དེ་རིང་གི་གྲོང་གསེབ་གསར་འགོད་པའི་གོ་རྟོགས།
གསར་འགོད་པ་ཞིག་ཡིན་ན། དེ་ན་ཚང་དགོས་པ་མང་པོ་ཞིག་ཡོད། དེ་ནི་ཚང་མས་བཤད་ན་
སྐད་ཡིག་མ་མཐའ་གཉིས་ཡག་པོ་ཡོད་པ་ཞིག་དགོས་ཟེར། ཁ་ཤས་ཀྱིས་དེ་ཙམ་གྱིས་འགྲིགས་པར་
བརྩི་མཁན་དེ་འདྲ་ཡོད། ཡིན་ན་ཡང་དེ་ནི་རྨིང་གཞིའི་ཆ་རྐྱེན་ཙམ་ལས། ད་དུང་དེ་ལ་གསར་འགོད་པའི་ཆ་རྐྱེན་ཚང་མེད།
དེས་ན་དེ་ལ་ཚང་དགོས་པ་མང་པོ་ཡོད། དེ་ནི། དེ་ལ་སྤྱི་བཏང་གི་ཤེས་བྱའི་གནས་ཚད་ཡག་པོ་དགོས་པ་དེ་རྩ་བ་གཉིས་པའི་ཆ་རྐྱེན་དུ་བརྩི་ཆོག དེ་ཡི་ཆ་རྐྱེན་ལ། ཚགས་པར་མང་པོ་ཀློག་པ་དེ་གལ་ཆེ། ཚགས་པར་ཡང་རང་དང་འབྲེལ་བ་དང་། རང་དང་འགལ་བ་གཉིས་ཀ་ཁྱད་མེད་དུ་ཀློག་དགོས་པ་གལ་ཆེ། དེ་ནས་ཀློག་བརྙན་གསར་འགྱུར་དག་ལྟ་རྒྱུ་དང་། གཉིས་པ་དེ་ནི། གསར་འགོད་པ་དག་དང་འབྲེལ་བ་དམ་ཟབ་དུ་བཏང་ནས་དེ་དག་ལས་གསར་འགྱུར་གྱི་ལས་རིགས་ཕྱོགས་བསྡོམས་བྱེད་རྒྱུ་དང་། དེ་ལས་ཀྱང་གལ་ཆེ་བ་ནི། གསར་འགྱུར་གྱི་ཡོང་ཁུངས་དག་དང་འབྲེལ་བ་དམ་ཟབ་ཅིག་དགོས་པ་ནི་ཤིན་དུ་ནས་ཀྱང་གལ་ཆེ། དེ་ནི་ཚོགས་པ་ཁག་དང་། གཞུང་དང་། གཞུང་འབྲེལ་མིན་པ་ཀུན། གཞན། མང་ཚོགས་དང་མཉམ་དུ་འབྲེལ་འདྲིས་མང་ཙམ་བྱེད་པ་དང་། དེ་ལས་ཀྱང་གལ་ཆེ་བ་ནི། ཚོགས་པ་ནག་པོ་དེ་ཚོའི་སྐོར་ལ་ཡང་འབྲེལ་འདྲིས་བྱེད་ཐུབ་ན། དེ་དག་ལས་གསང་བ་མང་པོ་རག་ཏུ་ཡོད་། དེ་དག་ལ་འབྲེལ་བ་བྱེད་སྐབས། ལམ་འདྲ་མིན་གྱི་ཐོག་ནས་འབྲེལ་འདྲིས་བྱེད་དགོས། དཔེར་ན། ལོ་གསར་སྐབས་སུ་ལེགས་སྐྱེས་འབུལ་རེས་དང་། རྩེད་མོ་ལ་མཉམ་ཞུགས། དགའ་ཕྱོགས་གླེང་བ། མཉམ་ལས་བྱེད་པ་སོགས་ཡིན། དངོས་སུ་གསར་འགྱུར་དེ་ལག་ཏུ་ཐོན་སྐབས། བརྒྱུད་ལམ་གཞན་དང། ཡང་ན། གནས་ཚུལ་དེ་ཐེང་གཉིས་ཙམ་རང་གིས་མ་ཚོར་བར་གསར་ལམ་དུ་བཀོད་དུ་མེད་། གསར་ལམ་ཏུ་བཀོད་སྐབས། W༥ཚང་དགོས་པ་རེད་ཟེར་བ་དེ་ལ་བརྩི་འཇོག་བྱེད་དགོས། དེ་དག་མ་ཚང་ན། གསར་འགྱུར་གྱི་ཡན་ལག་ཆ་མ་ཚང་བས། སུས་དེ་གནས་ཚུལ་ཚད་ལྡན་ལ་མི་འཇོག གསར་ལམ་དུ་འགོད་སྟངས་ཡང་། གཞན་གྱིས་ཀློག་སྙམ་བྲོད་པ་བྱེད་དགོས་ལ། དེ་ནི་དེ་དག་གི་ནང་ནས་མི་འདྲ་བའི་གནས་ཚུལ་ཡ་མཚན་པ་དེ་འགོ་བརྗོད་དུ་བྲིས་ན་ཕན་ཆེ། དེ་ནི་ཡིག་འཕྲེང་དང་པོ་ཀློག་འགོ་འཛུགས་ཐུབ་པར་ཕན་ཐོག་ཆེ། དང་པོ་དེ་ཡང་ཚིག་ཐུང་ལ་གནད་འདུས་པ་ཞིག་བཟོས་ན། གཤམ་གྱི་གནས་ཚུལ་གཟིགས་པ་ལ་ཕན་ཆེ། དེ་ལྟ་བཀོད་པའི་གསར་འགྱུར་དེ་ཧ་ཅུང་རིང་བ་ཞིག་ཡིན་ན་ཉོབ་སྣང་སྐྱེ་བས་ཐུང་དགོས་ལ། གཞན་ཡང་མང་དུ་ཡོད་ཀྱང་མང་དུ་བྲིས་ན་ཕན་དུ་མ་མཐོང་།
