ཁམས་རྟའུ་རུ་འཁྲུངས་སྐར་དུས་ཆེན་སྲུང་བརྩི།

མཛད་སྒོའི་སྐབས་རྟའུའི་གླུ་པ་གླུ་མ་རྣམས་ཀྱིས་༧གོང་ས་མཆོག་ལ་བསྟོད་གཞས་ཕུལ་བ་དང་། གཞོན་སྐྱེས་དང་རྒན༌རབས་འདྲེས་མས་ཞབས་བྲོ་དང་རྟའུའི་གནའ་གྲོས་མགུར་ཞེས་པ་འཁྲབ་འདུག སྐྱེས་པ་ཚོས་རྟ་རྒྱུགས་མདའ་འཕེན་སོགས་རྩེད་སྣ་འདྲ་མིན་སྣ་ཚོགས་བརྩེས་འདུག་པ་དྲ་ཐོག་ནས་ཤེས་གསལ་བྱུང་བ་དང། དེ་ཡང་༧གོང་ས་མཆོག་ལ་བསྟོད་གཞས་ཕོ་བྲང་དམར་པོ་ཞེས་པ་འཁྲབ་འདུག གཞས་ཚིག་དེའི་དུམ་བུ་ཞིག་བཀོད་ན། བསོ་ཕོ་བྲང་དམར་པོ་ཨེ་འདྲ་ཡ་མཚན་ཆེན་པོ་ལོ།། བསོ་ཐམས་ཅད་མཁྱེན་པ་མཇལ་ཁ་གཏོང་རོགས་གནང་དང་།། ཡར་ལ་འབུལ་རྒྱུ་བསོད་ནམས་ཁ་བཏགས་ལ་ཡིན་པས།། མར་ལ་གནང་རྒྱུ་ཆོས་ཀྱི་དངོས་གྲུབ་ལ་ཡིན་པས།། ཆོས་ཀྱི་དངོས་གྲུབ་རང་གི་སེམས་ལ་ནི་ཕན་ཡོད།། རང་སེམས་སྐྱིད་པའི་དགའ་བའི་རྡུང་བྲོ་ལ་འཁྲབ་ཡོད།། སོགས་སྔོན་ཆད་མའུ་ཆོས་མཛད་བློ་བཟང་དཔལ་ལྡན་ཟེར་བའི་སྤྱི་ལོ་༡༨༨༩ ཙམ་ནས་ཕེབས་པ་ཁོང་གིས་བརྩམས་པའི་གྲགས་ཅན་གྱི་ཞབས་བྲོ་འདི་ད་ལོའི་སྐུའི་འཁྲུངས་སྐར་དུས་ཆེན་གྱི་ཉིན་མོར་འཁྲབ་འདུག ༢༠༠༨ ལོའི་མི་མང་སྒེར་ལངས་ཆེན་མོ་དེའང་རྒྱ་ནག་གིས་བཤད་པ་ལ་ཕུག་གི་སྐུལ་སློང་བྱེད་མཁན་གཙོ་བོ་དེ་རྟའུའི་ནང་ཡོད་ཅེས་དོགས་པ་ཆེན་པོ་བྱེད་ཀྱི་ཡོད་རེད་ཟེར། ལར་རྟའུ་ཉི་མ་གྲགས་པ་ཆེ་བས་སྐུ་སྲོག་བོད་མི་མང་གི་ཆེད་དུ་བློས་བཏང་ཚར་བ་དང་། ཡང་གཅིག་བཞད་ཉི་མ་གྲགས་པ་ཁོང་ད་ལྟ་བཙོན་ཁང་དུ་ཡོད། ད་དུང་རྟའུ་བསྟན་སྐྱོང་ཆབ་སྲིད་དཀའ་ངལ་གྱི་དབང་གིས་རང་སྲོག་གཅོད་དགོས་ཐུག་ཡོད་ཁོང་ཚོ་གསུམ་ནི་རྟའུ་ཉ་མཚོ་དགོན་པའི་གྲྭ་བ་ཡིན་ཞིང་རྒྱལ་གཅེས་དཔའ་བོ་ཞེ་གཅིག་ཡིན་ཞེས་འཁོད་འདུག།

{jcomments on}