༸གོང་ས་མཆོག་གི་གསུང་འཕྲིན་ཉམ་ལེན་ཞུ་ཕྱོགས་ལས་འཆར་ཚོགས་ཆུང་ གི་སྙན་ཐོ།
གཞིས་བྱེས་བོད་མི་ཡོངས་ཀྱི་བློ་ཡུལ་དུ་ཤོང་དཀའ་བའི་གསུང་འཕྲིན་རིན་པོ་ཆེའི་ ནང་ བྱབྱད་ཆ་རང་རེའི་མང་གཙོའི་འཕེལ་རིམ་ཡོངས་སུ་རྫོགས་པའི་ཆེད་དུ་ྋརྒྱལ་བ་རིན་ པོ་ཆེས་བོད་ཀྱི་ཆབ་སྲིད་ཀྱི་འགན་ཁུར་མ་དགོས་པར་མི་མང་གིས་འོས་འདེམས་བྱས་ པའི་འགོ་ཁྲིད་སོ་སོས་ཆབ་སྲིད་ཀྱི་དབང་ལུང་ཡོངས་རྫོགས་འགན་ཁུར་བྱེད་དགོས་ པའི་དུས་ལ་བབས་ཡོད།བྱབྱ ཅེས་དང༌། ཡང་ བྱབྱདཻར་བརྟེན་ད་ལམ་བཅའ་ཁྲིམས་བསྐྱར་བཅོས་སྐབས་བཅའ་ཁྲིམས་ཀྱི་སྒྲོམ་གཞི་ལ་ འགྱུར་བ་བཏང་ནས་ཆབ་སྲིད་དང་འཛིན་སྐྱོང་གཉིས་ཀའི་འགོ་ཁྲིད་མང་ཚོགས་ཀྱིས་འོས་ འདེམས་བྱས་པའི་མི་སྣས་དུས་ཡུན་ངེས་ཅན་དུ་བྱ་རྒྱུའི་ཆ་རྐྱེན་བསྐྲུན་ཏེ་བཅའ་ ཁྲིམས་ཡུལ་མིའི་རྒྱལ་ཁབ་ཀྱི་སྒྲོམ་གཞི་དང་མཐུན་པ་ཞིག་ངེས་པར་བཟོ་དགོས་ཤིང༌། དེའི་འོག་རྗེས་འབྲེལ་དོན་ཚན་གཞན་དག་དང༌། ཁྲིམས་སྒྲིག་གཞན་ཁག་བསྐྱར་བཅོས་བྱ་རྒྱུའི་ཆེད་ཚོགས་ཆུང་ཟུར་འཛུགས་སམ་ལས་ རིམ་ཇི་དགོས་ཚོགས་དུས་འདི་རང་དུ་གཏན་འབེབས་ལག་བསྟར་ངེས་པར་དུ་ཐུབ་པ་དགོས་ རྒྱུ།བྱབྱ ཞེས་དང༌། ཡང་ བྱབྱབོད་དོན་བདེན་མཐའ་མ་གསལ་བར་བཙན་བྱོལ་བོད་མྀའི་སྒྲིག་འཛུགས་འདི་རྒྱུན་ གནས་ཐུབ་པ་དང༌། བོད་མིའི་དྲང་བདེན་གྱི་འཐབ་རྩོད་རྒྱུན་སྐྱོང་ཐུབ་པ་ཞིག་དགོས་གལ་ཤིན་ཏུ་ཆེ་ ཞིང་བྱབྱ ཞེས་ཕེབས་པ་མ་ཟད། སྐབས་ ༡༤ པའི་བོད་མི་མང་སྤྱི་འཐུས་ལྷན་ཚོགས་ཀྱིས་ྋགོང་ས་མཆོག་ལ་བོད་མིའི་ཆབ་སྲིད་ ཀྱི་དབུ་ཁྲིད་སྔར་བཞིན་རྒྱུན་སྐྱོང་ཡོང་བའི་གསོལ་འདེབས་གྲོས་ཆོད་ཀྱང་དགོངས་ བཞེས་མ་གནང་བར་ཕྱིར་སློག་གནང༌། དེ་མཚུངས་འདི་ཟླའི་ཚེས་ ༡༩ སྔ་དྲོ་ཆོ་འཕྲུལ་སྨོན་ལམ་ཆེན་མོའི་གསུང་ཆོས་སྐབས་སླར་ཡང་བཀའ་སློབ་གསུང་གི་ བདུད་རྩི་ཟབ་ནན་ཕེབས་པ་བཅས་ལ་བརྟེན། ད་ཆ་གསུང་འཕྲིན་ཇི་ཕེབས་ཀྱི་དགོངས་དོན་རྣམས་ཉམས་ལེན་ལག་བསྟར་ཞུ་རྒྱུ་ལས་མ་ འདས་ཤིང༌། ྋགོང་ས་མཆོག་གི་གསུང་འཕྲིན་ནང་ བྱབྱངོས་ཀྱི་སྲིད་དབང་རྩིས་སྤྲོད་བྱ་རྒྱུའི་བསམ་ཚུལ་འདི་འགན་ཁུར་བྱེད་འདོད་ མེད་པ་དང༌། སེམས་ཤུགས་ཆག་པ། བོད་མིའི་བདེན་དོན་འཐབ་རྩོད་བློས་བཏང་བ་ཞིག་གཏན་ནས་མ་ཡིན་པར་བོད་མིའི་འཕྲལ་ ཕུགས་ཀྱི་ཁེ་ཕན་ཁོ་ནའི་ཆེད་དུ་དམིགས་པ་ཞིག་ཡིན།བྱབྱ ཞེས་གསུངས་པ་ལྟར། ད་རེས་སྐབས་ ༡༤ པའི་གྲོས་ཚོགས་ཀྱིས་བཀའ་དགོངས་ཉམས་ལེན་ཞུ་རྒྱུ་བསོད་བདེ་དམན་པ་ཞིག་ཏུ་མི་ བརྩི་བར་བྱུང་རབས་ཀྱི་དོན་སྙིང་ལྡན་པའི་གོ་སྐབས་ཤིག་ཏུ་བརྩིས་ཏེ།
ཀ༽ ཕྱོགས་གཅིག་ནས་ྋགོང་ས་མཆོག་གི་བཀའི་ཕེབས་སྒོ་གཞིར་བཟུང་བཅའ་ཁྲིམས་རིན་པོ་ ཆེའི་སྒྲོམ་གཞི་ལ་འགྱུར་བ་གཏོང་བའི་བསྐྱར་བཅོས་དང་འབྲེལ་འོས་འདེམས་བྱས་པའི་ འགོ་ཁྲིད་རྣམས་ཀྱིས་ཆབ་སྲིད་དང་འཛིན་སྐྱོང་གཉིས་ཀའི་འགན་ཁུར་ཆ་ཚང་ཐུབ་པའི་ ཆ་རྐྱེན་བསྐྲུན་རྒྱུ་དང༌།
