ངས་མ་རྙེད
སུན་སྣང་གི་འཁུན་སྒྲ་དེ་སིམ་མེར་གྱི་དབྱིངས་སུ་མཆེད་།
རྙོག་འཛིང་གི་ཁྲ་ལམ་དུ་སེམས་ཆུང་གིས་གཞི་རྟེན་འཚོལ།
འཚོལ་རྟེན་ཡ་འཚོལ་རྟེན་་་་་་་་་་་ང་ཁྱོད་ལ་དགའ།།
ངོ་གདོང་གི་རི་མོ་དེ་སེམས་ཁྱོད་ཀྱི་གསང་མྱུལ་གོ།
གྲགས་ཚོད་ཀྱི་མཚོན་མིན་སྐྱོ་ངལ་གྱི་དུར་ཁར་བསྐྱུར།
ཡིད་ཆེས་ཡ་ཡིད་ཆེས་་་་་་་་་་་་་ཁྱོད་འཚོལ་ཨེ་ཡོད།།
ཁྱོད་ང་ཡི་སྙན་ངག་གི་སློབ་དཔོན་དང་ངེས་འབྱུང་གི་ཕ་མ།
ཁྱོད་ང་ལ་སྐྱོ་སྣང་ཞིག་མ་སྟེར་ན་ངས་རྡོག་འགྲོས་གང་དུ་རྒྱག།
ངོ་མ་ཁྱོད་དྲིན་ཅན་ཡིན།།
ངུ་མ་དགོད་ཀྱི་སྐད་ཆ་དེ་ཁྱོད་ལ་མི་ཚོར་སྐམ་དུ་་གནས།
ངས་མི་ཤེས་པ་ནི་ངོ་མ་མི་ཤེས་པ་ཡིན།
མིག་བཙུམས་ནས་འཆོངས་དགོས་སམ།
ཧོ་་་་ང་དྲང་བདེན་ལ་དགའ་སྟེ་དེས་ལྷོད་མེད་གཏིང་གི་སྤྲོ་སྣང་སྦྱིན།།
