༄༅།། གྲྭ་རྒན་ཅིག་ལ་བྲིས།།
རྗེ་བ་གསུམ་དང་འབྲལ་ལ་ཁད།།
རྣམ་གསུམ་གོས་དེ་ཕུད་ལ་ཁད།།
གྲྭ་ས་གཡུགས་ཏེ་སྨྱོ་ལ་ཁད།།
སེམས་པ་རླུང་བུའི་ཁུར་ལ་ཁད།།
དམ་ཚིག་ཤེལ་སྒོང་བགད་ལ་ཁད།།
ཚབས་ཆེ་ཉེས་པ་བསག་ལ་ཁད།།
འདི་སྣང་སྒྱུ་མའི་བསླུ་ལ་ཁད།།
དམར་སེར་མདངས་དེ་ཉམས་ལ་ཁད།།
མི་གཞིའི་སྙིང་དོན་གཏོར་ལ་ཁད།།
འདི་མེད་ཕྱི་མེད་བྱེད་ལ་ཁད།།
ལས་འབྲས་ཁྱད་གསོད་བྱེད་ལ་ཁད།།
འདོད་ཆགས་ཆགས་པའི་སྨྱོ་ལ་ཁད།།
ཀླད་མེད་ལྐུགས་རྟག་སྟོན་ལ་ཁད།།
གྲོགས་ཀྱི་རེ་བཅོལ་གཡུག་ལ་ཁད།།
རང་སྡུག་རང་གིས་ཉོ་ལ་ཁད།།
གསེར་རྟ་བསོད་ནམས་ཕུན་ཚོགས་སམ་དཔལ་ཤུལ་འབྲོང་སྲས་སུ་འབོད་པས་
གྲྭ་ཆུང་ཁོང་དྲྭ་ངོས་ནས་ལབ་གླེང་བྱེད་ཞོར་སྐབས་ཁ་ཐུག་ལ་བྲིས་སོ།། ༢༠༡༢ ༡༠ ༡༨