ཁ༽ དེ་དང་ཆབས་ཅིག་ཕྱོགས་གཞན་ནས་གསུང་འཕྲིན་རིན་པོ་ཆེའི་ནང་ བྱབྱངོས་རང་བོད་ཀྱི་ཡུལ་མི་ཞིག་ཡིན་པ་དང༌། བོད་མི་རིགས་དང་རྒྱལ་དབང་སྐུ་ཕྲེང་དབར་ལས་སྨོན་གྱི་འབྲེལ་བའི་དབང་གིས་རྒྱ་ ཆེའི་མང་ཚོགས་ཚང་མའི་ཡིད་ཆེས་བློ་གཏད་ཡོད་པ་དེ་སྲིད་དུ་ངོས་ནས་བོད་ཀྱི་ བསྟན་སྲིད་སྤྱི་དོན་ཡལ་བར་འདོར་མི་སྲིད་ཅིང༌།བྱབྱ ཞེས་པའི་ཞལ་བཞེས་བཟང་པོ་ལ་འཁྲིལ་ཏཻ་ྋགོང་ས་ྋསྐྱབས་མགོན་སྐུ་ཕྲེང་བཅུ་བཞི་པ་ ཆེན་པོ་མཆོག་གིས་གཞིས་བྱེས་བོད་རིགས་ཡོངས་ཀྱི་བླ་ན་མེད་པའི་སྐྱབས་མགོན་དང༌། བླང་དོར་ལམ་སྟོན་པའི་མཛད་ཁུར་རྒྱུན་སྐྱོང་ཡོང་བའི་གསོལ་འདེབས་ཞུ་རྒྱུའི་ བརྒྱུད་ལམ་གསར་པ་ཞིག་འཚོལ་ཐུབ་པའི་ཐབས་ཤེས་གནང་དགོས་པའི་རྒྱབ་གཉེར་ཞུ་རྒྱུ་ ཡིན།
ཀ༽ བཅའ་ཁྲིམས་བསྐྱར་བཅོས་ཞུ་ཕྱོགས་ཐད། གསུང་འཕྲིན་རིན་པོ་ཆེའི་དགོངས་དོན་བཞིན་ྋགོང་ས་མཆོག་གི་སྐུ་དབང་དང་མཛད་འགན་ ཁག་ཁྲིམས་ཞིབ་པ་དང༌། བཀའ་བློན་ཁྲི་པ། སྤྱི་འཐུས་གྲོས་ཚོགས། སྤྱི་འཐུས་ཚོགས་གཙོ་བཅས་ལ་གང་ལ་ཇི་འོས་ཆ་བགོས་དང༌། སྡེ་སྲིད་ལྷན་ཚོགས་ཀྱི་ཆ་རྐྱེན་ཁག་ཕྱིར་བསྡུ་བྱ་རྒྱུ། སྔོན་གླེང་དང༌། ྋགོང་ས་མཆོག་གི་སྐོར་དོན་ཚན་གཅིག་གསར་སྣོན་བྱ་རྒྱུ། དེ་དང་ཆབས་ཅིག་བཙན་བྱོལ་སྒྲིག་འཛུགས་རྒྱུན་གནས་ཡོང་སླད་ད་ལན་བསྐྱར་བཅོས་ འདི་མཉམ་ཡུལ་ཁྲིམས་དང་སྲིད་དོན་གྱི་ཐོག་ནས་འབྱུང་འགྱུར་སྐུ་ངལ་འཕྲད་གཞིའི་ མིང་ཚིག་རེ་ཟུང་ཡོད་པ་རྣམས་ཀྱང་ཆབས་ཅིག་བསྐྱར་བཅོས་ཐུབ་ན་བཀའ་དགོངས་དང་ མཐུན་པ་ཡོང་རྒྱུ། བཅའ་ཁྲིམས་བསྐྱར་བཅོས་མཛད་ཕྱོགས་སྐོར་རགས་ཟིན་ཟུར་འཛར་དང་པོར་ཕུལ་ཡོད།
ཁ༽ ྋགོང་ས་ྋསྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གིས་བོད་རིགས་ཡོངས་ཀྱི་ བླ་ན་མེད་པའི་སྐྱབས་མགོན་དང་བླང་དོར་ལམ་སྟོན་པའི་མཛད་ཁུར་རྒྱུན་སྐྱོང་ཡོང་ བའི་གསོལ་འདེབས་ཞུ་རྒྱུ་དང༌། གཞི་རྩའི་བཅའ་ཁྲིམས་བསྐྱར་བཅོས་ཐོག་གཞི་རིམ་མང་ཚོགས་ཀྱི་བསམ་ཚུལ་བསྡུ་ རྒྱུའི་ཆེད་དམིགས་བསལ་ཚོགས་ཆེན་ཞིག་གམ། བོད་གཞུང་མང་རྒྱལ་ཡོངས་ཚོགས་ཆེན་ཐེངས་གཉིས་པ་ཞིག་སྐབས་ ༡༤ པའི་སྤྱི་འཐུས་ལས་དུས་མ་རྫོགས་གོང་བསྡུ་བསྐོང་ཐོག སྐབས་ ༡༥ པའི་སྤྱི་འཐུས་འོས་འདེམས་གསལ་བསྒྲགས་ཐོན་པ་རྣམས་ཀྱང་མཉམ་ཞུགས་ཀྱིས་མང་ཚོགས་ དང་ལྷན་དུ་བཅའ་ཁྲིམས་བསྐྱར་བཅོས་ཀྱི་ཚིག་བརྗོད་རྣམས་བགྲོ་གླེང་མཐིལ་ཕྱིན་ གནང་སྟེ། མོས་མཐུན་བྱུང་མཚམས་ྋགོང་ས་མཆོག་ལ་བཅའ་ཁྲིམས་བསྐྱར་བཅོས་ཟིན་བྲིས་སྤྱན་ཞུ་ དང་འབྲེལ་གསོལ་འདེབས་ཨུ་ནན་ཞུ་རྒྱུ། སྔོན་གླེང་དང༌། དོན་ཚན་དང་པོ་གསར་བཅུག་གི་རགས་ཟིན་ཟུར་འཛར་གཉིས་པར་ཕུལ་ཡོད།
ྋགོང་ས་མཆོག་གིས་ཞལ་བཞེས་བྱུང་མཚམས་སྐབས་ ༡༤ པའི་སྤྱི་འཐུས་ཀྱི་གྲོས་ཚོགས་འཕར་མ་ཞིག་གམ། ཡང་ན་སྐབས་ ༡༥ པའི་སྤྱི་འཐུས་དམ་འབུལ་ཟིན་འཕྲལ་ཚོགས་དུས་འཕར་མ་ཞིག་ཚོགས་ཏེ་བཅའ་ཁྲིམས་ བསྐྱར་བཅོས་ཡོངས་རྫོགས་སྤྱི་མོས་ཀྱི་ཐོག་ནས་གཏན་འབེབས་ཡོང་ཐབས་གནང་རྒྱུ་ དང༌། གཏན་འབེབས་ཟིན་འཕྲལ་ྋགོང་ས་ྋསྐྱབས་མགོན་ཆེན་པོར་ཆོག་མཆན་ཞུས་རྗེས་རྩ་འཛིན་ གནང་རྒྱུ།
ཡང་ན། བཅའ་ཁྲིམས་བསྐྱར་བཅོས་ཀྱི་ཟིན་བྲིས་སྐབས་ ༡༤ པའི་གྲོས་ཚོགས་ནས་མོས་མཐུན་བྱུང་བ་དེ་དག་ས་གནས་འཐུས་ཚོགས་དང༌། རང་བདེན་ཚོགས་ཆུང༌། བོད་རིགས་སྤྱི་མཐུན་ཚོགས་པ་སོགས་བརྒྱུད་འགྲེམས་སྤེལ་གྱིས་མང་ཚོགས་ཀྱི་བསམ་ ཚུལ་བསྡུ་རུབ་གནང་རྒྱུ་ཇི་དགེའི་བཀའ་བསྡུར་གྱིས་གདམ་ཁ་གང་ཡང་རུང་བ་ཞིག་ལ་ གཏན་འབེབས་ཀྱིས་ཚོགས་ཆུང་བསྐོ་འཛུགས་ཀྱིས་མཚོན་ལས་འཆར་གང་ཡིན་འཕྲལ་དུ་འགོ་ འཛུགས་གནང་རྒྱུ།
