བཙན་བྱོལ།

རབ་བྱུང་བཅུ་བདུན་པའི་ས་བྱི་ལོའི་བོད་ཟླ་༡༠ཚེས་༡༣ཕྱི་ལོ་༢༠༠༨ཕྱི་ཟླ་༡༢པའི་ཚེས་༡༠ཉིན་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་བཅུ་དགུ་འཁོར་བའི་དུས་དྲན་མཛད་སྒོའི་ཐོག་བཀའ་ཤག་གི་གཏམ་བཤད།

༄༅།།ཁམས་གསུམ་སྐྱེ་འགྲོ་སྤྱི་དང༌།ཁྱད་པར་གངས་ཅན་པ་རྣམས་ཀྱི་མགོན་སྐྱབས་དཔུང་གཉེན་ཉག་གཅིག་སྤྱི་ནོར་ྋགོང་ས་ྋསྐྱབས་མགོན་རྒྱལ་བའི་དབང་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་བཅུ་དགུ་འཁོར་བའི་རྗེས་དྲན་གྱི་དུས་ཆེན་དང༌།རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ།ཧི་མཱ་ལ་ཡའི་དུས་སྟོན་བཅས་གལ་ཆེའི་དུས་ཚིགས་གསུམ་འཛོམས་ཀྱི་ཉིན་མོ་འདིར་གཞིས་བྱེས་བོད་མི་ཡོངས་དང༌།ཞི་བདེ་ལ་དགའ་བའི་འཛམ་གླིང་སྐྱེ་འགྲོ་ཚང་མར་བཙན་བྱོལ་བོད་གཞུང་བཀའ་ཤག་གིས་གུས་བརྩི་དང་བཅས་ཏེ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།

ཟླ་འདིའི་ཚེས་༥ ཉིན་ནས་བཟུང་ཉིན་གཉིས་རིང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་བོད་གཞུང་གི་ཤེས་ཡོན་ཡར་རྒྱས་གཏོང་ཕྱོགས་སྐོར་ལ་ཚོགས་འདུ་ཞིག་འཚོགས་ཡོད་པ་དང༌། ྋགོང་ས་མཆོག་གིས་དམིགས་བསལ་གྱིས་རིགས་གཅིག་རྐང་འཛིན་ཐོག་ལ་ཤུགས་རྒྱག་དགོས་སྐོར་བཀའ་གནང་བ་བཞིན། དྷ་སའི་ཤེས་ཡོན་ཅན་ཚོ་གདན་འདྲེན་གྱིས་ལམ་སྟོན་ག་རེ་འདུག་བལྟ་རྒྱུ་དང༌། རིམ་པས་ག་འདྲ་བྱེད་དགོས་ཀྱི་འདུག་བང་བསྒྲིགས་ནས་ཡོད།

ཟླ་འདིའི་ཚེས་༨ ཉིན་ཕྱི་དྲིལ་ཚོགས་ཁང་དུ་འདི་ག་ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་གིས་པར་སྐྲུན་བྱས་པའི་ནགས་ཚང་ཞི་ལུའི་སྐྱིད་སྡུག་ཅེས་པའི་དཔེ་དེབ་དང༌། འདི་གའི་དྲ་རྒྱ་དབུ་འབྱེད་ཀྱི་མཛད་སྒོ་ཞིག་འཚོགས་པ་དང༌།

ཉེ་ཆར་བོད་ཀྱི་དཔེ་མཛོད་ཁང་ནས་དཔེ་དེབ་<<ཚབ་ཡིག་ཕྱོགས་བསྡུས་དཔྱད་བསྒྲིགས་མ་>>ཞེས་པ་དང༌། <<ཐང་སན་ལམ་ཡིག>> <<གཏམ་ཚོགས་>>བཅས་དེབ་གསུམ་པར་སྐྲུན་འགྲེམས་སྤེལ་བྱས་འདུག་པ་དང༌།

ཁ་བྱང་གི་འགྲེལ། ནགས་ཚང་ཞེས་པ་མི་ཚང་གི་མིང་དང༌། ཞི་ལུ་ཞེས་པ་ཨ་མདོའི་ཡུལ་སྐད་བུ་ཞེས་པའི་དོན་ཡིན། དེབ་དེའི་མིང་ལ་ནགས་ཚང་བུའི་སྐྱིད་སྡུག་ཅེས་ཟེར་བ་རེད།

