གསར་འགྱུར་གནད་བསྡུས་ཁག

ཟླ་འདིའི་ཚེས་༣ ཉིན་དབུས་བོད་མིའི་སྒྲིག་འཛུགས་ཀྱི་སྲིད་ཞུ་བའི་ཡིག་རྒྱུགས་གྲུབ་འབྲས་ཕྱིར་ཐོན་ཡོད་པ་དང། ཡིག་རྒྱུག་གཏོང་མཁན་མི་གྲངས་༡༧༣ ནང་མི་གྲངས་༡༣༤ ཡིས་ཡིག་རྒྱུགས་འཕྲོད་མེད་པ་རེད།

སེང་གྷ་པུར་(strait times) བརྒྱུད་ལམ་ལ་གནས་ཚུལ་བཀོད་པ་ལྟར་ན། ཨེ་ཤི་ཡའི་རྒྱལ་ཁབ་སེང་གྷ་པུར་དུ་ཟླ་འདིའི་ཚེས་༢༩ དང་༣༠ ཉིན་ལ་བོད་ཀྱི་གློག་བརྙན་དུས་སྟོན་ཞིག་ཚོགས་འཆར་ཡོད་པའི་ལག་འཛིན་ཆ་ཚང་སྔོན་ཚུད་ནས་རྫོགས་ཡོད་པ་དང་། དེ་ནི་སེང་གྷ་པུར་ཐེངས་དང་པོ་ཡིན་འདུག

ཟླ་འདིའི་ཚེས་༡༩ ཉིན་དྷ་ས་མེག་གྷན་དབུས་གཙང་ཆོས་ཀྱི་ཆོལ་ཁའི་ཚོགས་ཁང་དུ་དབུས་གཙང་ཆོལ་ཁའི་ངོས་ནས་བོད་མི་མང་སྤྱི་འཐུས་སྐབས་༡༦ པའི་འོས་མི་དང་། བཀའ་ཤག་སྐབས་བཅོ་ལྔ་པའི་སྲིད་སྐྱོང་གི་འོས་མི་བཏོན་ཡོད་པའི་གསལ་བསྒྲགས་ཤིག་སྤེལ་སོང་།

ཟླ་འདིའི་ཚེས་༡༧ ཉིན་གྱི་སྔ་དྲོ་རྒྱ་གར་ལྷོ་ཕྱོགས་མོན་གྷོ་ས་གནས་སུ་བཙན་བྱོལ་བོད་མིའི་དབུས་འོས་བསྡུ་ལྷན་ཁང་གི་འགན་འཛིན་ཤོ་ཟུར་བསོད་ནམས་ཆོས་འཕེལ་ས་གནས་སེར་སྐྱ་མི་མང་ལ་སྲིད་སྤྱི་གཉིས་ཀྱི་འོས་བསྡུ་བྱེད་ཕྱོགས་དང་། ལྷག་པར་འོས་བསྡུའི་སྒྲིག་གཞི་གཞིར་བཟུང་གིས་ཐོག་མི་མང་གིས་ངོས་ནས་འོས་བསྡུའི་ཆ་ཤས་ལེན་སྟངས་དང་མང་གཙོའི་འཕེལ་རིམ་བཅས་དང་འབྲེལ་བའི་སྐོར་ལ་གསུང་བཤད་གནང་ཡོད་པ་རེད།

ཟླ་འདིའི་ཚེས་༡༦ ཉིན་གྱི་སྔ་དྲོ་དྷ་ས་མེག་གྷན་བོད་ཀྱི་གསོལ་མགྲོན་ཁང་དུ་གདང་ལ་རི་བོ་དུས་དེབ་འདོན་ཐེངས་གཉིས་པ་དབུ་འབྱེད་དང་། རྩོམ་ཡིག་འགྲན་སྡུར་གྱི་བྱ་དགའ་སྤྲད་པའི་མཛད་སྒོ་ཞིག་འཚོགས་ཡོད་པ་རེད།

ཟླ་འདིའི་ཚེས་༥ ཉིན་རྒྱ་གར་ལྷོ་ཕྱོགས་མོན་གྷོ་བོད་མིའི་གཞིས་སྒར་གྱི་ས་གནས་མི་མང་མཉམ་འབྲེལ་གྱི་ལོ་འཁོར་ཚོགས་ཆེན་ཐེངས་༤༨ པ་དེ་མོན་གྷོ་ས་གནས་མི་མང་ཚོགས་ཁང་ནང་འཚོགས་ཡོད་པ་རེད།

བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་༤༦པའི་ཉིན་བཞི་པར་དབུས་སྤྱི་ཁྱབ་རྒྱུན་ལས་ཁང་གི་སྣེ་ཁྲིད་འོག ས་གནས་གཞོན་ལྷན་གྱི་སྐུ་ཚབ་ཁག་ཆ་འགོས་ཀྱིས་བོད་དོན་ཞུ་གཏུག་ཀྱི་ལས་འགུལ་ཞིག་སྤེལ་ཡོད་འདུག

ཟླ་འདིའི་ཚེས་༢༧ ཉིན་གྱི་སྔ་དྲོ་ཆུ་ཚོད་༨ པའི་ཐོག་རྒྱ་གར་ལྷོ་ཕྱོགས་མོན་གྷོ་ས་གནས་སུ་རྟེན་གཞི་བྱས་པའི་དགའ་འབྲས་གཉིས་དང་གཞིས་གྲོང་ཁག་བཅུའི་ནང་ཡོད་པའི་ཁམས་བྲག་གཡབ་པ་སེར་སྐྱ་མི་མང་