གལ་གནད་ཆེ་ཤོས་ནི་བཅའ་ཁྲིམས་བསྐྱར་བཅོས་ཀྱི་ཟིན་བྲིས་རགས་པ་ཙམ་ད་ལན་ཚོགས་ དུས་འདི་ཐོག་ཐུགས་གཏན་འཁེལ་བ་དགོས་གལ་ཆེ་བ་མ་ཟད། མཐའ་མའི་གཏན་འབེབས་སྤྱི་འཐུས་སྐབས་ ༡༤ དང་ ༡༥ སུས་གནང་རྒྱུའི་ཐག་གཅོད་ཀྱིས་གང་ལྟར་ ༢༠༡༡ ཕྱི་ཟླ་ ༦ པའི་ཚེས་ཤར་ལ་བཅའ་ཁྲིམས་བསྐྱར་བཅོས་ལས་རིམ་གྲུབ་པ་གནང་གལ་ཆེ་བ་བཅས་ཀྱི་ རྒྱབ་གཉེར་སྙན་ཞུར། ལས་འཆར་ཚོགས་ཆུང་ཐུན་མོང་གིས་ཕྱི་ལོ་ ༢༠༡༡ ཟླ་ ༣ ཚེས་ ༢༣ ལ་ཕུལ།།
༡། བཀའ་བློན་ཁྲི་པ་ཟམ་གདོང་བློ་བཟང་བསྟན་འཛིན། ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
༢། བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ། ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
༣། བོད་མི་མང་སྤྱི་འཐུས་ཆབ་བྲག་ལྷ་མོ་སྐྱབས། ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
ཟུར་འཛར་དང་པོ།
བཅའ་ཁྲིམས་བསྐྱར་བཅོས་ཞུ་ཕྱོགས་ཐད།
ད་ ལྟའི་བཅའ་ཁྲིམས་ནང་ྋགོང་ས་ྋསྐྱབས་མགོན་ཆེན་པོ་མཆོག་གི་མཚན་གནས་དང་རྗེས་སུ་ འབྲེལ་བའི་དོན་ཚན་ ༣༩ ཡོད་པ་རྣམས་ཀྱི་ནང་ནས་གལ་གནད་ཆེ་ཤོས་དོན་ཚན་ ༡༩ པ་ཡིན་པ་དེ་དག་བསྐྱར་བཅོས་ཀྱིས་གཞུང་གི་འགན་འཛིན་དབང་ཆ་བཀའ་བློན་ཁྲི་པར་ ཡོད་ཅིང༌། བཀའ་བློན་ཁྲི་པས་བཅའ་ཁྲིམས་འདིའི་དོན་ཚན་ཁག་གཞིར་བཟུང་ཐད་ཀར་རམ་གཤམ་འོག་ འགན་ཁུར་སྲི་ཞུ་བ་བརྒྱུད་དབང་ལུང་ཁྱབ་བསྒྱུར་བྱ་རྒྱུ། ཁྱད་པར་བཀའ་བློན་ཁྲི་པས་འཛིན་སྐྱོང་འགན་འཛིན་གྱི་འགན་དབང་ཐོག་ནས།
༡༽ སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་ཁྲིམས་ཡིག་འཆར་གཞི་དང་སྒྲིག་ གཞི་ཁག་ལ་མོས་མཐུན་དང་གསལ་བསྒྲགས།
༢༽ བྱས་རྗེས་གཟེངས་རྟགས་དང༌། གོ་མིང་བདག་རྐྱེན།
༣༽ དགོས་གལ་ནམ་བྱུང་ལ་སྤྱི་འཐུས་ལྷན་ཚོགས་སུ་ལས་དོན་སྙན་ཞུ་དང༌། གཏམ་བཤད། གསལ་བཤད་བྱ་རྒྱུ་བཅས་ལས། དེ་འཕྲོས་ཁྲིམས་ཀྱི་ནུས་ཤུགས་ལྡན་པའི་ཁྲིམས་ཡིག་དང༌། བཀའ་རྩ་ཁྱབ་བསྒྲགས། སྤྱི་འཐུས་ལྷན་ཚོགས་ཀྱི་ཚོགས་འདུ་འཕར་འགྱངས་དང༌། གྲོལ་བ། བསྡུ་བསྐོང༌། སྤྱི་འཐུས་ལྷན་ཚོགས་འཕོ་འགྱུར་དང་ལས་དོན་བར་མཚམས་འཇོག་པ། བཀའ་ཤག་དང་བཀའ་བློན་སུ་རུང་འཕོ་འགྱུར། ཛ་དྲག་དང་གལ་ཆེའི་དམིགས་བསལ་ཚོགས་འདུ་བསྡུ་བསྐོང༌། དོན་གནད་གལ་ཆེ་འགའ་རེའི་སྐོར་ལ་བཅའ་ཁྲིམས་གཞི་བཟུང་མང་མོས་ཐག་གཅོད་འོས་ བསྡུ་བྱེད་འཐུས་ཀྱི་བཀའ་རྩ་ཁྱབ་བསྒྲགས་བསྩལ་རྒྱུ་བཅས་ཕྱིར་བསྡུ་བྱ་རྒྱུ།
དོན་ཚན་ ༢༠ དང༌། ༢༡ ༢༢ བཅས་ཀྱི་ཚིག་བརྗོད་ཕྲན་བུའི་བསྐྱར་བཅོས།
དོན་ཚན་ ༢༥ པའི་ནང་གསལ་བཀའ་བློན་རྣམས་ཀྱི་དམ་འབུལ་ཆེས་མཐོའི་ཁྲིམས་ཞིབ་ཁང་གི་ཁྲིམས་ ཞིབ་པ་ཆེ་བའི་མདུན་དུ་བྱ་རྒྱུ།
དོན་ཚན་ ༢༨ པ་ཕྱིར་བསྡུ།
དོན་ཚན་ ༢༩ དང་ ༣༠ པའི་ཚིག་བརྗོད་ཕྲན་བུ་བསྐྱར་བཅོས།
དོན་ཚན་ ༣༡ ནས་ ༣༥ བར་སྡེ་སྲིད་ལྷན་ཚོགས་ཀྱི་ཆ་རྐྱེན་རྣམས་ཕྱིར་བསྡུ།
དོན་ཚན་ ༣༦ པ་ཁྲིམས་ལུགས་དེ་དག་ཁྲིམས་སུ་བཅས་པ་ལ་ྋགོང་ས་ྋསྐྱབས་མགོན་ཆེན་པོའི་ཆོག་མཆན་ ཞུ་དགོས་ཞེས་པའི་ཚབ་ཏུ། ཁྲིམས་ལུགས་དེ་དག་ཁྲིམས་སུ་བཅས་པ་ལ་བཀའ་བློན་ཁྲི་པའི་མོས་མཐུན་མིང་རྟགས་ འགོད་དགོས་ཞེས་པར་བསྒྱུར་རྒྱུ།
དོན་ཚན་ ༣༧ པ་སྤྱི་འཐུས་ལྷན་ཚོགས་ཀྱི་སྒྲིག་འཛུགས་ནང་ ག༽ ཐད་བསྐོས་སྤྱི་འཐུས་ཀྱི་ཆ་རྐྱེན་ཕྱིར་བསྡུ་བྱ་རྒྱུ།
