གསར་འགྱུར་གནད་བསྡུས་ཁག

ཟླ་འདིའི་ཚེས་༢༥ ནས་ཉིན་གསུམ་རིང་མདོ་ཁམས་ཆུ་བཞི་སྒང་དྲུག་གི་འགན་འཛིན་ལྷན་ཚོགས་ཐེངས་༤༥ པ་རྒྱ་གར་གྱི་རྒྱལ་ས་ལྡི་ལི་ཆུ་སྒང་དཔའ་བོའི་རྗེས་དྲན་ཚོགས་ཁང་དུ་འཚོགས་ཏེ། རྩིས་ཁྲར་ཞིབ་བཤེར་དང་སྔོན་རྩིས་གཏན་འབེབས། མ་འོངས་ལས་དོན་བྱེད་ཕྱོགས་བཅས་ལ་གྲོས་ཆོད་བཞག་ཡོད་པ་རེད།

དཔལ་ལྡན་ས་སྐྱ་༧གོང་མ་བདག་ཁྲི་རིན་པོ་ཆེས་ཟླ་འདིའི་ཚེས་༡༩ ཉིན་ཨ་རི་མི་ནི་སོ་ཀྲ་རུ་ཡོད་པའི་ས་སྐྱ་ཆོས་ཚོགས་ནས་ཇི་ལྟར་གསོལ་བ་བཏབ་པ་ལྟར། ས་གནས་ཀྱི་བོད་མི་གཙོས་པའི་རྒྱ་བོད་དབྱིན་གསུམ་གྱི་འདུས་པ་ཆིག་སྟོང་ལྔ་བརྒྱ་ལས་བརྒལ་བ་ལ་རྒྱལ་བ་རིགས་གསུམ་མགོན་པོའི་བཀའ་དབང་དང་བཀའ་སློབ་བསྩལ་ཡོད་པ་རེད།

ཟླ་འདིའི་ཚེས་༢༢ ཉིན་༧གོང་ས་མཆོག་གི་བླ་གཟའ་ལྷག་དཀར་དང་སྟབས་བསྟུན། རྒྱ་གར་ལྷོ་ཕྱོགས་འབྲས་སྤུངས་བློ་གསལ་གླིང་གྲྭ་ཚང་གི་གསང་ཆེན་རྡོ་རྗེ་ཐེག་པའི་རྩོད་གྲྭ་དངོས་སུ་གསར་འཛུགས་གནང་བའི་རྟེན་འབྲེལ་མཛད་སྒོ་ཞིག་འཚོགས་ཡོད་པ་རེད།

༸གོང་ས་མཆོག་སྐུ་ཚེ་བསྐལ་བརྒྱར་བརྟན་ཆེད་ཞབས་རིམ་གསོག་སྒྲུབ་དང་། ཉ་༡༡༡༡༡༡ སྲོག་བླུ། བྱ་༡༡༣ ཙམ་སྲོག་བླུ་བྱས་འདུག།

ཟླ་འདིའི་ཚེས་༦ ཉིན་སྔ་དྲོ་རྒྱ་གར་ལྷོ་ཕྱོགས་མོན་གྷོ་ས་གནས་སུ་ཡོད་པས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་ཞབས་ཞུ་ཚོགས་པ་དང་འབྲེལ་ཡོད་མཐོ་སློབ་འགྲིམ་བཞིན་པའི་སློབ་བ་བཅས་ཐུན་མོང་གི་གོ་སྒྲིག་འོག

ཟླ་འདིའི་ཚེས་༧ ཉིན་བོད་པ་གནས་སྡོད་བྱ་ཡུལ་གྱི་འཛམ་གླིང་གི་ཡུལ་གྲུ་མང་པོར་པཎ་ཆེན་ཆུང་སྲིད་དང་སྤྲུལ་སྐུ་བསྟན་འཛིན་བདེ་ལེགས་རྣམ་གཉིས་གཙོས་བོད་ཀྱི་ཆབ་སྲིད་བཙོན་པ་རྣམས་རྒྱ་གཞུང་གིས་ཆ་རྐྱེན་གང་མེད་པར་གློད་གྲོལ་གཏོང་དགོས་པའི་ལས་འགུལ་ཞིག་སྤེལ་བཞིན་པ་ལྟར།