སེང་གེ་གསུམ་འཛོམས།

 

གངས་རི་དཀར་པོ་དགུང་དང་མཉམ།།

གངས་སེང་གཡུ་རལ་དགུང་ལས་མཐོ།།

དེ་ནི་བོད་ཀྱི་ཕ་ས་རེད།།

རང་ས་རང་བདག་བྱེད་དུ་འགྲོ།།

 

ཕོ་བྲང་དམར་པོ་དགུང་དང་མཉམ།།

གངས་སེང་དར་ཆ་དགུང་ལས་མཐོ།།

དེ་ནི་བོད་ཀྱི་ཕ་མཁར་རེད།།

རང་ཁྱིམ་རང་གིས་འཛིན་དུ་འགྲོ།།

 

བསྟན་སྲིད་བརྗིད་པོ་དགུང་དང་མཉམ།།

བློ་སེང་ཤེས་ཡོན་དགུང་ལས་མཐོ།།

དེ་ནི་བོད་ཀྱི་བཀའ་ཁྲི་རེད།།

རང་དཔོན་རང་མིས་བཀུར་དུ་འགྲོ།།

 

རྟེན་འབྲེལ་སེང་གེ་གསུམ་འཛོམས་རེད།།

མཐུན་སྒྲིལ་ཆོལ་ཁ་གསུམ་འཛོམས་རེད།།

བྱ་བཞག་འཆར་གཞི་གསུམ་འཛོམས་རེད།།

འཛོམས་གསུམ་འཛོམས་པའི་བཀྲ་ཤིས་ཤོག །

http://www.youtube.com/watch?v=ddOTtgIjFgs