དོན་ཚན་ ༤༠ པ་སྤྱི་འཐུས་ལྷན་ཚོགས་ཀྱི་ཚོགས་འདུ་ཚོགས་ཚེས་དང་དུས་ཡུན་ས་གནས་བཅས་ཚོགས་ གཙོ་དང་སྤྱི་འཐུས་རྒྱུན་ལས་ནས་འཆར་འབུལ་ལ་ྋགོང་ས་ྋསྐྱབས་མགོན་ཆེན་པོ་མཆོག་ ནས་གཏན་འབེབས་མཛད་པ་ལྟར་ཞེས་པའི་ཚབ་ཏུ། སྤྱི་འཐུས་རྒྱུན་ལས་ནས་འཆར་འབུལ་ལ་སྤྱི་འཐུས་ཚོགས་གཙོ་ལྷན་རྒྱས་ཀྱིས་གཏན་ འབེབས་ཞེས་པར་བསྒྱུར་རྒྱུ།
དོན་ཚན་ ༤༡ པའི་ནང་གསེས་ ༡༽ ྋགོང་ས་ྋསྐྱབས་མགོན་ཆེན་པོ་མཆོག་གིས་དགོས་གལ་ནམ་གཟིགས་སམ་ཞེས་པའི་ཚབ་ཏུ། བཀའ་ཤག་དང་སྤྱི་འཐུས་ལྷན་ཚོགས་རྒྱུན་ལས་བཅས་སོ་སོའི་ཚོགས་མི་བརྒྱ་ཆ་ལྔ་བཅུ་ ཡན་གྱི་ཞུ་སྐུལ་བྱུང་ན་ཚོགས་གཙོ་ལྷན་རྒྱས་ཀྱིས་ཚོགས་འདུ་འཕར་མ་བསྡུ་བསྐོང་ བྱ་འཐུས་ཞེས་པར་བསྒྱུར་རྒྱུ་དང༌། དེའི་ནང་གསེས་གཉིས་པ་ཕྱིར་བསྡུ།
དོན་ཚན་ ༤༣ པ་ཕྱིར་བསྡུ།
དོན་ཚན་ ༤༥ པ་ནང་གསེས་ ༢༽ ཚོགས་གཙོ་བགྲེས་གཞོན་གྱི་དམ་འབུལ་ཁྲིམས་ཞིབ་པ་ཆེ་བའམ་ཁྲིམས་ཞིབ་པ་གཞན་གང་ རུང་གི་མདུན་འབུལ་རྒྱུ།
དོན་ཚན་ ༤༩ ནང་གསེས་ ༢༽ པ་ཕྱིར་བསྡུ།
དོན་ཚན་ ༥༢ ནང་གསེས་ ༢༽ པའི་ ཀ༽ པ་ཕྱིར་བསྡུ་དགོས་མིན་གཟིགས་ཞིབ་གནང་རྒྱུ།
དོན་ཚན་ ༥༤ པའི་ནང་ྋགོང་ས་ྋསྐྱབས་མགོན་ཆེན་པོར་སྙན་གསན་ཞུ་དགོས་ཀྱི་དོན་གནད་བྱུང་ན་ ཞེས་པའི་ཚབ་ཏུ། བཀའ་བློན་ཁྲི་པར་གོ་བསྡུར་བྱ་དགོས་ཀྱི་དོན་གནད་བྱུང་ན་ཞེས་པར་བསྒྱུར་རྒྱུ།
དོན་ཚན་ ༥༥ པ་ཁྲིམས་ལུགས་དང་སྒྲིག་གཞི་རྣམས་ཀྱི་འཆར་ཟིན་སྤྱི་འཐུས་ལྷན་ཚོགས་ནས་གཏན་ འབེབས་ཟིན་འཕྲལ་ྋགོང་ས་ྋསྐྱབས་མགོན་ཆེན་པོ་མཆོག་གིས་ཞེས་སོགས་ཀྱི་ཚབ་ཏུ། ཁྲིམས་ལུགས་དང་སྒྲིག་གཞི་རྣམས་ཀྱི་འཆར་ཟིན་སྤྱི་འཐུས་ལྷན་ཚོགས་ནས་གཏན་ འབེབས་ཟིན་འཕྲལ་བཀའ་བློན་ཁྲི་པར་མོས་མཐུན་མིང་རྟགས་འགོད་རྒྱུར་ཕུལ་རྗེས་ལས་ ཉིན་བཅུ་བཞིའི་ནང་ཚུད་བཀའ་བློན་ཁྲི་པའི་མིང་རྟགས་བྱུང་ཚེ་ཁྲིམས་ཡིག་ཏུ་རྩ་ འཛིན་བྱ་རྒྱུ། ཡང་ན་དུས་ཡུན་དེའི་ནང་བཀའ་བློན་ཁྲི་པས་རང་གི་བསམ་འཆར་དང་བཅས་སྤྱི་འཐུས་ལྷན་ ཚོགས་ལ་བསྐྱར་དུ་བསམ་ཞིབ་ཆེད་ཕྱིར་སློག་བྱ་འཐུས། སྤྱི་འཐུས་ལྷན་ཚོགས་ནས་བཀའ་ཁྲིའི་བསམ་འཆར་ལ་བསམ་ཞིབ་ཀྱིས་བསྐྱར་དུ་གཏན་ འབེབས་ཇི་བྱས་ལ་བཀའ་བློན་ཁྲི་པས་མོས་མཐུན་མིང་རྟགས་འགོད་དགོས་ཞེས་པར་ བསྒྱུར་རྒྱུ། དོན་ཚན་དེའི་ནང་གསེས་ ༢༽ དང་ ༣༽ ཕྱིར་བསྡུ།
དོན་ཚན་ ༥༦ པ་ཕྱིར་བསྡུ།
དོན་ཚན་ ༥༧ པ་ྋགོང་ས་ྋསྐྱབས་མགོན་ཆེན་པོས་བཀའ་ཤག་དང༌། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཞེས་སོགས་ཀྱི་ཚབ་ཏུ། བཀའ་བློན་ཁྲི་པས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གསུམ་དང༌། སྤྱི་འཐུས་ལྷན་ཚོགས་ཀྱི་ཚོགས་གཙོ་དང༌། ཚོགས་གཙོ་གཞོན་པ་བཅས་ལ་གོ་བསྡུར་གྱིས་སྤྱི་མོས་བྱུང་ན་སྤྱི་འཐུས་ལྷན་ཚོགས་ གནས་སྐབས་རིང་ལས་དོན་བར་མཚམས་འཇོག་པའམ་འཕོ་འགྱུར་བྱ་འཐུས་ཞེས་པར་བསྒྱུར་ རྒྱུའམ། ཡང་ན་དོན་ཚན་འདི་ཕྱིར་བསྡུ་བྱ་རྒྱུ་ཇི་འགབ་དགོངས་བཞེས་གནང་རྒྱུ།
དོན་ཚན་ ༥༩ པ་རྒྱ་ཆེའི་མང་ཚོགས་ཀྱི་བསམ་གྲོས་བསྡུར་དགོས་ཀྱི་གནས་ཚུལ་བྱུང་སྐབས་ྋགོང་ས་ ྋསྐྱབས་མགོན་ཆེན་པོས་བཀའ་ཁྱབ་བསྩལ་བའམ་ཞེས་སོགས་ཀྱི་ཚབ་ཏུ། བཀའ་ཤག་དང༌། སྤྱི་འཐུས་ལྷན་ཚོགས་ཀྱི་ཚོགས་གཙོ་དང༌། ཚོགས་གཙོ་གཞོན་པ་བཅས་གྲོས་བསྡུར་གྱིས་དམིགས་བསལ་ཚོགས་ཆེན་བསྡུ་བསྐོང་བྱ་ འཐུས་ཞེས་པར་བསྒྱུར་རྒྱུ།
