གསར་འགྱུར་གནད་བསྡུས་ཁག

རང་ལོ་༢༡ སོན་པའི་པེ་རིག་ཤ་ར་ན་ལ་ཕྱི་ལོ་༢༠༡༧ ལོའི་ཧི་མ་ལ་ཡའི་མཛངས་མའི་དབུ་རྒྱན་ཐོབ་ཡོད་པ་དང་། མོ་ནི་དྷ་སའི་ཉེ་འགྲམ་གྱི་གྷ་གྷལ་གྲོང་སྡེ་ནས་ཡིན་འདུག

ཟླ་འདིའི་ཚེས་༢༧ ཉིན་ཨ་རིའི་ནིའུ་ཡོག་ཏུ་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གི་སྒྲིག་འོག དགུ་པའི་ཉེར་བདུན་རྗེས་དྲན་དང་འབྲེལ་བའི་ངོ་རྒོལ་སྐད་འབོད་ཀྱི་ལས་འགུལ་སྤེལ་ཡོད་པ་རེད།

ནུ་མའི་སྐྲན་ནད་ཡོད་པའི་བུད་མེད་རྣམས་ཀྱིས་རྫས་སྦྱོར་གྱི་བཅོས་ཐབས་ལ་བརྟེན་གྱི་ཡོད་པ་དང་། བཅོས་ཐབས་དེའི་ཟུར་གྱིས་གནོད་སྐྱོན་ཐེབས་པ་ཁག་ཅིག་ལ་བོད་ཀྱི་ཡོ་ག་རྩེས་ནས་ཕན་ཐོགས་ཀྱི་ཡོད་པའི་ཞིབ་འཇུག་གྲུབ་དོན་ཞིག་ཐོན་འདུག

འབར་མའི་ནང་རུང་གྷེ་ཡ་ཁ་ཆེ་གྲངས་ཉུང་མི་རིགས་ལ་དྲག་གནོན་གྱི་རྩོད་རྙོག་འགྲོ་བཞིན་སྐབས། རྒྱ་གར་ནང་དུ་ཡོད་པའི་བཙན་བྱོལ་བོད་ཀྱི་དགོན་སྡེ་གྲྭ་ཚང་ཁག་དང་གྲྭ་བཙུན་རྣམས་ལ་གཟབ་གཟབ་བྱེད་དགོས་པའི་གནས་ཚུལ་ཞིག བོད་མིའི་སྒྲིག་འཛུགས་བདེ་སྲུང་ལས་ཁུངས་ནས་གནས་ཚུལ་མཁོ་སྤྲོད་གནང་བ་ལྟཆོས་རིག་ལས་ཁུངས་ཀྱིས་ཛ་དྲག་གསལ་བསྒྲགས་སུ་སྤེལ་འདུག

བོད་པའི་བུད་མེད་སློབ་མ་བསྟན་འཛིན་པ་སངས་ཀྱིས། སིམ་ལར་རྟེན་གཞི་བྱས་པའི་བྷ་ར་(Bahra University) གཙུག་ལག་སློབ་གཉེར་ཁང་ནས། ཁྲིམས་ལུགས་རིག་པའི་ལོ་རིམ་གཉིས་པའི་ཡིག་རྒྱུགས་ནང་བརྒྱ་ཆ་༩༦.༥ བླངས་ནས། ཕྱི་ལོ་༢༠༡༧ ལོའི་ཤེས་རིག་ལྷན་ཁང་གི་སློབ་ཡོན་ཧིན་སྒོར་འབུམ་གཅིག་ཐོབ་མཁན་དང་པོ་དེ་ཆགས་ཡོད་པ་རེད་འདུག