གངས་ཅན་པའི་སེམས་གཞས།
རྩ་བའི་བླ་མའི་སྐུ་ཚེ་བརྟན་དགོས།།
གངས་ཅན་བོད་པའི་སྙིང་ནོར་ཁྱེད་ཡིན།།
གངས་ཅན་བོད་ཀྱི་ཚེ་སྲོག་ཁྱེད་ཡིན།།
གངས་ཅན་བོད་ཀྱི་བླ་མ་ཁྱེད་ཡིན།།
ང་ཚོ་གངས་ཅན་བོད་ཀྱི་མི་ལ།།
འདི་ཕྱིའི་སྐྱབས་གནས་ཁྱེད་ལས་མེད་པའི།།
རྩ་བའི་བླ་མ་སྤྱན་རས་གཟིགས་དབང་།།
མ་མགོར་མྱུར་དུ་བོད་ལ་ཕེབས་ཤོག།
གངས་ཅན་བོད་ཀྱི་འགྲོ་བ་ཚང་མས།།
ཁྱེད་ལ་སྒུག་ནས་ཡུན་རིང་འགོར་སོང་།།
མིག་ཆུའི་ཀློང་དུ་འཚོ་མི་འདུག།
རེ་སྒུག་ཁྲོད་དུ་ཤི་འདོད་མི་འདུག།
རྨི་ལམ་ནང་དུ་མཇལ་ཀྱང་མི་ཕན།།
ད་ནི་མངོན་སུམ་མིག་གི་དཔྱིད་དུ།།
ཤར་བའི་དུས་སུ་སླེབས་པ་ཡིན་དུས།།
རྩ་བའི་བླ་མ་ས་མཐར་མ་བཞུགས།།
ང་ཚོ་གངས་ཅན་བོད་ཀྱི་ཡུལ་ན།།
བོད་ཡུལ་ཁམས་ཀྱི་སྤུན་ཟླ་ཚང་མས།།
སེམས་ཀྱི་དབྱངས་རྟ་གཅིག་དུ་བསྡུས་དེ།།
རྩ་བའི་བླ་མ་ཕེབས་རྒྱུར་སྒུག་ཡོད།།
གངས་ཅན་པའི་སེམས་གཞས་ཤེས་པའི་གླུ་ཚིག་འདི་བོད་ཀྱི་རྡུང་ལེན་པ་སུ་ཞིག་གི་ལེན་ འདོད་ཡོད་ན་དེའི་བེད་སྤྱོད་བྱས་ན་འགྲིག་གི་ཡོད། གླུ་ཚིག་འབྲི་མཁན་ཚེ་མགོན་སྐྱབས་ཡིན།