དོན་ཚན་ ༦༣ པ་འདེམས་སྒྲུག་ཚོགས་ཆུང་གིས་ཉིས་ལྡབ་ལས་མ་ཉུང་བའི་འཆར་ཕུལ་ལྟར་ྋགོང་ས་ ྋསྐྱབས་མགོན་ཆེན་པོས་འོས་འཛུགས་གནང་བར་སྤྱི་འཐུས་ལྷན་ཚོགས་ཞེས་སོགས་ཀྱི་ཚབ་ ཏུ། འདེམས་སྒྲུག་ཚོགས་ཆུང་གིས་ཉིས་ལྡབ་ལས་མ་ཉུང་བའི་འཆར་ཕུལ་ལྟར་སྤྱི་འཐུས་ལྷན་ ཚོགས་ཀྱི་འོས་བསྡུའི་ལམ་ནས་མང་མོས་ཐོབ་པ་དེར་ཁྲིམས་ཞིབ་པ་ཆེ་བའམ་ཁྲིམས་ཞིབ་ པར་འོས་ཐོན་བྱུང་བར་ངོས་འཛིན་བྱ་རྒྱུ་ཞེས་པར་བསྒྱུར་རྒྱུ།
དེ་བཞིན་ནང་གསེས་ ༣༽ པ་ཁྲིམས་ཞིབ་པ་ཆེ་བ་དང༌། ཁྲིམས་ཞིབ་གཞན་གཉིས་བཅས་བསྐོ་གཞག་ཞེས་སོགས་ཀྱི་ཚབ་ཏུ། ཁྲིམས་ཞིབ་པ་ཆེ་བ་དང༌། ཁྲིམས་ཞིབ་པ་གཞན་གཉིས་འོས་ཐོན་བྱུང་འཕྲལ་ལས་ཁུར་དུ་མ་ཞུགས་གོང་ཁྲིམས་ཞིབ་པ་ ཆེ་བ་གོང་མའམ་ཁྲིམས་ཞིབ་པ་ཆེ་བའི་ལས་ཚབ་ཀྱི་མདུན་དུ་ཁྲིམས་ལུགས་གཏན་འབེབས་ བྱས་པའི་ཚིག་གཞི་ལྟར་ལས་ཁུར་དམ་བཅའམ་ཁས་ལེན་བྱ་དགོས། ཁྲིམས་ཞིབ་པ་གཞན་གཉིས་འོས་ཐོན་བྱུང་འཕྲལ་ཁྲིམས་ཞིབ་པ་ཆེ་བའི་མདུན་ལས་ཁུར་ དམ་བཅའམ་ཁས་ལེན་བྱ་དགོས་ཞེས་པར་བསྒྱུར་རྒྱུ།
ནང་གསེས་ ༤༽ པ་ཁྲིམས་ཞིབ་པ་ཆེ་བ་དང༌། ཁྲིམས་ཞིབ་པ་གཞན་གཉིས་བཅས་སུ་རུང་འཕོ་འགྱུར་དགོས་པའི་གྲོས་ཆོད་ལ་ྋགོང་ས་ ྋསྐྱབས་མགོན་ཆེན་པོས་ཆོག་མཆན་བསྩལ་ཐོན་གྱིས་འཕོ་འགྱུར་བྱ་དགོས་བྱུང་ན་ལས་ ཞེས་པའི་ཚབ་ཏུ། ཁྲིམས་ཞིབ་པ་ཆེ་བ་དང༌། ཁྲིམས་ཞིབ་པ་གཞན་གཉིས་བཅས་སུ་རུང་འཕོ་འགྱུར་དགོས་པའི་གྲོས་ཆོད་ལ་བཀའ་བློན་ ཁྲི་པའི་མོས་མཐུན་མིང་རྟགས་བཀོད་དེ་འཕོ་འགྱུར་བྱ་དགོས་བྱུང་ན་ལས་ཞེས་པར་ བསྒྱུར་རྒྱུ།
དོན་ཚན་ ༦༧ པ་ཆེས་མཐོའི་ཁྲིམས་ཞིབ་ཁང་གི་རྩ་འཛིན་ཁྲིམས་ཡིག་དང༌། སྒྲིག་གཞི་ྋགོང་ས་མཆོག་གི་བཀའ་འཁྲོལ་དང་འབྲེལ་གཏན་འབེབས་ལྟར་ལ་ལག་ལེན་བསྟར་ རྒྱུ་ཞེས་པའི་ཚབ་ཏུ། ཁྲིམས་ཞིབ་ཁང་གི་རྩ་འཛིན་ཁྲིམས་ཡིག་དང༌། འགྲོ་ལུགས་སྒྲིག་གཞི་བཅས་ཁྲིམས་ཞིབ་པ་ཆེ་བ་དང་ཁྲིམས་ཞིབ་པ་གཞན་གཉིས་བཅས་ ཀྱིས་བཟོ་འགོད་གཏན་འབེབས་ལ་བཀའ་བློན་ཁྲི་པས་མོས་མཐུན་ལྟར་རྩ་འཛིན་ལག་བསྟར་ བྱ་རྒྱུ་ཞེས་པར་བསྒྱུར་རྒྱུ།
དོན་ཚན་ ༦༨ ཕྱིར་བསྡུ།
དོན་ཚན་ ༩༧ པ་འོས་བསྡུ་ལས་ཁང་གི་འགན་འཛིན་བསྐོ་ཕྱོགས་སྐོར་ཚོགས་ཆུང་དེས་ཉིས་ལྡབ་ལས་མ་ ཉུང་བའི་འོས་འཆར་ཕུལ་བར་ྋགོང་ས་ྋསྐྱབས་མགོན་ཆེན་པོ་མཆོག་གིས་ཞེས་སོགས་ཀྱི་ ཚབ་ཏུ། ཉིས་ལྡབ་ལས་མ་ཉུང་བ་འོས་འཆར་ཕུལ་བར་སྤྱི་འཐུས་ལྷན་ཚོགས་སུ་འོས་བསྡུས་ཀྱིས་ མང་མོས་སུ་ལ་ཐོབ་པ་འོས་བསྡུ་ལས་ཁང་གི་སྤྱི་ཁྱབ་འགན་འཛིན་དུ་འོས་ཐཽན་བྱུང་ བར་ངོས་འཛིན་བྱ་རྒྱུ་ཞེས་པར་བསྒྱུར་རྒྱུ།
དེ་བཞིན་ནང་གསེས་ ༢༽ པར་འོས་བསྡུ་འགན་འཛིན་ལས་འཕར་གཉིས་དགོས་པ་ཞེས་སོགས་ཀྱི་ཚབ་ཏུ། ཚོགས་ཆུང་དེས་ཉིས་ལྡབ་ལས་མ་ཉུང་བ་འོས་འཆར་ཕུལ་བར་སྤྱི་འཐུས་ལྷན་ཚོགས་སུ་ འོས་བསྡུས་ཀྱིས་མང་མོས་སུ་ཐོབ་ལ་འོས་བསྡུ་འགན་འཛིན་ལས་འཕར་དུ་འོས་ཐོན་བྱུང་ བར་ངོས་འཛིན་བྱ་རྒྱུ། ཡང་ན་ཚོགས་ཆུང་དེས་གཞུང་ཞབས་འདེམས་བསྐོ་ལྷན་ཁང་གི་ཚོགས་གཙོ་དང༌། རྩིས་ཞིབ་སྤྱི་ཁྱབ་གཉིས་ལ་ཞོར་ལྕོགས་སུ་རྒྱབ་གཉེར་གནང་ན་སྤྱི་འཐུས་ལྷན་ ཚོགས་སུ་མང་མོས་ཐག་གཅོད་བྱུང་ཚེ་དེ་དོན་བྱ་འཐུས་ཞེས་པར་བསྒྱུར་རྒྱུ།
