རིག་པའི་གསང་ཁར་ཡིབ་པའི་ཚོར་སྣང་ཐོར་བུ།།
འུར་གྱིས་སྒྲོན་པའི་མིང་བྱང་སྤྱི་ཚོགས་བཙོང་།
འདོད་བརྔམ་མིག་ཟུང་ཆོ་ལོའི་སྤོ་ལ་འཁྱུད།།
མཇུག་མ་དྲུད་པའི་ཁྱི་སྤྱང་གྲོང་མཐའ་ནས།།
སྦྱིན་བདག་ངོ་སོར་བསྟོད་པའི་འཁྲབ་ཚན་གང་།
ཤ་རུས་ཁྲག་གིས་བཞེངས་པའི་ཕ་མེས་སྐད།།
རི་མོའི་ཟོལ་གྱིས་བདག་མེད་རི་ལུང་འཁྱམ།།
གད་སྙིགས་ནང་འདྲེན་བྱས་པའི་རྫོབ་དོང་ནང་།
འབྱོར་བའི་གཡང་སར་འགྲིམ་པའི་ཁྱིམ་གཞིས་གང་།
ཁ་གཡང་གཏམ་གྱིས་རྐང་རྡུལ་ཐལ་བ་འགམ།།
ངོ་ལྤགས་ལྕགས་ཀྱིས་བརྔན་པའི་ལྐོག་གཡོར་བཤམས།།
མང་མོའི་ཁྲག་རིན་ཟོས་པའི་བྱད་ཀ་ཡིས།།
རིན་ཐང་ས་རྡོར་འདྲེས་བའི་ནག་རིལ་གང་།
རྩམ་ཁུག་བོར་བས་ཕ་ཟས་བྲོ་བ་བརླག།
རྨི་ལམ་འགྲིམས་ཏེ་ཕ་མ་མིག་ནས་བོར།།
སྒྱུ་མའི་དེང་རབས་ཨ་གསར་དམ་གྱིས་འཁྱུད།།
ལག་སྟོང་བྲང་ལ་བཀལ་བའི་མདོ་མེད་གང་།
ཕྱི་ལོ་༢༠༡༠།༩།༡༠ཉིན་སྤེལ།