ཉ་འཚོ་སྡེ་དགོན་གཉིས་ལ་དམ་དྲག

ཕྱི་ཟླ་༩ ཚེས  ༡ ཉིན་ཁམས་སྐྱེ་རྒུ་མདོ་འཁྲི་འདུ་རྫོང་ཟིལ་དཀར་དགོན་གྱི་དགེ་འདུན་པ་ ༥ རྒྱ་ནག་གཞུང་གིས་འཇུ་བཟུང་བཙོན་འཇུག་བྱས་ཡོད་པའི་ཁོངས་ནས།  དགེ་འདུན་པ་བསོད་ནམས་ཤེས་རབ་དང་བསོད་ནམས་དབྱིག་གཉེན་རྣམ་གཉིས་ལ།

ཟི་ལིང་གྲོང་ཁྱེར་གྱི་ཁྲིམས་ཁང་ཞིག་ནས་ལོ་གཉིས་རེའི་ཁྲིམས་ཐག་བཅད་ཡོད་འདུག     ཡིན་ནའང་སྐབས་དེར་དུས་མཉམ་དུ་འཇུ་བཟུང་བྱས་པའི་དགེ་འདུན་པ་ཚུལ་ཁྲིམས་སྐལ་བཟང་དང་བློ་བཟང་སྦྱིན་པ་རྣམ་གཉིས་དང་།   དེ་བཞིན་ཕྱི་ལོ་ ༢༠༡༢ ཟླ་ ༡༠ ཚེས་ ༡ཉིན་འཇུ་བཟུང་བྱས་པའི་དགེ་འདུན་པ་བསྟན་འཛིན་ཤེས་རབ་གསུམ།ད་ལྟའི་ཆ་གང་དུ་ཡོད་མེད་གང་ཞིག་ཆགས་ཡོད་མེད་སོགས་ཀྱི་གནས་ཚུལ། འབྲེལ་ཡོད་ནང་མི་སྤུན་མཆེད་སོགས་ཀྱིས་ཤེས་རྟོགས་གང་ཡང་ཐུབ་མེད་པར་བརྟེན། སེམས་ཁྲལ་དངངས་སྐྲག་གི་ངང་ནས་གནས་བཞིན་ཡོད་འདུག

རྒྱ་ནག་གཞུང་གི་ལས་བྱེད་དང་དམག་མི་ཚོས་ད་ལྟའི་ཆར་སྡེ་དགོན་གཉིས་ཀྱི་སྐྱ་སེར་རྣམས་ལ། འདྲི་རྩད་དང་སྔོག་བཤེར་སོགས་ཀྱིས་དམ་དྲག་བྱས་ཏེ་འགྲོ་འདུག་གི་རང་དབང་མེད་པ་དང་། དགོན་སྡེ་གཉིས་ལ་དམ་དྲག་ཤུགས་ཆེར་ཇི་ཙམ་བྱེད་བཞིན་ཡོད་པས། དགོན་པར་འདི་ལྟར་དམ་དྲག་བྱེད་བཞིན་པ་འདིས་ཆོས་བྱེད་དགེ་འདུན་པ་ཚོའི་སློབ་གཉེར་ལ་བར་ཆད་ཡོང་རྒྱུ་དང་། མི་མང་ལ་འདྲི་རྩད་སོགས་ཀྱིས་སུན་བཙིར་བྱེད་བཞིན་པ་འདིས། རང་རང་གི་འཚོ་བའི་ལས་ཀ་དང་བུ་ཕྲུག་ཚོའི་སློབ་སྦྱོང་བཅས་ལའང་འཐུས་ཤོར་འགྲོ་ངེས་པས། རང་དབང་ལུང་པའི་ནང་ཡོད་པའི་བོད་མི་དང་དྲང་བདེན་ལ་དགའ་བའི་རྒྱལ་ཁབ་དང་ཚོགས་སྡེ་ཁག་གིས་ཉ་འཚོ་སྡེ་དགོན་གཉིས་ཀྱི་དཀའ་ངལ་ལ་རྒྱབ་སྐྱོར་ཡོང་བར་ཞུ་བཞིན་ཡོད་ཅེས་གནས་ཚུལ་མཁོ་སྤྲོད་པས་བརྗོད་འདུག །

http://www.tibetexpress.net/bo/home/2010-02-04-05-37-19/9131-2012-09-03-13-44-24