ནང་གསེས་ ༤༽ དང་ ༥༽ ནང་སྤྱི་འཐུས་ལྷན་ཚོགས་ནས་གཏན་འབེབས་ཀྱིས་ྋགོང་ས་ཆེན་པོར་བཀའ་འཁྲོལ་ཞུས་ཏེ་ ལག་ལེན་བསྟར་རྒྱུ་ཞེས་པའི་ཚབ་ཏུ། སྤྱི་འཐུས་ལྷན་ཚོགས་ནས་གཏན་འབེབས་ལྟར་ལག་ལེན་བསྟར་རྒྱུ་ཞེས་པར་བསྒྱུར་རྒྱུ།
དོན་ཚན་ ༩༩ པ་འོས་བསྡུ་ལས་ཁང་གི་སྤྱི་ཁྱབ་འགན་འཛིན་འཕོ་འགྱུར་གཏོང་དགོས་པའི་གྲོས་ཆོད་ ལ་ྋགོང་ས་ྋསྐྱབས་མགོན་ཆེན་པོས་ཆོག་མཆན་བསྩལ་ཐོབ་ཀྱིས་འཕོ་འགྱུར་བྱུང་ན་ལས་ ཞེས་པའི་ཚབ་ཏུ། སྤྱི་འཐུས་རྩ་འབོར་གསུམ་ཆ་གཉིས་ཡན་གྱིས་འོས་བསྡུ་ལས་ཁང་གི་སྤྱི་ཁྱབ་འགན་ འཛིན་འཕོ་འགྱུར་གཏོང་དགོས་པའི་གྲོས་ཆོད་ལ་བཀའ་བློན་ཁྲི་པས་མོས་མཐུན་བྱུང་ སྟེ་འཕོ་འགྱུར་བྱ་དགོས་བྱུང་ན་ལས་ཞེས་པར་བསྒྱུར་རྒྱུ།
དོན་ཚན་ ༡༠༡ འདེམས་བསྐོ་ལྷན་ཁང་གི་ཚོགས་གཙོ་དང་ཚོགས་མི་རྣམས་དམིགས་འཛུགས་གནང་བའི་ཚོགས་ ཆུང་དེས་ཉིས་ལྡབ་ལས་མ་ཉུང་བ་འོས་འཆར་ཕུལ་བར་ྋགོང་ས་ྋསྐྱབས་མགོན་ཆེན་པོ་ མཆོག་གིས་བསྐོ་གཞག་གནང་རྒྱུ་ཞེས་སོགས་ཀྱི་ཚབ་ཏུ། དམིགས་འཛུགས་གནང་བའི་ཚོགས་ཆུང་དེས་ཉིས་ལྡབ་ལས་མ་ཉུང་བ་འོས་འཆར་ཕུལ་བར་སྤྱི་ འཐུས་ལྷན་ཚོགས་སུ་འོས་བསྡུས་ཀྱིས་མང་མོས་སུ་ཐོབ་ལ་འདེམས་བསྐོ་ལྷན་ཁང་གི་ ཚོགས་གཙོར་འོས་ཐོན་བྱུང་བར་ངོས་འཛིན་བྱ་རྒྱུ་ཞེས་པར་བསྒྱུར་རྒྱུ།
དོན་ཚན་ ༡༠༣ པ་འདེམས་བསྐོ་ལྷན་ཁང་གི་ལས་དོན་བྱེད་ཕྱོགས་སྒྲིག་གཞི་ཞིབ་འགོད་ཀྱིས་སྤྱི་ འཐུས་ལྷན་ཚོགས་ནས་གཏན་འབེབས་རྗེས་ྋགོང་ས་ྋསྐྱབས་མགོན་ཆེན་པོར་སྙན་ཞུས་ཀྱིས་ ཆོག་མཆན་བསྩལ་ཐོན་བྱུང་བ་གཞིར་བཟུང་ལག་ལེན་བསྟར་རྒྱུ་ཞེས་པའི་ཚབ་ཏུ། སྤྱི་འཐུས་ལྷན་ཚོགས་ནས་གཏན་འབེབས་བྱུང་བ་གཞིར་བཟུང་ལག་ལེན་བསྟར་རྒྱུ་ཞེས་ པར་བསྒྱུུར་རྒྱུ།
དོན་ཚན་ ༡༠༥ ནང་གསེས་ ༢༽ པ་ྋགོང་ས་ཆེན་པོར་བཀའ་འཁྲོལ་ཆོག་མཆན་ཞུས་ཏེ་འདེམས་བསྐོ་ལྷན་ཁང་གི་ཚོགས་གཙོ་ དང༌། ཚོགས་མི་གང་རུང་ངམ། ཆ་ཚང་འཕོ་འགྱུར་བྱས་ཆོག་ཅེས་པའི་ཚབ་ཏུ། སྤྱི་འཐུས་རྩ་འབོར་གསུམ་ཆ་གཉིས་ཀྱི་མོས་མཐུན་ཐོག་བཀའ་ཤག་དང་གོ་བསྡུར་གྱིས་ མོས་མཐུན་བྱུང་ན་འདེམས་བསྐོ་ལྷན་ཁང་གི་ཚོགས་གཙོ་དང༌། ཚོགས་མི་གང་རུང་ངམ། ཆ་ཚང་འཕོ་འགྱུར་བྱེད་ཆོག་ཅེས་པར་བསྒྱུར་རྒྱུ།
དོན་ཚན་ ༡༠༧ པ་རྩིས་ཞིབ་ལས་ཁང་གི་འགན་འཛིན་འོས་འཆར་ཕུལ་བར་ྋགོང་ས་ྋསྐྱབས་མགོན་ཆེན་པོ་ མཆོག་གིས་ཞེས་པའི་ཚབ་ཏུ། དམིགས་འཛུགས་གནང་བའི་ཚོགས་ཆུང་དེས་ཉིས་ལྡབ་ལས་མ་ཉུང་བ་འོས་འཆར་ཕུལ་བར་སྤྱི་ འཐུས་ལྷན་ཚོགས་སུ་འོས་བསྡུས་ཀྱིས་མང་མོས་སུ་ཐོབ་ལ་རྩིས་ཞིབ་འགན་འཛིན་དུ་ འོས་ཐོན་བྱུང་བར་ངོས་འཛིན་བྱ་རྒྱུ་ཞེས་པར་བསྒྱུར་རྒྱུ།
དེ་བཞིན་ནང་གསེས་ ༢༽ པར་ྋགོང་ས་ྋསྐྱབས་མགོན་ཆེན་པོའི་སྐུ་མདུན་དུ་དམ་བཅའམ། ཁས་ལེན་ཞུ་དགོས་ཞེས་པའི་ཚབ་ཏུ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་དུ་དམ་བཅའམ་ཁས་ལེན་བྱ་ དགོས་ཞེས་པར་བསྒྱུར་རྒྱུ།
དོན་ཚན་ ༡༠༨ ནང་གསེས་ ༢༽ པ་ལས་དོན་བྱེད་ཕྱོགས་ཀྱི་སྒྲིག་གཞི་ཞིབ་གསལ་སྤྱི་འཐུས་ལྷན་ཁང་ནས་གཏན་འབེབས་ ཀྱིས་ྋགོང་ས་ྋསྐྱབས་མགོན་ཆེན་པོར་སྙན་སེང་ཆོག་མཆན་ཞུས་ཏེ་ལག་ལེན་བསྟར་རྒྱུ་ ཞེས་པའི་ཚབ་ཏུ། སྤྱི་འཐུས་ལྷན་ཁང་ནས་གཏན་འབེབས་ལྟར་ལག་ལེན་བསྟར་རྒྱུ་ཞེས་པར་བསྒྱུར་རྒྱུ།
