ང་ཐང་ཆད་ཀི
ང་ད་དུང་ རྒྱུགས་བཞིན་འདུག
དོན་དངོས་སུ་ངས་གང་ཞིག་འཚོལ་བཞིན་ཡོད
ང་རང་ལ་ག་རེ་དགོས་ཀྱི་ཡོད
འདི་དག་གིས་ང་རང་ལ་ཚུར་བཙལ་ནས་ཡོང་
འཇིག་རྟེན་མིའི་ཞིང་ཁམས་ཆེན་མོ་འདི་རུ
མི་ཡོད་ཚད་ང་དང་འདྲ་བར
འཆི་བ་ལ་ཕྱོགས་པའིི་ལམ་བར་དུ
འདི་ལྟར་ག་ཚོད་ཅིག་རྒྱུགས་ཀྱང་
མཐར་ཐུག་གང་ཞིག་རྙེད་ཟིན་པ་དེ་དག་གིས
གང་ཡང་སྤྲོད་མི་སྲིད་པར
ཚུར་ཇི་ལྟར་ཡོང་བ་བཞིན
ཕྱིར་འགྲོ་དུས་ཀྱང་ལག་སྟོང་དུ་འགྲོ་དགོས་པ་མ་ཡིན་ནམ
དེས་ན མི་འདི་དག་གིས་དེའི་བར་དུ་གང་བྱེད་ཐུབ
ཡང་ན ཅི་ཞིག་བྱེད་དགོས་ཀྱི་ཡོད་པ་རེད་དམ
ང་དང་འདྲ་བར་རྒྱུགས་ནས་ཐང་ཆད་ཡོད་མཁན་ག་ཚོད་ཞིག
འཇིག་རྟེན་གྱི་གྲུ་ཟུར་རེ་རེ་ནཁུ་སིམ་མེར་སྒུག་ཡོད
འཆི་བ་དེ་མ་སླེབས་བར་དུ ང་ཐང་ཆད་ཀི
ཁྱེད་རང་གང་ན་ཡོདངས་ཁྱེད་རང་ངོ་ཤེས་སམ
གཅིག་བྱས་ན་ཁྱེད་རང་གི་ང་ཤེས་ཡོད་སྲིདརེད་དེ
ངས་ཁྱེད་རང་ད་དུང་ཤེས་ཀྱི་མེད་པ་ཅི་རེད
ཡོད་ཚད་ང་རང་གི་བསམ་བློ་འདི་ནོར་བས་ཡིན་ནམ
མིན་ན་ང་རང་གི་སྐྱེ་བ་འདི་ལེན་སྟངས་མ་འགྲིག་པ་ཡིན་ནམ
གང་ལྟར ང་རང་ལམ་བར་འདི་ནས
ང་ཆད་ཐང་ཀི ང་ཐང་ཆད་ཀི
༢༢།༡།༠༩མཚན་མོ་ཆུ་ཚོད་བཅུ་བ་མ་ཟིན་པའི་སྐར་བཅུའི་སྔོན་དུ་མཚོ་འགྲམ་གྱི་ཁང་ཆུང་གཡར་མའི་ནང་དུ་བྲིས།