དེབ་ཀྱི་བརྗོད་དོན་སྙིང་བསྡུས།

དེབ་འདིའི་བརྗོད་བྱ་གཙོ་བོ་ནགས་ཚང་བུ་ནུས་ལྡན་བློ་བཟང་ཁོ་རང་གི་མི་ཚེའི་ལོ་རྒྱུས་དང་འབྲེལ་ནས་མཐོང་ཐོས་མྱོང་གསུམ་གྱི་ཚོར་སྣང་དང་ལོ་རྒྱུས་ངོ་མ་དག་སྦས་སྐུང་བརྐྱང་བསྐུམ་མེད་པར་བྲིས་འདུག་ལ། དེ་ཡང༌། ལེའུ་དང་པོ། མི་ལུས་ཐོབ་པའི་དགའ་སྐྱོ་སྡུག་གསུམ། ལེའུ་གཉིས་པ། མི་ཚེའི་སྐྱིད་སྡུག་རྒོ་བོའི་རྭ་ཚིགས། ལེའུ་གསུམ་པ། དབུས་ཇོ་བོའི་གསེར་ཞལ་མཇལ་བ། ལེའུ་བཞི་པ། ཕ་ཡུལ་དུ་སླེབས་པའི་སྔ་རྗེས། ལེའུ་ལྔ་པ། ས་མཐར་འཁྱམས་པའི་སྐྱོ་སེམས། ལེའུ་དྲུག་པ། ཡ་ང་བའི་དྭ་ཕྲུག་གི་འཚོ་བ་བཅས་ལེའུ་ཆེན་པོ་དྲུག་དང༌། ལེ་ཚན་ཆུང་བ་༨༨ ཀྱི་ནང་དུ་བསྡུས་ཡོད།

ཟླ་འདིའི་ཚེས་༥ ཉིན་ནས་བཟུང་ཉིན་གཉིས་རིང༌། ཕྱི་དྲིལ་ལྷག་པ་ཚེ་རིང་ཚོགས་ཁང་དུ་ཤེས་ཡོན་ཡར་རྒྱས་གཏོང་ཕྱོགས་སྐོར་ཚོགས་འདུ་ཞིག་འཚོགས་ཡོད་པ་དང༌། ཚོགས་འདུ་དེའི་སྐུ་མགྲོན་གཙོ་བོ་ཤེས་རིག་བཀའ་བློན་ཐུབ་བསྟན་ལུང་རིགས་མཆོག་ཕེབས་ཡོད་པ་རེད། གཞན་ཡང་བཙན་བྱོལ་སྤྱི་ཚོགས་ནང་དུ་ཤེས་ཡོན་ཅན་དང༌། སློབ་སྤྱི་དང་དགེ་རྒན།

ལོ་འདིའི་འཇང་དགུན་ཆོས་ཆེན་མོ་དེ་མོན་གྷོ་བོད་མིའི་གཞིས་ཁོངས་ཀྱི་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་འཚོགས་བཞིན་ཡོད་པ་རེད། དེ་ཡང་ཟླ་༡༡ ཚེས་༢༧ ནས་དབུ་འཛུགས་ཀྱིས་འཇང་དགུན་ཆོས་ཆེན་མོ་དེ་ལོ་ལྟར་སེ་འབྲས་དགེ་གསུམ་དང་བཀྲིས་ལྷུན་པོ་རྭ་སྟོད་རྣམ་གྲྭ་རྒྱུད་གྲྭ་སྟོད་སྨད་སོགས་མང་ཆེ་བ་དཔལ་རྒྱལ་བ་ཙོང་ཁ་པ་ཆེན་པོའི་རིང་ལུགས་འཛིན་པའི་ཆོས་སྡེ་ཆེ་ཕྲ་ཡོངས་རྫོགས་ཆེད་ཕེབས་སྲོལ་ཡོད་པ་བཞིན་འདི་ལོའང་ཟླ་གཅིག་མ་ཟིན་ཙམ་རིང་འཚོགས་བཞིན་ཡོད་པ་རེད།

