༄༅།། ཕུགས་ཀྱི་འདུན་པ།
༄༅།། ཕུགས་ཀྱི་འདུན་པ།
རང་བཙན་མི་དགོས་མ་གསུངས།།
རང་བཙན་བོད་མིའི་དམིགས་ཡུལ།།
རང་བཙན་སླར་གསོའི་ཆེད་དུ།།
སྐུ་སྲོག་ཤོར་པ་མཁྱེན་ནམ།
སེམས་ཀྱི་གཏིང་གི་དད་འདུན།།
རང་བཙན་གཙང་མ་ལོས་ཡིན།།
འགྱུར་མེད་དད་གདུང་ངོགས་སུ།།
རང་བཙན་གཙང་མ་བྲིས་ཡོད།།
ཡ་མེད་དཔའ་བོའི་འདི་ཚོས།།
ཕུགས་ཀྱི་དམིགས་ཡུལ་གཙང་མ།།
རང་བཙན་དངོས་གནས་རེད་ཤག།
རང་བཙན་གྲུབ་མཐའ་མ་འདོར།།
རྒྱ་དམར་ཚང་གི་རྐང་རྗེས།།
འཚོལ་བའི་ང་ཚོ་ཅི་བྱ།།
བོད་རྒྱ་ཁ་ཁར་བྱ་དགོས།།
རྒྱབ་སྐྱོར་ཡོད་མེད་མ་རེད།།
མི་རབས་གསར་པའི་དཔུང་ཁག།།
རྒན་ཡོལ་བརྒྱ་ཅུ་ཡན་ཆོད།།
བྲང་ཁོག་གདོང་ལ་བྲིས་པ།།
རང་བཙན་གཙང་མ་ཡིན་ནོ།།
ཆོས་དང་ཆབ་སྲིད་མ་བསྲེས།།
དམིགས་ཡུལ་ཁ་ཁར་ཡིན་ནོ།།
ཆོས་ལུགས་ལག་ཆ་བྱས་ཏེ།།
སྲིད་ཀྱིས་མགོ་ལ་མ་གཞུས།།
རང་བཙན་གྲུབ་མཐའི་གཞུང་ལུགས།།
ཐར་བའི་གསེབ་ལ་མ་གཡུག།།
འཇིགས་སྐུལ་འབག་འཆབ་གཡུག་ཏེ།།
གནས་ལུགས་གདོང་ལ་འབུད་རོགས།།
བདེན་པའི་དྲང་གཏམ་དམར་རྗེན།།
ཁེར་རྐྱང་གསེར་འབྲོང་བུ་ངས།།
རོ་བོ་ཧི་ལ་ཅར་ནས།།
སྙུག་གིས་རྩེ་ནས་འཐོར་སོང་།། དཔལ་ཤུལ་བསོད་ནམས་ཕུན་ཚོགས་སམ་གསེར་འབྲོང་སྲས་ཀྱིས་
བོད་ཀྱི་ཟློས་གར་ཚོགས་པའི་ཉེ་འཁྲིས་སུ་སུག་བྲིས་བགྱིས་སོ།། ༢༠༡༣ ༧ ༡༥