ཁ་བྲལ་དང་འབྲེལ་བའི་གླུ་གཞས་རེད་ཟེར།
རྒྱ་ནག་གཞུང་གི་སྤེལ་བའི་གསལ་བསྒྲགས་དེ་ནག་ཤོད་སད་མིའི་བོད་བསྒྱུར་བྱས་ཏེ་འདི་གར་མཁོ་སྤྲོད་བྱས་པའི་ནང་འཁོད་དོན།
གཞིས་རྩེ་ས་ཁུལ་གཏིང་སྐྱེས་རྫོང་སློབ་འབྲིང་གི་གསལ་བརྡ།
དགེ་སློབ་ཡོངས་ལ་ཞུ་རྒྱུར།
ས་ཁུལ་སློབ་གསོ་ཅུས་བཀའ་མངགས་ལྟར།
ཁ་བྲལ་བའི་འཐབ་རྩོད་ཀྱི་རྙོག་འཛིང་རང་བཞིན་དང་ཟུང་དུ་འབྲེལ་བའི་གཤམ་འཁོད་གླུ་གཞས་འདི་རྣམས་བདེ་ཐང་གི་རྣམ་པ་མེད་པས།
སློབ་གྲྭའི་དགེ་སློབ་ཡོངས་ཀྱིས་གླུ་གཞས་འདི་དག་གཏོང་ཉན་བྱ་རྒྱུ་མེད། དེ་དག་ནི་༼ བདེ་སྐྱིད་ཀྱི་ཤམ་བྷ་ལ་༽ དང་། ༼ རེ་སྒུག༽ ༼ རེ་སྒུག—བླ་སློབ་ཆེད་སྒྲིག༽ ༼གངས་ཕྲུག་གི་རེ་སྨོན་༽ ༼བཀའ་དྲིན་༽ ( བོད་གཞས་སྤྱིན་ཤོག) ༼ཚོན་མདངས་སྣ་ལྔའི་ཀླུང་རྟ ་༽ (བོད་གཞས་སྤྱིན་ཤོག ) ༼གངས་རིའི་བུ་༽ ( བོད་གཞས་སྤྱིན་ཤོག) ༼མེ་ཏོག་པད་མའི་བརྩེ་བ་༽ (བོད་གཞས་སྤྱིན་ཤོག) ༼ཕྱེ་ལེབ་ཀྱི་གཤོག་པ་༽ ༼ཞི་བདེའི་མཚམས་སྤྲིན་༽ ༼བུ་མོ–ང་ཁྱོད་ལ་དགའ་༽༼བུ་མོ–རེ་སྒུག༽ ༼བཙན་པོའི་ཕོ་ཉ་༽ ༼འབྱོར་ཕྱུག་གི་གནམ་མཚོ་ཕྱུག་མོ་༽ ༼རེ་བ་༽ ༼རྒྱང་རིང་གི་གཅེན་པོ་༽ ༼ངོ་མཚར་གྱི་གངས་ལྗོངས་༽ ༼དགའ་རོགས་༽ ༼རེ་སྒུག་གི་སྨོན་པ་༽ ༼དུས་འཁོར་དབྱངས་ཅན་༽ ༼ཞི་བདེའི་ཉི་ཟེར་༽ ༼སྒྲ་དབྱངས་ལྷང་ལྷང་༽ ༼མི་ཚེའི་མདུན་ལམ་༽ སོགས་ཀྱི་འཁོར་ལེབ་འདི་ཚོ་རེད།
དེ་དང་མཉམ་དུ་དགེ་སློབ་ཡོངས་ནས་ལག་ཐོགས་ཁ་པར་ནང་དུའང་གླུ་གཞས་འདི་དག་ཡོད་མི་ཆོག ཅི་སྟེ་ལག་འཁྱེར་ཁ་པར་ནང་གླུ་གཞས་འདི་ཚོ་ཡོད་ཚེ།
རང་འགུལ་ངང་སོ་སོ་ནས་གསུབ་དགོས་ལ་ཁྲིམས་འགལ་གྱི་སྤྱིན་ཤོག་དང་འཁོར་ཐག་ཡོད་ན་རང་འགུལ་ངང་མེད་པར་བཟོ་དགོས། སློབ་གྲྭའི་ཨུ་ལྷན་ཁང་དང་སློབ་སྟོན་ཁྲུའུ། ཐང་ཀྲི་པུའུ་རྩ་་འཛུགས་སྡེ་ཁག་སོགས་ཀྱིས་གཙང་བཤེར་བྱས་ཏེ་གོང་བརྗོད་ཀྱི་ཁྲིམས་འགལ་གླུ་གཞས་གཏོང་ཉན་བྱ་མཁན་ཚོ་ཁྲིམས་ཆད་ནན་པོ་གཅོད་རྒྱུ། གལ་ཏེ་སློབ་ཕྲུག་ཚོས་གོང་གི་གླུ་གཞས་འདི་དག་བཏང་བ་ཡིན་ཚེ་འཛིན་གྲྭའི་འགན་འཛིན་གྱིས་འགན་འཁུར་གྱི་འོས་འགན་ལ་རྩད་གཅོད་བྱ་རྒྱུ།
ཆེད་དུ་སྤེལ་བའི་བརྡ་སྦྱོར།
གཏིང་སྐྱེས་རྫོང་སློབ་འབྲིང།
༢༠༡༠ ལོའི་ཟླ་བ ༤ པའི་ཚེས ༢༡ ལ།
བསྒྱུར་པ་པོའི་མཆན། (སྤྱིན་ཤོག་ཁ་ཤས་ཀྱི་མིང་སྒྱུར་ཏག་ཏག་བསྡད་ཡོད་མེད་མི་ཤེས་པས་ཀློག་པ་པོ་ཚོས་འོད་ཟེར་པོད་ཁུག་ལས་མ་ཡིག་རང་ལ་རྩ་འཛིན་བྱེད་རོགས།)
{jcomments on}