རྒྱལ་ལོ་དོན་གྲུབ་ཀྱིས་དམིགས་བསལ་ཚོགས་ཆེན་ལ་འབུལ་རྒྱུའི་དོན་ཚན་གསུམ།
དང་པོ། ད་ལོའི་སྤྱི་ཟླ་3 པ་ནས་ད་བར་བོད་ནང་རྒྱ་གཞུང་ལ་ངོ་རྒོལ་སྐད་འབོད་བྱས་པ་ཁག་ནོར་འཁྲུལ་ཡིན་པར་དམིགས་བསལ་ཚོགས་ཆེན་འདིའི་ཐོག་ནས་ངོས་ལེན་བྱེད་དགོས་པ།
གཉིས་པ། རྒྱ་ནག་གི་རྒྱལ་ས་པེ་ཅིང་དུ་རྒྱལ་སྤྱིའི་ཨོ་ལིམ་ཕིག་རྩེད་འགྲན་གྱི་དཔལ་འབར་སྐོར་བསྐྱོད་དང༌། རྩེད་འགྲན་བྱེད་བཞིན་པའི་སྐབས་སུ་ངོ་རྒོལ་བྱས་པ་ཁག་ལ་ཚོགས་ཆེན་འདིའི་ཐོག་ནས་རྒྱ་ནག་གཞུང་ལ་དགོངས་དག་ཞུ་དགོས་པ།
གསུམ་པ། ཨ་རུ་ན་ཅལ་མངའ་སྡེ་དེ་ཉིད་རྒྱ་ནག་གི་ཁོངས་ཡིན་པ་ཚོགས་ཆེན་འདིའི་ཐོག་ནས་གསལ་བསྒྲགས་གནང་དགོས་པ། བཅས་ཁོང་གི་དོན་ཚན་གསུམ་དེ་ཡིན་འདུག
དེ་ལ་དྲ་གྲོགས་རྣམས་ཡིད་ཆེས་སམ། དོན་དེ་དངོས་ཡོད་གནས་ཚུལ་རེད། སྐབས་དེ་དུས་ནང་མོལ་བྱེད་སའི་བཀའ་ཟུར་སུ་ལ་དྲིས་ཀྱང་ཤེས་ཀྱི་རེད། དེ་ལྟར་བྱས་ན་བོད་ཀྱི་རྩ་དོན་ལ་ཕན་གནོད་གང་ཡོད་སྐོར་བགྲོ་གླེང་གནང་རོགས།