དོན་ཚན་ ༡༡༠ རྩིས་ཞིབ་སྤྱི་ཁྱབ་འགན་འཛིན་གྱི་ལས་ཁུར་ཕྱིར་འཐེན་དགོས་པའི་གྲོས་ཆོད་ལ་ ྋགོང་ས་ྋསྐྱབས་མགོན་ཆེན་པོའི་ཆོག་མཆན་ཞུས་ཏེ་འཕོ་འགྱུར་བྱ་དགོས་བྱུང་ན་ཞེས་ པའི་ཚབ་ཏུ། ལས་ཁུར་ཕྱིར་འཐེན་དགོས་པའི་གྲོས་ཆོད་ལ་བཀའ་ཤག་དང་གོ་བསྡུར་གྱིས་མོས་མཐུན་ བྱུང་སྟེ་འཕོ་འགྱུར་བྱ་དགོས་བྱུང་ན་ཞེས་པར་བསྒྱུར་རྒྱུ།
དོན་ཚན་ ༡༡༡ ནང་གསེས་ ༡༽ དང་ ༢༽ པའི་ནང་མོས་མཐུན་གཏན་འབེབས་བྱས་པའི་ཁྲིམས་ཡིག་འཆར་ཟིན་ལ་ྋགོང་ས་ྋསྐྱབས་ མགོན་ཆེན་པོས་ཆོག་མཆན་གནང་བའི་ཁྲིམས་ལུགས་ཀྱི་སྒོ་ནས་བསྐྱར་བཅོས་ཆོག་རྒྱུ་ ཞེས་པའི་ཚབ་ཏུ། གཏན་འབེབས་བྱས་པའི་ཁྲིམས་འཆར་ལ་བཀའ་བློན་ཁྲི་པའི་མོས་མཐུན་མིང་རྟགས་བཀོད་ པའི་ཁྲིམས་ལུགས་ཀྱི་སྒོ་ནས་བསྐྱར་བཅོས་ཆོག་ཅེས་པར་བསྒྱུར་རྒྱུ།
དོན་ཚན་ ༡༡༢ ྋགོང་ས་ྋསྐྱབས་མགོན་ཆེན་པོས་དགོས་གལ་གཟིགས་ཚེ་བཅའ་ཁྲིམས་བསྐྱར་བཅོས་ཀྱི་ ཁྲིམས་ཡིག་འཆར་ཟིན་ཞེས་སོགས་ཀྱི་ཚབ་ཏུ། བཅའ་ཁྲིམས་བསྐྱར་བཅོས་སམ་དེ་མིན་མི་རིགས་ཀྱི་རྩ་དོན་དང་འབྲེལ་བའི་གལ་ཆེའི་ སྲིད་བྱུས་གཏན་འབེབས་ཆེད་སྤྱི་འཐུས་ལྷན་ཚོགས་སུ་མང་མོས་ཐག་གཅོད་བྱུང་ན་འོས་ བསྡུ་ལས་ཁང་བརྒྱུད་མང་ཚོགས་སུ་མང་མོས་ཐག་གཅོད་འོས་བསྡུའི་ལས་རིམ་བརྩམ་ཆོག་ ཅིང༌། མང་མོས་ཇི་བྱུང་ལྟར་ཐག་གཅོད་རྩ་འཛིན་དགོས་ཞེས་པར་བསྒྱུར་རྒྱུ།
ཟུར་འཛར་གཉིས་པ།
སྔོན་གླེང༌།
༄༅། །ཕྱི་ལོའི་གོང་གི་བརྒྱ་ཕྲག་གཉིས་པའི་ནང་བོད་ཀྱི་རྒྱལ་ཁབ་དབུ་བརྙེས་པ་ནས་ བཟུང་ཕྱི་ལོ་བརྒྱ་ཕྲག་ཉི་ཤུ་པའི་དཀྱིལ་བར་བོད་ནི་མངའ་དབང་ལྡན་པའི་རྒྱལ་ཁབ་ ཅིག་གི་ངོ་བོར་གནས་ཡོད།
ཁྱད་པར་ཕྱི་ལོ་ ༡༦༤༢ ལོར་གཞུང་ས་དགའ་ལྡན་ཕོ་བྲང་དབུ་བརྙེས་ཏེ་ྋགོང་ས་ལྔ་པ་ཆེན་པོས་ཆོས་སྲིད་ཀྱི་ མངའ་དབང་བཞེས་པ་ནས་བཟུང་གཞུང་དགའ་ལྡན་ཕོ་བྲང་དེ་ཆོལ་གསུམ་བོད་རིགས་ཡོངས་ ཀྱི་ཁྲིམས་མཐུན་གྱི་གཞུང་དུ་གྱུར་ཅིང༌། རྒྱལ་དབང་སྐུ་ཕྲེང་ན་རིམ་གྱིས་སྲིད་དབང་བསྐྱངས།
ཕྱི་ལོ་ ༡༩༥༠ ལོར་ྋགོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཆབ་སྲིད་ཀྱི་མངའ་དབང་བཞེས་ ཤིང༌། ༡༩༥༡ ལོར་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་མཉམ་གྲོས་མཐུན་དོན་ཚན་བཅུ་བདུན་ བཙན་འོག་ཏུ་འཇོག་དགོས་བྱུང་སྟེ་དགའ་ལྡན་ཕོ་བྲང་པའི་གཞུང་ས་གནས་གཞུང་ལྟ་བུར་ གྱུར་ཀྱང༌། བོད་མིའི་ཁྲིམས་མཐུན་གྱི་གཞུང་གི་ངོ་བོར་རྒྱུན་གནས་ཐོག ྋགོང་ས་མཆོག་གི་སྔར་ཡོད་སྐུ་དབང་ལ་འགྱུར་བ་མེད་པ་གྲོས་མཐུན་དུ་གསལ།
རྒྱ་དམར་དཔུང་དམག་གིས་གྲོས་མཐུན་རྩིས་མེད་དང་དྲག་གནོན་དབང་གིས་ྋགོང་ས་མཆོག་ དང་བཀའ་ཤག་བཅས་རྒྱ་གར་དུ་བཙན་བྱོལ་དུ་ཕེབས་དགོས་བྱུང་བ་དང༌། དེ་འཕྲལ་གྲོས་མཐུན་དོན་ཚན་བཅུ་བདུན་རྩིས་མེད་ཀྱི་གསལ་བསྒྲགས་བསྐྱངས། གཞིས་བྱེས་བོད་མི་ཡོངས་ཀྱིས་ྋགོང་ས་མཆོག་དང་ཁོང་གི་བཀའ་ཤག་གང་དུ་ཡོད་པ་དེར་ བོད་མིའི་ཁྲིམས་མཐུན་གྱི་གཞུང་ཡོད་པར་ཡིད་ཆེས་དང་ངོས་འཛིན་བྱེད་བཞིན་པ་ཡིན།
