གསར་འགྱུར་གནད་བསྡུས་ཁག

འོས་བསྡུའི་གྲུབ་འབྲས་དེ་ཡག་པོ་ཞིག་བྱུང་མ་ཐུབ་ན་ཉེན་ཁ་ཆེ་བ་དང་མི་མང་ལ་ཡིད་ཆེས་བརླགས་པ། ༧སྐྱབས་མགོན་རིན་པོ་ཆེའི་དགོངས་གཞི་གཞིར་བཟུང་དང་། བོད་མིའི་རྩ་དོན་གྱི་འཐབ་རྩོད་ལ་མདུན་བསྐྱོད་བྱེད་མ་ཐུབ་པ་དེ་འདྲ་བྱུང་བ་ཡིན་ན་ང་ཚོ་མི་རིགས་ཀྱི་རྩ་དོན་དང་འཐབ་རྩོད་གང་ཅིའི་ཐོག་ལ་འཐུས་ཤོར་ཆེ་ཤོས་ཤིག་ཆགས་འགྲོ་ཡི་ཡོད་རེད་ཅེས་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་གྱིས་གསུངས་སོང་།

མི་མང་ཧ་ཅང་མང་པོས་དབྱུག་རྩེད་སྤོ་ལོ་ལ་དགའ་པོ་བྱེད་ཀྱི་ཡོད་པས་རྩེད་མོ་འདི་བརྒྱུད་ནས་མི་མང་ལ་བདེ་སྐྱིད་ཐོབ་ཀྱི་ཡོད་སྟབས། ཁྱེད་རང་ཚོའི་ཆེད་ལས་ལ་རྗེས་སུ་ཡི་རངས་ཡོད་ཅེས་༧གོང་ས་མཆོག་གིས་གསུངས་སོང་།

ཨ་རི་ནིའུ་ཡོག་ས་གནས་ཁེའུན་སེ་འཛམ་གླིང་གློག་བརྙན་དུས་སྟོན་ཐོག བོད་ཀྱི་རྒྱལ་གཅེས་དཔའ་བོ་རང་སྲེག་རྒྱ་རྒོལ་བ་རྟའུ་འཇམ་དཔལ་ཡེ་ཤེས་ཀྱི་མི་ཚེའི་ལོ་རྒྱུས་ལ་གཞིར་བཞག་གིས་བཟོས་པའི་གློག་བརྙན་དཔའ་བོ་ལ། རྩེ་ཕུད་ཀྱི་བྱ་དགའ་གཉིས་ཐོབ་འདུག