གསར་འགྱུར་གནད་བསྡུས་ཁག

དོས་སྐྱེལ་མེ་འཁོར་གྱི་ཞབས་ཞུ་འདི་ནི་མི་ལོ་༢༠༠༠ སྔོན་ནས་ནུབ་ཕྱོགས་པ་དང་རྒྱ་ནག་མཉམ་དུ་བྱུང་བའི་གནའ་བོའི་དར་གོས་འགྲོ་ལམ་གྱི་ཚོང་འབྲེལ་བརྒྱུད་ལམ་(Silk Road trading routes) ཞེས་པ་དེ་བསྐྱར་གསོ་བྱེད་ཀྱི་ཡོད་པའི་ལས་གཞིའི་ཆ་ཤས་ཤིག་ཡིན་སྐོར་འདུག

རྒྱ་གར་ཨ་རུ་ན་ཅལ་མངའ་སྡེའི་བློན་ཆེན་པདྨ་མཁའ་འགྲོས་རྒྱ་ནག་དེ་རྒྱ་གར་གྱི་ཨ་རུ་ན་ཅལ་ཁུལ་གྱི་ཁྱིམ་མཚེས་མིན་པ་དང་། ཁྱིམ་མཚེས་ནི་བོད་ཡིན་སྐོར་གསུངས་འདུག

ཟླ་འདིའི་ཚེས་༨ ཉིན་རྒྱ་གར་ནང་དུ་གློ་ནད་མེད་པ་བཟོ་བའི་གོ་རྟོགས་ལས་འགུལ་སྤེལ་ཆེད། དྷ་སའི་དབྱུག་རྩེད་སྤོ་ལོའི་རྩེད་རར། རྒྱ་གར་གྱི་གྲོས་ཚོགས་འཐུས་མི་དང་གློག་བརྙན་འཁྲབ་སྟོན་པའི་བར་ལ་དབྱུག་རྩེད་འགྲན་སྡུར་བྱ་རྒྱུ་ཡིན་འདུག

ཉེ་བའི་ཆར་རྒྱ་གར་བྱང་ཤར་ཁུལ་གྱི་བརྒྱུད་ལམ་ཆེ་ཤོས་དེ་རིང་གི་བྱང་ཤར་ཞེས་པའི་ཐོག ཧེ་ལི་ནོང་མི་ཐེམ་(Halley Nongmaithem)ཞེས་པ་ཞིག་གིས། རྒྱ་ནག་དང་རྩོད་རྙོག་ཉུང་དུ་གཏོང་ཆེད་དང་རྒྱ་གར་རྒྱལ་ནང་དུ་རྩོད་རྙོག་མི་ཡོང་ཆེད། བོད་མི་ཚོར་ཕྱིར་སློག་གཏོང་དགོས་པ་དང་། ལྡི་ལིའི་བོད་མིའི་གཞིས་སྒར་དེ་བྱང་ཤར་མི་རིགས་རྣམས་ལ་སྤྲད་དགོས་སྐོར་གྱི་རྩོམ་ཡིག་“ཞི་བདེའི་ཆེད་བོད་མི་ཚོ་ཕྱིར་ལོག་རྒྱུགས་”ཞེས་པ་ཞིག་སྤེལ་འདུག