གསར་འགྱུར་གནད་བསྡུས་ཁག

ཕེ་རི་སིར་བཞག་པའི་གོ་ལའི་གནམ་གཤིས་འགྱུར་ལྡོག་གི་གྲོས་མཐུན་ནས་ཨ་རི་ཕྱིར་འཐེན་བྱེད་རྒྱུར་ཌོ་ནལ་ཊོམ་གྱིས་གྲ་སྒྲིག་བྱེད་བཞིན་ཡོད་སྐོར་གྲགས་བཞིན་པའི་དུས་སུ། ཡོ་རོབ་མཐུན་ཚོགས་དང་རྒྱ་ནག་གཞུང་མཉམ་འབྲེལ་གྱིས་གྲོས་མཐུན་དེའི་གལ་ཆེའི་རང་བཞིན་སྐོར་གྱི་བསྒྲགས་གཏམ་ཞིག་སྤེལ་རྒྱུ་ཡིན་འདུག

ཟླ་འདིའི་ཚེས་༢༦ ནས་ཉིན་གཉིས་རིང་གི་བཟོ་ལས་ཅན་གྱི་སྟོབས་ཆེན་རྒྱལ་ཁབ་བདུན་གྱི་ཚོགས་ཆེན་ཐོག རྒྱ་ནག་ལྷོ་ཤར་གྱི་རྒྱ་མཚོ་གཉིས་ཀྱི་ནང་བདག་དབང་ཐད་རྩོད་རྙོག་ཡོད་པའི་ས་གནས་རྣམས་ནས་དམག་ཤུགས་ཕྱིར་བསྡུ་བྱ་རྒྱུའི་འབོད་སྐུལ་བྱས་པར་རྒྱ་ནག་གིས་ངོ་རྒོལ་བྱས་ཡོད་འདུག

ཐའེ་ཝན་གྱི་ཆེས་མཐོའི་ཁྲིམས་ཁང་གི་ཁྲིམས་དཔོན་༡༤ ཡོད་པའི་ལྷན་ཚོགས་ཀྱིས། རྒྱལ་ཁབ་དེའི་ནང་མཚན་མཐུན་གཉེན་སྒྲིག་བྱེད་ཆོག་པའི་ཐག་གཅོད་བྱས་ཡོད་འདུག་ཀྱང་། དེར་གྲོས་ཚོགས་ཀྱི་རྒྱབ་སྐྱོར་དགོས་ཀྱི་ཡོད་འདུག

རྒྱ་གར་ཨུ་ཏར་ཁན་ཌེ་མངའ་སྡེའི་ནང་འགྲིམ་འགྲུལ་རླངས་འཁོར་ཟག་ནས་ཉུང་མཐར་གནས་བསྐོར་བ་༢༡ འདས་གྲོངས་དང་། ༧ ལ་རྨས་སྐྱོན་ཤོར་ཡོད་འདུག

རྒྱ་ནག་གིས་རྒྱ་གར་རྒྱལ་སྤྱིའི་རྡུལ་ཕྲན་མཚོན་ཆའི་ལྷན་ཚོགས་ཀྱི་ཚོགས་མིར་ཞུགས་འདོད་ཀྱི་དམིགས་ཡུལ་བཀག་འགོག་བྱས་ཡོད་འདུག

མཚན་མཐུན་འཁྲིག་སྤྱོད་བྱེད་མཁན་སྐྱེས་པ་འཇུ་བཟུང་བྱེད་པ་ནི་ཨིན་ཌོ་ནི་ཤི་ཡ་ནས་མཚན་མཐུན་འཁྲིག་སྤྱོད་པ་ལ་སྡང་ཟུག་ཆེ་རུ་འགྲོ་བཞིན་ཡོད་པའི་རྟགས་མཚན་ལྟ་བུར་མཐོང་གི་ཡོད་པ་རེད་འདུག

ཟླ་འདིའི་ཕྱི་ཚེས་༢༠ ཉིན་རྒྱ་གར་གྱི་བརྒྱུད་ལམ་ཁག་གིས་གནས་ཚུལ་སྤེལ་གསལ་ལྟར་ན། ཟླ་འདིའི་ཚེས་༡༩ ཡི་མཚན་མོར་རྒྱ་གར་ཀེ་ར་ལ་མངའ་སྡེའི་རྒྱལ་ས་དང་ཀི་ལོ་མི་ཊར་༣ གསུམ་གྱི་མཚམས་སུ་ཆགས་པའི་ས་གནས་པེ་ཊ་ཧ་ཞེས་པར།