ྋགོང་ས་མཆོག་གིས་དབུ་ཁྲིད་པའི་བཀའ་ཤག་གིས་དབུས་བཙན་བྱོལ་བོད་མིའི་སྒྲིག་ འཛུགས་རྒྱ་གར་དུ་གཞི་ཚུགས་པ་དང་མཉམ་ྋགོང་ས་ཆེན་པོས་རིང་ནས་ཐུགས་ལ་བརྣགས་ པའི་ཡང་དག་པའི་མང་གཙོའི་བཅོས་བསྒྱུར་དབུ་འཛུགས་གནང་སྟེ་ཕྱི་ལོ་ ༡༩༦༠ ལོར་མང་ཚོགས་ཀྱིས་འོས་འདེམས་བྱས་པའི་བོད་མི་མང་སྤྱི་འཐུས་ལྷན་ཚོགས་གསར་ འཛུགས་བསྐྱངས་པ་དང༌། ཕྱི་ལོ་ ༡༩༩༡ ལོར་བཙན་བྱོལ་བོད་མིའི་བཅའ་ཁྲིམས་གཏན་འབེབས་གནང་སྟེ་བཙན་བྱོལ་གྱི་སྒྲིག་ འཛུགས་གཞི་རྩའི་ཁྲིམས་ཡིག་ཡོད་པའི་ཁྲིམས་ཀྱི་དབང་སྒྱུར་ཅན་གྱི་དེང་རབས་མང་ གཙོའི་མཚན་ཉིད་ཚང་བ་ཞིག་ཏུ་བསྒྱུར་གནང་མཛད།
སྐབས་དེར་བཙན་བྱོལ་བོད་མིའི་བཅའ་ཁྲིམས་ནང་ྋགོང་ས་ྋསྐྱབས་མགོན་སྐུ་ཕྲེང་ན་ རིམ་བོད་མི་རིགས་དང་འཛིན་སྐྱོང་གི་བླ་ན་མེད་པའི་དབུ་ཁྲིད་ཡིན་པའི་ཆ་རྐྱེན་ བསྐྲུན་ཡོད་ཀྱང༌། ད་ཆ་ྋགོང་ས་ྋསྐྱབས་མགོན་ཆེན་པོས་འཕྲལ་ཡུན་དགག་དགོས་རྒྱུ་མཚན་དུ་མར་གཟིགས་ ཏེ་བཙན་བྱོལ་བོད་མིའི་སྒྲིག་འཛུགས་ཀྱི་འགན་དབང་བཞེས་མ་དགོས་པར། འབྱུང་འགྱུར་མི་རིགས་དང་འཛིན་སྐྱོང་གཉིས་ཀའི་འགོ་ཁྲིད་མང་ཚོགས་ཀྱིས་འོས་ འདེམས་བྱས་པའི་སྣེ་མོ་བ་རྣམས་ཀྱིས་བྱེད་དགོས་པ་དང༌། དེའི་ཆེད་བཅའ་ཁྲིམས་ཀྱི་སྒྲོམ་གཞི་བསྐྱར་བཅོས་དགོས་པའི་བཀའ་ལྕི་ལྡོག་མེད་ ཕེབས་པ་གུས་བཀུར་མ་ཞུས་ཐབས་བྲལ་དུ་གྱུར་ཏེ། སྤྱི་ལྷན་སྐབས་བཅུ་བཞི་པའི་ཚོགས་དུས་འཕར་མ་/སྐབས་བཅོ་ལྔ་པའི་ཚོགས་དུས་དང་ པོའི་ནང་ད་ཡོད་བཅའ་ཁྲིམས་ལེའུ་བཅུ་གཅིག་པའི་ཆ་རྐྱེན་ཁག་གཞིར་བཟུང་བསྐྱར་ བཅོས་བྱས་ཏེ་ཕྱི་ལོ་ ༢༠༡༡ ཕྱི་ཟླ་ ཚེས་ ཉིན་ྋགོང་ས་མཆོག་གི་ཆོག་མཆན་ཞུས་བསྩལ་ཀྱིས་རྩ་འཛིན་བྱས་པ་ཡིན།
དོན་ ཚན་དང་པོ། བོད་མི་རིགས་ཀྱི་མགོན་སྐྱབས་དང་མཚོན་རྟགས།
ྋགོང་ས་ྋསྐྱབས་ མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ནི་བོད་ཀྱི་ལྷ་སྐལ་སྤྱན་རས་གཟིགས་དབང་ མིའི་གཟུགས་སུ་བྱོན་པའི་བོད་མི་ཡོངས་ཀྱི་མགོན་སྐྱབས་དང༌། བླ་ན་མེད་པའི་དབུ་ཁྲིད། བླང་དོར་ལམ་སྟོན་པ། བོད་མི་རིགས་ཀྱི་མཚོན་རྟགས། བཙན་བྱོལ་སྒྲིག་འཛུགས་ཀྱི་མངའ་བདག བོད་མི་ཡོངས་ཀྱི་ཁྲིམས་མཐུན་མགྲིན་ཚབ་པ་ཡིན། གནས་བབ་དེ་ནི་ལོ་གྲངས་བརྒྱ་ཕྲག་མང་པོའི་བྱུང་རབས་དང༌། མངའ་དབང་ལྡན་པའི་བོད་མིའི་མངོན་འདོད་ལས་བྱུང་བ་ཡིན། དེའི་ཕྱིར་གཤམ་གསལ་གྱི་ཐུགས་འགན་དང་སྐུ་དབང་རྣམས་བཞེས་དགོས།
༡༽ བོད་མི་རིགས་ཀྱི་བདེ་དོན་དང་བསམ་སྤྱོད་ཀྱི་ཡར་རྒྱས། ཆོས་དང་ལེགས་བྱང༌། རིག་གནས་བཅས་ཀྱི་སྲུང་སྐྱོབ་དང་དར་སྤེལ། བོད་ཀྱི་རྩ་དོན་སྒྲུབ་ཐབས་ཀྱིས་མཚོན་བོད་མི་དང་བོད་མིའི་སྒྲིག་འཛུགས་ཀྱི་ ལས་དོན་གང་ཅིའི་ཐོག་ལམ་སྟོན་དང་བཀའ་སློབ། སྐུལ་སློང་གནང་རྒྱུ།
༢༽ བོད་མི་རིགས་དང་བསྟན་སྲིད་ཀྱི་གལ་ཆེའི་ལས་དོན་ཐོག་གྲོས་ཚོགས་དང་བཀའ་ཤག་ལ་ གསུང་འཕྲིན་དང༌། བཀའ་སློབ་ལམ་སྟོན། དམིགས་བསལ་ཚོགས་ཆེན་བསྡུ་བསྐོང༌། མང་མོས་ཐག་གཅོད་འོས་བསྡུ་དགོས་པའི་ལམ་སྟོན་གནང་རྒྱུ།
༣༽ ཡེ་ཤེས་དབྱིངས་དཔྱད་ཀྱིས་བོད་ཀྱི་རྩ་དོན་བསྒྲུབ་སླད་སྤྱིར་བཏང་དང་དམིགས་ བསལ་སྐུ་ཚབ་ཁག་གཏན་འཇགས་སམ་དུས་ཡུན་རྒྱས་བཅད་ཀྱི་བསྐོ་འཛུགས་གནང་རྒྱུ་དང༌། སྐུ་ཚབ་རྣམ་པས་བཙན་བྱོལ་སྒྲིག་འཛུགས་ཀྱི་ཆབ་སྲིད་དང་འཛིན་སྐྱོང་གི་བྱ་བར་ འགན་མཉམ་འཁྱེར་བྱེད་ཆོག
༤༽ བཙན་བྱོལ་སྒྲིག་འཛུགས་དང་བོད་མི་མང་གི་མགྲིན་ཚབ་པའི་ངོ་བོར་རྒྱལ་སྤྱིའི་ དབུ་ཁྲིད་རྣམ་པ་དང༌། གལ་ཆེའི་མི་སྣ་རིགས་ལ་མཇལ་འཕྲད་གནང་རྒྱུ།
བོད་མི་མང་སྤྱི་འཐུས་དྲ་རྒྱ་ལས་བཏུས།