བོད་ཀྱི་ཆོས་བརྒྱུད་ཆེན་མོ།
འདིར་རྡེབ་གནོན་གནང་ན་བརྙན་གཞས་གཟིགས་ཐུབ།
སངས་རྒྱས་ཆོས་དང་གཡུང་དྲུང་བོན་གྱི་ཆོས།།
རིས་སུ་བཅད་དེ་དགྲ་རུ་མ་འཛིན་དང་།།
གངས་རིའི་ལྗོངས་ཀྱི་མེས་པོ་རྣམ་གཉིས་ཡིན།།
འཚེ་མེད་ཞི་བའི་ཐབས་ལམ་གཅིག་མཚུངས་རེད།།
བོན་དང་བན་དེ་དགེ་འདུན་འདུས་པའི་ཚོགས།།
ཁ་བ་ཅན་གྱི་ཆོས་གྲོགས་རྣམ་པ་གཉིས།།
གདོང་དམར་བོད་པ་ཚང་གི་ཁྱིམ་རྒྱུད་ཅིག །
ལ་རྒྱའི་དཀྱིལ་འཁོར་གཅིག་ལ་མཉམ་དུ་བསྟེན།།
ལ་རྒྱའི་དཀྱིལ་འཁོར་གཅིག་ལ་མཉམ་དུ་བསྟེན།།
བོན་དང་བན་ཞེས་ཕན་ཆུན་དགྲར་འཛིན་ན།།
ཆོས་དང་མི་མཐུན་བོད་ཀྱི་ལས་དབང་བརླག །
བོད་ཀྱི་མདུན་ལམ་མཐུན་འབྲེལ་ལག་རྡང་གཙོ།།
བོད་ལ་བསམ་ན་མིག་རྒྱང་རིང་ཙམ་གནང།།
གཡུང་དྲུང་བོན་དང་ས་དགེ་བཀའ་རྙིང་བཅས།།
ཁ་བ་ཅན་གྱི་བཀའ་རྟགས་ཕྱག་རྒྱ་ལྔ།།
བོད་མིའི་ལས་དབང་ཇི་ཙམ་གནས་པའི་བར།།
ཆོས་བརྒྱུད་འདི་རྣམས་ཡུན་ཏུ་བརྟན་པར་ཤོག །
ཆོས་བརྒྱུད་འདི་རྣམས་ཡུན་ཏུ་བརྟན་པར་ཤོག །