཆོག་ནས་ཐུགས་རྗེ་ཆེ་ཞུའི་གཏམ་བཤད་བཅས་གྲུབ་མཚམས་ཚོགས་ཞུགས་པ་ཡོངས་ནས་བཟང་སྤྱོད་སྨོན་ལམ་གྱིས་མཚམས་སྦྱར་ཏེ་རྒྱལ་ཁའི་ངང་ནས་མཇུག་ཡོངས་སུ་གྲུབ་ཡོད།
དྲ་རྒྱའི་བརྙན་གྱི་དྲ་བྱང་།http://www.ttbtv.org/
དྲ་བརྙན་ཚོགས་པའི་ཚོགས་མི་མཁན་སྤྲུལ་དགེ་བཤེས་རྣམ་པས་ལྡིངས་
ཆའི་སྟེང་ནས་སངས་ཀྱི་བསྟོད་པ་གསུང་བཞིན་པ།
ཐའེ་ཝན་བོད་བརྒྱུད་དྲ་བརྙན་གྱི་སྤྱི་ཁྱབ་ལས་འཛིན་པ་མཁན་པོ་ཆོས་ཉིད་
དོན་རྟོགས་དང་། ཧོང་ཀོང་རྒྱལ་སྤྱིའི་ཆེད་ལས་སྨྱན་སྦྱོར་ཚོགས་པའི་སྤྱི་ཁྱབ་
གཞོན་པ་དང་ཐའེ་ཝན་ཡག་ལག་སྡེ་ཚན་གྱི་ཚོགས་གཙོ་ལྕམ་ཀྲང་ཙུང་དབྱི།
དགེ་རྒན་ཆེན་མོ་མཁས་དབང་ཙིན་ལགས་བཅས་ཀྱིས་ཆོས་ལུགས་དང་སྨྱན་སྦྱོར་
སློབ་གསོ་བཅས་ཀྱི་རིགས་སོ་སོའི་ཚབ་བྱས་ནས་དབུ་འབྱེད་ཀྱི་རྟེན་འབྲེལ་བྱེད་བཞིན་པ།
འཇར་པན་གྱི་གཞས་མ་གྲགས་ཅན་གྱིས་དབྱངས་ཀྱི་མཆོད་སྤྲིན།