ཕྱི་ཟླ་༡༡ པའི་ཚེས་༢༦ ནས་༢༨ པར་ཉིན་གསུམ་རིང་འབྲས་བློ་གླིང་ཆོས་རིག་འཛིན་སྐྱོང་སློབ་གྲྭའི་གོ་སྒྲིག་འོག་སེར་སྐྱ་མི་མང་རྣམས་ལ་ཆོས་ཚན་ཟུང་འབྲེལ་འགྲེམས་སྟོན་ཐེངས་དང་པོ་ཞེས་པ་གནང་སོང་བ་དང༌། དེའི་སྐོར་བློ་གླིང་ཆོས་རིག་འཛིན་སྐྱོང་སློབ་གྲྭའི་སློབ་སྤྱི་ངག་དབང་རྒྱ་མཚོ་མཆོག་གིས་གསུངས་པ་ལྟར་ན། དམིགས་ཡུལ་གཙོ་བོ་དེ་ྋགོང་ས་སྐྱབས་མགོན་རིན་པོ་ཆེའི་བཀའ་དགོངས་ཟབ་མོ་བཞིན་ཚན་རིག་དང་ནང་ཆོས་དབར་གྱི་གོ་བསྡུར་བྱེད་རྒྱུ་གལ་ཆེན་ཞིག་ཏུ་བརྩིས་ནས་དེ་རིང་ང་ཚོས་ཆོས་ཚན་ཟུང་འབྲེལ་གྱི་འགྲེམས་སྟོན་ཐེངས་དང་པོ་དེ་འགོ་བཙུགས་པ་ཞིག་ཡིན་སྐོར་དང༌།

མེས་དབོན་གཙུག་ལག་དཔེ་སྟོན་སློབ་གྲྭ་དབུ་བརྙེས་ནས་ལོ་ངོ་གསུམ་འཁོར་ཟིན་ཡོད་པ་དང༌། ཟླ་འདིའི་ཚེས་༡ ཉིན་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་སློབ་ཕྲུག་ཚོས་བྲིས་པའི་རི་མོ་དང་ཡིག་གཟུགས་སོགས་ཀྱི་འགྲེམས་སྟོན་ཞིག་གོ་སྒྲིག་བྱས་ཡོད་པ་རེད། དེར་ཤེས་རིག་བཀའ་བློན་ཐུབ་བསྟན་ལུང་རིགས་མཆོག་སྐུ་མགྲོན་གཙོ་བོར་ཕེབས་ཡོད་པ་རེད།

ཟླ་འདིའི་ཚེས་༡ ཉིན་ནི་འཛམ་གླིང་གཉན་ནད་རེག་དུག་(HIV/AIDS)གི་ན་ཚའི་ཉིན་མོ་ཡིན་པ་དང༌། ཉིན་དེར་དྷ་ས་ཟློས་གར་ཚོགས་ཁང་དུ་བོད་གཞུང་འཕྲོད་བསྟེན་ལས་ཁུངས་ཀྱིས་མི་མང་ལ་ན་ཚ་སྔོན་འགོག་སྐོར་ལ་ངོ་སྤྲོད་གནང་བ་དང་འབྲེལ་བོད་པའི་སྤྱི་ཚོགས་ནང་གཉན་ནད་རེག་དུག་གི་ནད་གཞི་ངོ་སྤྲོད་དང༌། སྔོན་འགོག་ཐབས་ལམ་སོགས་ཀྱི་སྐོར་ལ་སློབ་གསོའི་ལས་འགུལ་རྒྱ་ཆེ་སྤེལ་རྒྱུའི་ལས་རིམ་ནང་འདི་ལོའི་ཕྱི་ཟླ་༡༢ ཚེས་༡ ནས་༢༠༠༩ ལོའི་ཟླ་༣ ཚེས་༣༡ བར་ས་གནས་གང་ས་ནས་རིན་མེད་ཐོག་བརྟག་དཔྱད་བྱ་རྒྱུ་ཡིན་པ་འགྲེལ་བརྗོད་གནང་ཡོད་པ་རེད། དེ་བཞིན་བོད་གཞུང་སྨན་རྩིས་ཁང་གི་སྨན་པ་བསྟན་འཛིན་རྣམ་གྲོལ་ལགས་ཀྱིས་བོད་པའི་སྤྱི་ཚོགས་ནང་ནད་གཞི་དེ་ཇེ་མང་དུ་འགྲོ་བཞིན་ཡོད་པ་ངོ་སྤྲོད་དང༌།