གསར་འགོད་གསལ་བསྒྲགས།
རྒྱ་ དམར་ནས་བོད་མི་རྣམས་ལ་ནག་མེད་ཉེས་འཛུགས་ཀྱིས་ཁྲིམས་ལུགས་ཀྱི་གོ་རིམ་མེད་པའི་བྱ་སྤྱོད་ངན་པ་རིམ་སྤེལ་ཐོག་བོད་མི་དམར་གསོད་དང༌། འཛིན་བཟུང་བཙོན་འཇུག སྡུག་སྦྱོང་མནར་གཅོད་བཏང་དང་གཏོང་བཞིན་པ་རྣམས་ལ་ངོ་རྒོལ་དང༌། དེ་རིགས་འཕྲལ་དུ་མཚམས་འཇོག་དགོས་པ་མ་ཟད། མི་ལོ་དྲུག་ཅུ་མ་ཟིན་ཙམ་གྱི་རིང་བོད་མི་རྣམས་ཀྱིས་བདེ་སྡུག་རིམ་ཞུས་ལ་ཁྲིམས་མཐུན་ཉན་འཇོག་དང་དཀའ་སེལ་ལག་བསྟར་ཐུབ་ཆེད་བོད་དོན་རྒྱབ་སྐྱོར་བ་ཡོངས་ཀྱིས་བདེན་རྒྱབ་དཔུང་རོགས་དང༌། རྒྱ་གཞུང་ནས་ཀྱང་དེ་ལུགས་ལག་བསྟར་ངེས་པར་དགོས་པའི་དགོས་འདུན་ཤུགས་ཆེར་འདོན་རྒྱུ་ཡིན།
བོད་མི་མང་སྤྱི་འཐུས་ལྷན་ཚོགས་ནས་ ༢༠༠༩ ཟླ་ ༡༠ ཚེས་ ༢༢ ལ།།